Йирмея 51:7 - Мукъаддес Китап

⁷ Вавилон РАББИнинъ элинде алтын савут киби эди; о, бутюн ер юзюни сархошлатты. Халкълар ондан шарап ичип, акъылындан айырылдылар.

Йирмея 51:7 ပူးပေါင်းရင်းမြစ်များ

Ешая 14:4

сен Вавилоннынъ падишасыны мыскъыллап, онынъ акъкъында бойле йырлайджакъсынъ: – Залым ёкъ олды, гъазабы да битти.

Йирмея 13:13

оларгъа айт: «РАББИ бойле дей: Бакъынъыз, бу мемлекетте яшагъан эр кесни: Давутнынъ тахтында отургъан падишаларны, руханийлерни, пейгъамберлерни, Ерусалимде яшагъанларнынъ эписини сархошлаткъандже шарапкъа толдураджагъым,

Йирмея 25:9

Мен эписи шималь халкъларыны чагъырып, топлайджагъым ве къулума, Вавилон падишасы Невукъаднеццаргъа ёллайджагъым, оларны бу мемлекетке, анда яшагъанларгъа, чевресиндеки бутюн халкъларгъа къаршы алып кетиреджегим ве оларны ёкъ этеджегим. Оларны къоркъунчлы шей этип, масхара этеджегим, ве олар эбедиен харап оладжакълар, – дей РАББИ.

Йирмея 50:38

Сувларына къургъакълыкъ келеджек, ве олар сувсуз къаладжакъ; бу – путлар топрагъыдыр, къоркъунчлы путлардан олар делиреджеклер.

Ехезкель 23:42

Анда къасеветсиз халкънынъ сеслери янъгъырай эди. Халкъ сюрюсининъ акъайларына сахрадан ичкиджилер кетириле эди. Оларнынъ эллерине билезликлер такъа, башларына гузель тадж къоя эдилер.

Даниял 2:32

Бу путнынъ башы темиз алтындан эди, онынъ кокреги ве къоллары – кумюштен, къурсагъы ве баджакълары – бакъырдан, балдырлары – демирден,

Даниял 2:38

О, даа эписи адам огъулларыны, къайда яшамасалар да, кийик айванларны ве кок къушларыны сенинъ къолунъа берди ве сени оларнынъ эписине акимдар этти. Бу алтын баш – сенсинъдир!

Сырларнынъ ачылувы 14:8

Онынъ артындан башкъа бир мелек учып келе ве бойле дей эди: – Ёкъ этильди! Бутюн халкъларгъа озь сынъырсыз ахлякъсызлыгъыны, сархош эткен шарапны киби, ичмеге берген буюк Вавилон шеэри ёкъ этильди!

Сырларнынъ ачылувы 17:2

Ер юзюнинъ падишалары онен ороспулыкъ япа эдилер, ер юзюнде яшагъанлар онынъ ороспулыкъ шарабындан сархош олдылар.

Сырларнынъ ачылувы 17:4

Къадын мор ве ачыкъ къырмызы урбагъа кийинген, алтын, къыйметли ташлар ве инджилернен донатылгъан эди. Онынъ къолунда игренч шейлернен ве ороспулыкъ арамлыкъларынен толу алтын къаде бар эди.

Сырларнынъ ачылувы 18:23

Энди лампат сенде янмаз, киевнен келиннинъ сеси де эшитильмез. Алыш-веришчилеринъ ер юзюнинъ буюклери эди, тылсымларынънен бутюн халкълар алдангъан эди.

Сырларнынъ ачылувы 18:3

О, бутюн халкъларгъа озь сынъырсыз ороспулыкъ шарабыны ичирди, ер юзюнинъ падишалары онен ороспулыкъ япты, ер юзюнинъ алыш-веришчилери онынъ буюк байлыгъындан зенгинлештилер, – деди.

Сырларнынъ ачылувы 19:2

О, догъру ве адалетли суд эте. Ер юзюни озь ороспулыгъынен бозгъан буюк ороспуны О, джезалады, Озь къулларынынъ къаны ичюн онъа акъкъыны берди.