Йирмея 6:21 - Мукъаддес Китап

²¹ Бунынъ ичюн РАББИ бойле дей: – Бу халкънынъ огюне ёлдан ураджакъ шейлерни къояджагъым, бабалар да, огъуллар да оларгъа сюрюнеджеклер, къомшу да достунен берабер гъайып оладжакъ.

Йирмея 6:21 ပူးပေါင်းရင်းမြစ်များ

2 Тарих вакъиалары 36:17

РАББИ оларгъа къасдийлилернинъ падишасыны ёллады. О, Азиз Ердеки Эвде бутюн йигитлерни къылычнен ольдюрди ве кимсени аджымады – йигитни де, къызны да, акъсакъалны да, хаста къартны да, – Алла онынъ къолуна эр бирини берди.

Ешая 8:14

О, сизге азиз ер киби, эм де йыкътырыджы таш киби оладжакъ. Исраильнинъ эки падишалыгъы бу къаягъа сюрюнеджеклер! Ерусалимде яшагъанларгъа О, къапкъан ве тузакъ киби оладжакъ;

Ешая 8:15

оларнынъ чокълары сюрюнип, йыкъыладжакъ ве парчаланаджакъ, къапкъангъа тюшип, сарыладжакъ да, тутуладжакъ.

Йирмея 13:14

бири-бирлерине ураджагъым, бабаларны огъулларынен берабер ёкъ этеджегим, – дей РАББИ. – Аджымайып, пешман олмайып, мерамет этмейип, оларны бутюнлей ёкъ этеджегим».

Йирмея 13:16

РАББИни, сизинъ Алланъызны шуретленъиз! Бир кунь О, къаранлыкъ ёллайджакъ, къараргъан дагъларда аякъларынъыз сюрюнип башлайджакъ. Сиз ярыкъ беклейджексиз, Рабби исе оны олюм кольгесине, къою къаранлыкъкъа чевиреджек.

Йирмея 18:21

Бунынъ ичюн огъулларына ачлыкъ ёлла, оларны къылычнен ольдюр; апайлары баласыз, тул къалсын, акъайлары ольдюрильсин, йигитлери дженкте къылычтан ольсюн.

Йирмея 18:23

Мени ольдюрмеге эписи ниетлерини билесинъ, я РАББИ! Къабаатларыны багъышлама, оларнынъ гунасы эр вакъыт огюнъде олсун. Сенинъ огюнъде йыкъылып къалсынлар, оларны гъазабынънен джезала.

Йирмея 21:7

Ондан сонъ да, – дей РАББИ, – Ехуда падишасы Цидкияны ве хызметчилерини, бу шеэрде сагъ къалгъанларны, ольдюриджи хасталыкътан, къылычтан ве ачлыкътан къуртулгъан халкъны Вавилон падишасы Невукъаднеццарнынъ къолуна, джанларыны къыдыргъан душманларынынъ къолуна береджегим. Олар халкъны аджымайып, къылычнен ольдюреджеклер, джанларыны багъышламайджакъ, мерамет этмейджеклер.

Йирмея 8:12

Пис ишлерни япкъанда, утандылармы? Ёкъ! Ич утанмайып, къызарып бозармайлар да! Онынъ ичюн тюшкенлернинъ арасына тюшеджеклер, джезанен кельгенимде, ерге йыкъыладжакълар, – дей РАББИ.

Ехезкель 3:20

Эгер де инсафлы бир киши догърулыгъындан къайтса ве акъсыз ишлер япса, Мен онынъ ёлуны къапатаджагъым, ве о, сюрюнип оледжек. Эгер сен оны тенбиелемесенъ, онынъ догъру ишлери анъылмайып, о озь гунасы ичюн ольсе, онынъ къаны ичюн исе Мен сенден джевап сорайджагъым.

Ехезкель 5:10

Сизинъ аранъызда бабаларынъыз балаларыны, балалары исе бабаларыны ашайджакълар. Мен сизлерни джезалайджагъым, сагъ къалгъанны исе ельге савураджагъым».

Левийлилер 26:37

Оларны къувалагъан адам олмаса да, олар къылычтан къачкъан киби къачып, сюрюнип-олип бири-бирине йыкъыладжакълар. Душманларынъызгъа къаршы турмакъ ичюн джесюрлик тапмайджакълар.

Римлилерге 11:9

Давут да бойле дей: – Оларнынъ софрасы озьлери ичюн тузакъ ве къапкъан, гунагъа себеп ве джеза олсун.

Римлилерге 9:33

Язылгъаны киби: Мына, Мен Сионда сюрюндирген ташны, йыкътырыджы къаяны къоям. Онъа иман эткен адам утанмайджакъ.

1 Пётр 2:8

адамларны сюрюндирген таш ве йыкътыргъан къая олды. Олар сюрюнелер, чюнки Алланынъ Сёзюне инанмайлар. Оларнынъ къысмети бойледир.