Йирмея 50:37 - Мукъаддес Китап

³⁷ Атларына ве арабаларына къаршы, араларында яшагъан чешит халкъларгъа къаршы къылыч котериледжек, ве олар къадынлар киби оладжакълар. Байлыкълары устюне къылыч котерильген, шу байлыкълар хырсызланаджакъ.

Йирмея 50:37 ပူးပေါင်းရင်းမြစ်များ

Зебур 46:9

Алла халкъларнынъ Падишасы олды; Алла мукъаддес тахтына отурды!

Зебур 76:6

Мен эски куньлерни, кечкен девирлерни тюшюндим.

Ешая 19:16

О куню мысырлылар къадынларгъа ошап, оларгъа къаршы котерильген Ордулар РАББИсининъ къол арекетинден къалтырап, къоркъаджакълар.

Ешая 45:3

санъа къаранлыкъта сакълагъан хазинелерни, гизли байлыкъларны береджегим. Сонъра сен биледжексинъ ки, Мен – РАББИм, Исраильнинъ Алласыдырым, сени адынънен чагъырам.

Йирмея 25:20

эписи ябанджыларына; Уц топрагъынынъ эписи падишаларына, Фелестин топрагъынынъ эписи падишаларына – Ашкелон, Гъаза ве Экрон шеэрлерине, Ашдодда сагъ къалгъанларына;

Йирмея 25:24

Арабистаннынъ эписи падишаларына, сахрада яшагъан чешит тюрлю халкъларнынъ эписи падишаларына;

Йирмея 48:41

Моавнынъ шеэрлери алынаджакъ, къалелери запт этиледжек. Дерди туткъан къадын киби, о куню кучьлю моавлылар къалтырайджакъ.

Йирмея 50:10

Къасдийлилернинъ мемлекети оларнынъ гъанимети оладжакъ, оны чайпагъанлар малына тояджакълар, – дей РАББИ.

Йирмея 50:26

Эписи тарафлардан онъа барынъыз, анбарларыны ачынъыз, богъдай кебени киби, эписини бир ерге топланъыз, оны бутюнлей ёкъ этинъиз, ондан бир шей къалдырманъыз.

Йирмея 51:21

Сеннен атнен атлыны йыкътым, сеннен эм дженк арабасыны, эм арабаджыны урдым.

Йирмея 51:22

Сеннен акъайны ве апайны урдым, сеннен эм яшны, эм къартны урдым, сеннен эм йигитни, эм къызны урдым.

Йирмея 51:30

Вавилоннынъ аскерлери дженк этмектен вазгечти, къалелеринде отуралар, кучьлери битти-тюкенди, къадынлар киби такъатсыз олдылар. Эвлери атешке берильди, мандаллары къырылды.

Йирмея 51:4

Къасдийлилернинъ топрагъында ве шеэрнинъ сокъакъларында ольдюрильгенлер ве окънен яралангъанлар ятаджакълар.

Ехезкель 30:5

Хуш ве Пут, Луд, башкъа тюрлю халкълар ве Къув, васиет топрагъынынъ адамлары да оларнен берабер къылычтан гъайып оладжакълар. РАББИ шойле дей:

Ехезкель 39:20

Меним софрамда атларны ве арабаджыларны, чешит тюрлю къудретли аскерлерни ве арбийлерни ашап тояджакъсынъыз, – дей РАББИ-ТААЛЯ.

Нахум 2:13

– Мен санъа къаршы чыкътым, – дей Ордуларнынъ РАББИси. – Дженк арабаларынъны якъаджагъым, арслан балаларынъ къылычнен ольдюриледжек. Энди сен ер юзюнде авгъа чыкъмайджакъсынъ, эльчилеринънинъ сеси башкъа эшитильмейджек.

Нахум 3:13

Бутюн аскерлеринъ – апайлар киби. Мемлекетинъ душманларынъа ачыкъ, атеш шеэрнинъ къапу мандалларыны ашайджакъ.

Хагъгъай 2:22

падишаларнынъ тахтларыны котерип атаджагъым, башкъа миллетлернинъ падишалыкъ кучюни ёкъ этеджегим, дженк арабаларыны ве арабаджыларны авдараджагъым. Атлар уруладжакъ, атлылары исе бири-бирини къылычнен ольдюреджеклер.