Йирмея 50:7 - Мукъаддес Китап

⁷ Оларны тапкъан эр кес оларны ашай эди, оларны хорлагъанлар: «Бизлер къабаатлы дегильмиз! Олар озьлери РАББИнинъ огюнде гуна яптылар, адалет чокърагъы, баба-деделерининъ ишанчы огюнде, РАББИнинъ огюнде гуна ишледилер», – дей эдилер.

Йирмея 50:7 ပူးပေါင်းရင်းမြစ်များ

Зебур 71:5

Кунеш ве ай олгъан вакъытта, бутюн несиллер Сенден къоркъаджакъ.

Зебур 79:7

Къомшуларымызнынъ бизнен талашкъанына себеп олдынъ, душманларымыз бизни мыскъыллай.

Зебур 90:1

Юдже Алланынъ сыгъынагъында яшагъан адам Къудретли Алланынъ кольгесинде раатланыр!

Зебур 91:1

Зебур. Раатлыкъ куню ичюн йыр.

Ешая 47:6

Озь халкъыма ачувландым, Озь мульк-мирасымны ашаладым да, къолунъа бердим, амма сен оларны аджымадынъ, къарт адамларгъа биле агъыр боюндырыгъынъны такътынъ.

Ешая 56:9

Эй, эписи кийик айванлар, ормандаки бутюн айванлар! Ашамагъа келинъиз!

Ешая 9:12

Арамлылар куньдогъуш тарафындан, фелестинлилер куньбатыш тарафындан келип, Исраильни тишлеринен кемирип, ашайджакълар. Бундан сонъ да РАББИнинъ гъазабы тынмады, къолу эп бир узатылгъандыр.

Йирмея 10:25

Сени бильмеген халкъларгъа гъазабынъны тёк, Адынъны чагъырмагъан миллетлерге ачувынъны ягъдыр. Олар Якъупны ашадылар, оны ашап битирип, ёкъ эттилер, яшагъан ерини харап эттилер.

Йирмея 14:8

Эй, Исраильнинъ Умюти! Яман вакъытларындаки Къуртарыджысы! Не ичюн мемлекетте бир ябанджы дайынсынъ, ялынъыз геджелемек ичюн кирген ёлджу кибисинъ?

Йирмея 17:13

РАББИ, Сен – Исраильнинъ ишанчысынъ! Сени ташлап кеткенлер эписи масхара оладжакълар. Сени ред эткенлернинъ адлары куль устюнде языладжакъ; олар РАББИни, тири сувнынъ чокърагъыны быракътылар.

Йирмея 2:3

Исраиль – РАББИнинъ азизлиги, биринджи берекети эдинъ! Онъа зарар кетирген эр кес къабаатлы сайылды, башына беля кельди, – дей РАББИ.

Йирмея 31:23

Ордуларнынъ РАББИси, Исраильнинъ Алласы, бойле дей: – Халкъымны эсирликтен къайтаргъанымда, Ехуда топрагъында ве шеэрлеринде кене бойле дейджеклер: «РАББИ сени багъышласын, эй, догърулыкъ булунгъан ер, эй, азиз дагъ!»

Йирмея 33:15

– О куньлерде, о заманда Мен Давутнынъ эвлядыны, Инсафлы Пытакъны юксельтеджегим. О, ер юзюнде адалетнен ве догърулыкънен суд этеджек.

Йирмея 33:16

О куньлерде Ехуда къуртуладжакъ, Ерусалим къоркъусыз яшайджакъ, онъа: «РАББИ бизни акълай», – дейджеклер.

Йирмея 5:17

Олар бутюн берекетинъизни ве ашларынъызны ашайджакълар, огъулларынъызны ве къызларынъызны ольдюреджеклер, къой-эчкилеринъизни ве малынъызны ашап битиреджеклер, юзюм ве инджирлеринъизни ашап къояджакълар, сиз ишангъан къавийлештирильген шеэрлеринъизни къылычларнен йыкътыраджакълар.

Йирмея 50:14

Вавилоннынъ чевресинде сырагъа тизилинъиз; яйны чеккенлернинъ эписи, окъларны аджымаздан, онъа атынъыз! О, РАББИге къаршы гуна ишледи.

Йирмея 50:17

Исраиль – дагъылгъан къойлар кибидир, оларны арсланлар къувалады. Эвель Ашшурнынъ падишасы оны ашай эди, бу сонъкиси исе, Вавилон падишасы Невукъаднеццар онынъ кемиклерини къырды.

Йирмея 50:33

Ордуларнынъ РАББИси бойле дей: – Исраильнинъ ве Ехуданынъ огъулларыны хорлайлар; исраиллилерни ве ехудалыларны эсирликке алгъанлар оларны эсирликте туталар, йибермеге истемейлер.

Ехезкель 34:5

Олар чобансыз къалып, дагъылып кеттилер, дагъылгъандан сонъ исе, чешит тюрлю кийик айванларгъа ем олдылар.

Ехезкель 35:12

О заман сен билирсинъ ки, Мен, РАББИ, сенинъ Исраиль дагъларыны насыл мыскъыллагъанынъны, сенинъ: «Олар бакъымсыз олды, бизге ашамагъа берильдилер!» – айткъанынъны эшиттим.

Даниял 9:16

Я Раббим! Сен адалетли олсанъ да, Ерусалим шеэринъден, азиз дагъынъдан буюк гъазабынъны чевир! Гуналарымыз ичюн ве деделеримизнинъ къабааты ичюн, чевремизде яшагъан халкълар Ерусалим шеэрини ве Сенинъ халкъынъны яманлайлар.

Даниял 9:6

Къулларынъ пейгъамберлер Сенинъ Адынъдан падишаларымызгъа, башлыкъларымызгъа, деделеримизге, мемлекеттеки бутюн халкъкъа айткъан олса да, биз оларны динълемедик.

Зекерья 1:15

Тынч яшагъан халкъларгъа къаршы исе ачувым къайнай. Мен чокъ ачувланмагъанымда, олар яманлыкъкъа яманлыкъ къоштылар.

Зекерья 11:5

Сатын алгъан адамлар къойларны соялар, амма джеза къазанмайлар. Саткъанлар исе: «Аллагъа шукюр, бай олдым!» – дейлер. Чобанлар да оларны аджымайлар.

1 Тимотейге 1:1

Павел, Иса Месихнинъ эльчиси (Къуртарыджымыз Алланынъ ве умютимиз Иса Месихнинъ истегинен мен эльчи олдым), –