Йирмея 52:6 - Мукъаддес Китап

⁶ Дёртюнджи айнынъ докъузынджы кунюнде шеэрдеки ачлыкъ пек къуветленди, халкъта отьмек уфагъы биле къалмады.

Йирмея 52:6 ပူးပေါင်းရင်းမြစ်များ

4 Падишалар 25:3

Айнынъ докъузынджы кунюнде шеэрдеки ачлыкъ пек къуветленди, халкъта отьмек уфагъы биле къалмады.

Ешая 3:1

Иште, Рабби, Ордуларнынъ РАББИси, Ерусалим ве Ехуда ишангъан емек ве аш-сувларыны, отьмек ве сув запасларыны ёкъ этеджек.

Йирмея 15:2

Сенден: «Къайда кетейик?» – деп сорасалар, айт оларгъа: «РАББИ бойле дей: Олюм ичюн айырылгъанлар ольсюн, къылыч ичюн айырылгъанлар ольдюрильсин, ачлыкъ ичюн айырылгъанлар ач олсун, эсир ичюн айырылгъанлар сюргюнликке кетсин».

Йирмея 19:9

Оларгъа огъулларынынъ ве къызларынынъ этини ашаттыраджагъым. Сыкъынты вакътында, джанларыны къыдыргъан душманлар оларны алкъагъа алгъанда, олар бири-бирлерини ашайджакълар».

Йирмея 21:9

Бу шеэрде къалгъанлар къылычтан, ачлыкътан, ольдюриджи хасталыкътан оледжек. Шеэрден чыкъкъанлар ве сизни алкъагъа алгъан къасдийлилерге озьлери берильгенлер исе яшайджакълар ве джанларыны къуртараджакълар.

Йирмея 25:10

– Оларнынъ арасында севинч ве къуванч сеслери, киев-келин сеслери, дегирмен ташларынынъ давушлары кесиледжеклер, къандиллер де ярыгъыны бермейджеклер.

Йирмея 37:21

Цидкия падишанынъ буюргъанына коре Йирмеяны къаравуллар азбарында къапаттылар. Шеэрде отьмек битмегендже, эр кунь онъа фурунджылар сокъагъындан бир пите бере эдилер. Бойледже, Йирмея къаравуллар азбарында къалды.

Йирмея 38:9

– Падиша-эфендим! – деди. – Бу адамлар Йирмея пейгъамберни къуюгъа атып, пек яман шей яптылар. О, къуюда ачлыкътан олер, шеэрде энди отьмек къалмады да.

Йирмея 39:2

Цидкия падишанынъ 11-инджи йылында, дёртюнджи айнынъ докъузынджы кунюнде шеэр запт этильди.

Агълав йырлары 1:11

Бутюн халкъы отьмек къыдырып, ич чекелер; джаныны къуртармакъ ичюн, ашкъа къыйметли шейлерини берелер. «Я РАББИ, корь мени, не къадар ашалангъаныма бакъ».

Агълав йырлары 5:10

Якъыджы ачлыкътан теримиз соба киби сыджакъ.

Ехезкель 14:13

– Инсан огълу! Эгер бир мемлекет Менден вазгечип, гуна япса, ве Мен оны къолумнен джезаласам, отьмек кетирилювини токътатсам, онъа ачлыкъ ёлласам ве мемлекетте эм инсанларны ве айванларны ёкъ этип башласам,

Ехезкель 14:21

РАББИ-ТААЛЯ шойле дей: Дёрт агъыр олюм джезасыны: дженкни, ачлыкъны, кийик айванларны ве ольдюриджи хасталыкъны, – Ерусалим шеэрине йиберем. Оларнынъ себебинден эм инсанлар ве айванлар гъайып олсун.

Ехезкель 31:1

11-инджи йылы, учюнджи айынынъ биринджи кунюнде РАББИ манъа шойле деди:

Ехезкель 5:16

Ачлыкънынъ аджджы окъларыны атып, сизлерни ёкъ этеджегим. Оларны йиберип, сизлерни ольдюреджегим. Ачлыкъны арттыраджагъым, отьмек кетирилювини кеседжегим.

Ехезкель 7:15

Шеэрнинъ чевресинде къылыч, ичинде исе ольдюриджи хасталыкънен ачлыкъ. Тарлада олгъанлар къылычтан оледжек, шеэрде олгъанларны исе ачлыкъ ве хасталыкъ ёкъ этеджек.

Левийлилер 26:26

Адамгъа такъат берген отьмекни сизден ёкъ этеджегим. Бир фурунда он къадынынъыз пителерни пиширеджек, отьмегинъизни чекисине коре береджеклер. Сиз ашайджакъсынъыз, амма тоймайджакъсынъыз.

Зекерья 8:19

Ордуларнынъ РАББИси бойле дей: – Дёртюнджи, бешинджи, единджи ве онунджы айларнынъ аштан-сувдан вазгечкен куньлери Ехуда халкъы ичюн къуванч ве шенъли байрам оладжакъ. Акъикъатны ве аманлыкъны севинъиз.

Къануннынъ текрары 32:24

Ачлыкъ оларны бошатыр, веба оларны ашар, аджджы тишлемелер келир. Оларгъа къаршы кийик айванларны, тозда сюйрекленген зеэр махлюкъларны ёлларым.