Йирмея 6:9 - Мукъаддес Китап

⁹ Ордуларнынъ РАББИси бойле дей: – Сонъки салкъымына къадар юзюм джыйылгъаны киби, Исраильде къалгъанларны да ойле топлайджакълар. Юзюм джыйгъан бирев киби, къолларынъны пытакъларгъа узат.

Йирмея 6:9 ပူးပေါင်းရင်းမြစ်များ

Йирмея 11:23

Кимсе сагъ къалмайджакъ, оларны джезалайджакъ йылда Анатот акъайларынынъ башына беля тюшюреджегим.

Йирмея 16:16

– Энди оларны тутмагъа чокътан-чокъ балыкъчыларны ёллайым, – дей РАББИ. – Сонъ чокътан-чокъ авджыларны ёлларым да, оларны эр дагъдан, эр байырдан, эр къаянынъ чатлакъларындан къуваларлар.

Йирмея 49:9

Юзюм джыйгъанлар санъа кельсе эди, мытлакъа бир къач салкъым къалдырыр эди. Гедже хырсызлар кельсе эди, керегини алыр эди.

Йирмея 8:3

Бу яман къабиледен бутюн сагъ къалгъанлар яшайышкъа коре олюмни сайлайджакълар. Мен оларны къувалайджакъ бутюн ерлерде, олар сагъ къаладжакъ топракъларда айны шей оладжакъ, – дей Ордуларнынъ РАББИси.

Сырларнынъ ачылувы 14:18

Атешке буюрып олгъан даа башкъа бир мелек къурбан еринден чыкъып кельди. О, кескин пычакълы мелекке кучьлю сеснен къычырып, бойле деди: – Ерде юзюмлер пишти. Кескин пычагъынъны чалыштыр, ердеки юзюм салкъымларыны кесип ал.