Йирмея 51:43 - Мукъаддес Китап

⁴³ Шеэрлери бакъымсыз къалды, сувсуз топракъкъа, бош чёльге, адамсыз ерге чевирильди; инсанлар ондан кечмейджек.

Йирмея 51:43 ပူးပေါင်းရင်းမြစ်များ

Зебур 46:8

Алла – бутюн ер юзюнинъ Падишасыдыр; усталыкънен Онъа макътав йырларыны айтынъыз!

Ешая 13:20

Анда бир даа ич кимсе яшамайджакъ, несиллерден несиллерге ич кимсе отурмайджакъ, араплар чадырларыны къоймайджакъ, чобанлар айванларынен раатланмайджакъ.

Ешая 34:13

Сарайларында тикенли осюмликлер, къавийлештирильген шеэрлерде къыджыткъан ве кийик отлар оседжек. О ер шакъалларнынъ яшагъан ери, девекъушуларнынъ юрту оладжакъ.

Ешая 47:11

Санъа яманлыкъ келеджек, ондан ырым ярдымынен биле къуртулып оламайджакъсынъ. Башынъа беля тюшеджек, оны къайтармагъа кучюнъ олмайджакъ, ич бир шейни анъламайып, апансыздан гъайып оладжакъсынъ.

Йирмея 18:16

Шунынъ ичюн мемлекетлери къоркъунчлы оладжакъ, эбедий масхаралыкъкъа огърайджакъ. Андан эр кечкен адам къоркъуда къалып, башыны саллайджакъ.

Йирмея 2:6

Олар: «Мысыр топрагъындан бизни чыкъаргъан, сахрада, къуру ве сувсуз чёльде алып юрген, олюм къаранлыгъы олгъан топракъта, бош, адам бармагъан, ич кимсе яшамагъан топракъта бизни алып кеткен РАББИ не ерде?» – деп сорамадылар.

Йирмея 50:12

Сизинъ ананъыз пек утанаджакъ, сизни тапкъан къадын масхара оладжакъ. Бакъынъыз! О халкъларнынъ келеджеги – сахра, къуру топракъ ве сувсуз чёльдир.

Йирмея 51:29

Ер юзю сарсыла ве титрей, РАББИнинъ ниети ерине келе, Вавилон топрагъы бакъымсыз, адамсыз ер оладжакъ.

Йирмея 51:37

Вавилон таш обасы, шакъалларнынъ ювасы оладжакъ, бакъымсыз ве адамсыз къаладжакъ, къоркъунчлы шейге чевириледжек.

Йирмея 51:62

– ве айт: «Я РАББИ! Бу ерни ёкъ этеджегинъни, ичинде не инсан, не айван къаладжагъыны, о ер эбедиен бакъымсыз оладжагъыны айттынъ».