Йирмея 6:16 - Мукъаддес Китап

¹⁶ РАББИ бойле дей: – Туткъан ёлларынъызда токътанъыз, бакъынъыз, эвельки ёллар акъкъында сораштырынъыз, догъру ёл къайда олгъаныны тапынъыз да, о ёлнен кетинъиз. О заман джанларынъыз ичюн раатлыкъ ерини тападжакъсынъыз. Амма олар: «О ёлнен кетмейджекмиз», – дедилер.

Йирмея 6:16 ပူးပေါင်းရင်းမြစ်များ

3 Падишалар 8:36

о вакъыт оларны коклерден эшит, къулларынъ олгъан Исраиль халкъынынъ гуналарыны багъышла. Оларгъа догъру ёлны косьтер ве халкъынъа мирас оларакъ берген топрагъынъа ягъмур ягъдыр!

2 Тарих вакъиалары 19:11

Амарья РАББИнинъ эр бир ишинде сизинъ баш руханийинъиз оладжакъ. Зевадья исе, Исмаилнинъ огълу ве Ехуда эвининъ башлыгъы, падишанынъ эр бир ишлеринде сизге башлыкъ оладжакъ. Левийли хызметчилер де сизинъ ярдымджыларынъыз оладжакъ. Джесюр олунъыз ве арекет этинъиз. РАББИ исе догъру япкъан адамнен берабер олсун!

Ешая 2:5

Эй, Якъупнынъ эви! Келинъиз, РАББИнинъ ярыгъында юрейик!

Ешая 28:12

Оларгъа: «Мына – раатлыкъ, ёргъунгъа раатлыкъ беринъиз. Тескин будыр», – деди, амма олар динълемеге истемедилер.

Ешая 30:21

О заман сизлер онъгъа я да солгъа урулгъанынъызда, артынъыздан, къулакъларынъызгъа: «Мына ёлдыр, бу ёлдан кетинъиз», – дегенлерини эшитеджексинъиз.

Ешая 46:9

Эвель-эзельден олгъаныны акъылгъа кетиринъиз; Мен – Аллам, башкъасы ёкъ, Мен – Аллам, Манъа ошагъан ёкътыр!

Ешая 57:2

ве о, тынчлыкъ-аманлыкъ ерине кече; догъру ёлда юргенлер озь ятакъларында раат ятаджакълар.

Ешая 8:20

Къанунда ве Алланынъ сёзлеринде догърусыны къыдырынъыз. Эгер адамлар буларгъа коре айтмасалар, оларда ярыкъ ёкътыр!

Йирмея 12:16

Халкъыма Баалнынъ адынен ант этмеге огреткенлери киби, Меннен, РАББИнинъ Адынен ант этмеге ве халкъымнынъ ёлундан юрмеге огренселер, халкъымнынъ арасында яшамагъа ерлери оладжакъ.

Йирмея 18:12

Амма олар: «Акъылгъа биле кетирме! Озь тюшюнджелеримизге коре яшайджакъмыз, яман юреклеримизнинъ инатлыгъына коре арекет этеджекмиз», – дейлер.

Йирмея 18:15

Халкъым исе Мени унутты, бош путларгъа къокъулы отларны якъалар, къадимий ёлундан урулдылар, юрюльген ёлдан дегиль де, насылдыр сокъачыкътан кеттилер.

Йирмея 2:25

Ялынаякъ юрмектен сакъын, сувсузлыкътан богъазынъны сакъла. Амма сен: «Э-эй, эписи джоюлып кетсин! Ябанджы аллаларны севем, оларнынъ артындан кетеджегим», – дединъ.

Йирмея 22:21

Тынчлыкъ куньлеринъде сеннен лаф эткенде, сен: «Динълемейджегим», – дединъ. Озюнъни яшлыгъынъдан бойле туттынъ, сёзюмни ич динълемединъ.

Йирмея 31:21

Ёл бою озюнъе косьтергичлерни ве диреклерни къой, кеткен ёлунъа мукъайт ол! Эй, Исраиль къызы, арткъа къайт, бу шеэрлеринъе къайт!

Йирмея 42:3

РАББИ, сенинъ Алланъ, къайда кетеджегимизни ве не япаджагъымызны бизге огретсин.

Йирмея 44:16

– РАББИнинъ Адындан бизге айткъан сёзлеринъни динълемейджекмиз.

Йирмея 50:5

Сионгъа кеткен ёл акъкъында сорайджакълар, юзьлерини онъа тараф чевирип: «Айдынъыз, РАББИге къошулайыкъ, эбедий унутылмыз васиетини къабул этейик», – дейджеклер.

Йирмея 7:23

О заман исе оларгъа буны буюрдым: «Сесимни динъленъиз, ве Мен сизинъ Алланъыз олурым, сиз де Меним халкъым олурсынъыз. Сизде яхшылыкъ олсун деп, эр буюргъан ёлумдан юрюнъиз».

Йирмея 7:24

Амма олар не динъледи, не къулакъ астылар, лякин инат олып, юреклерининъ яман ниетлерине коре яшадылар, Манъа юзьлерини дегиль, аркъаларыны чевирдилер.

Йирмея 7:3

Ордуларнынъ РАББИси, Исраильнинъ Алласы бойле дей: Туткъан ёлларынъызны ве ишлеринъизни догъурланъыз. О заман сизге бу ерде яшамагъа разылыкъ берерим.

Малакий 4:4

– Къулум Мусанынъ Къануныны акъылларынъызда тутунъыз. Мен бу Къанунны, эм де низамнамелерни ве къарарларны Хорев дагъында бутюн Исраиль ичюн буюрдым.

Лука 16:29

Ибраим онъа: «Оларда Муса ве пейгъамберлер бар, оларны динълесинлер», – деген.

Юхан 12:35

Иса оларгъа деди: – Даа къыскъа бир вакъыт ичинде ярыкъ сизнен оладжакъ. Къаранлыкъ сизни басмасын деп, ярыкъта юрюнъиз. Къаранлыкъта юрген адам къаерге кетеяткъаныны бильмей.

Юхан 13:17

Эгер буны анъласанъыз, буны беджерип бахтлы олурсыз!

Юхан 5:39

Сиз Мукъаддес Языларны дикъкъатнен огренесиз, оларнынъ ярдымынен эбедий аятны алмагъа тюшюнесиз. Бу Язылар исе Меним акъкъымда шаатлыкъ этелер.

Фаалиет 17:11

Бу ердеки еудийлер Тессалонике сакинлерине бакъкъанда, адам сайгъан халкъ эди. Алланынъ Сёзюни буюк азырлыкънен къабул этип, бу огретюв догъру экенми, деп, кунь-куньден Мукъаддес Языларны араштырып тешкере башладылар.

Римлилерге 4:12

Айны вакъытта, Ибраим сюннет олгъанларнынъ да, демек, иманлары Ибраимнинъ сюннет олмагъан вакътындаки иманына тенъ олып, сюннет олгъанларнынъ бабасы олды.

Къануннынъ текрары 32:7

Къадимий заманларны акъылынъа кетир, эвельки несиллернинъ йыллары акъкъында тюшюн. Бабанъдан сора, о санъа айтар, къартларынъыздан сора, олар санъа анълатырлар.

Колоссайлыларгъа 2:6

Шунынъ ичюн, эгер сизлер Иса Месихни, Раббини, къабул эткен олсанъыз, Онда яшанъыз.

Еудийлерге 11:2

Эвель заманларда яшагъанлар Алладан макътав иманлары ичюн къазандылар.

Еудийлерге 6:12

Дембель олманъыз, Алла берген сёзнинъ беджериледжегини иман ве сабырнен беклеген адамлар киби олунъыз.

Къадылар 2:17

Лякин исраиллилер къадыларгъа да къулакъ асмадылар, ороспу киби олып, башкъа аллаларнынъ пешинден кетип, оларгъа табына башладылар, РАББИнинъ эмирлерине бойсунып юрген бабаларынынъ ёлундан тезден урулдылар, бабалары киби япмадылар.