Йирмея 50:15 - Мукъаддес Китап

¹⁵ Эр тарафтан онъа къаршы багъырынъыз! Шеэр ярдым сорай, амма къуллелери бозулды, диварлары ерге йыкътырылды. Бу – РАББИнинъ джезасы! Оны джезаланъыз! О насыл япкъан олса, сиз онъа да айны япынъыз!

Йирмея 50:15 ပူးပေါင်းရင်းမြစ်များ

1 Тарих вакъиалары 29:24

Бутюн башлыкълар, кучьлю аскерлер, Давутнынъ башкъа огъуллары да Сулейман падишагъа бойсундылар.

2 Тарих вакъиалары 30:8

Бабаларынъызгъа ошап, энъсеси къаткъанлар киби олманъыз. РАББИге боюн эгинъиз, Онынъ омюрбилля азиз эткен Мукъаддес Ерине келинъиз, Алланъыз РАББИге хызмет этинъиз, ве Онынъ гъазап атеши сизлерден узакълашыр.

Зебур 149:7

Олар миллетлерден интикъам алыр, халкъларгъа джезасыны берер,

Зебур 94:1

Айдынъыз, келейик, РАББИге юксек сеснен йырлайыкъ! Бизим Къуртарыджы Къаямызны алгъышлап къычырайыкъ!

Ешая 59:17

Устюне бир зырх киби, догърулыкъны кийди, Озь башына башлыкъ киби, къуртарувны къойды. Акътыман урбасыны кийди, гъазапнен, япынджанен киби, устюни къаплады.

Ешая 59:18

Эр кеске япкъанларына коре береджек, душманларына гъазабыны ёллайджакъ, джавларына джезасыны береджек, адаларда яшагъанлар да акъларыны аладжакъ.

Ешая 61:2

РАББИнинъ разылыгъы йылыны ве Алламызнынъ джеза кунюни беян этмеге, эписи агълагъанларнынъ гонъюллерини алмагъа,

Ешая 63:4

Джеза кунюни тайинледим, халкъымны сатын алып, къуртараджакъ йылы кельди.

Йирмея 46:10

Бу кунь – Раббининъ, Ордулар РАББИсининъ джезасы кунюдир. О, душманларыны джезалайджакъ, къылычы тойгъандже ашайджакъ, къанларыны тойып ичеджек! Бу, шималь топракъта, Фират дерьясы янында Раббиге, Ордулар РАББИсине, чалынгъан къурбандыр.

Йирмея 50:14

Вавилоннынъ чевресинде сырагъа тизилинъиз; яйны чеккенлернинъ эписи, окъларны аджымаздан, онъа атынъыз! О, РАББИге къаршы гуна ишледи.

Йирмея 50:25

РАББИ озь силяханесини ачты, андан гъазабынынъ силяларыны алды, Рабби, Ордулар РАББИсининъ къасдийлилернинъ мемлекетинде япаджакъ иши бар.

Йирмея 50:44

Иорданнынъ чалылыгъындан ешиль отлакъларгъа арслан чыкъкъаны киби, Мен де апансыздан оларгъа атылып, къасдийлилерни къувалайджагъым, ёлбашчыларыны джезаларым. Манъа ошагъан ким бар? Менден ким сорап олур? Манъа къаршы тураджакъ ёлбашчы бармы?

Йирмея 51:11

Окъларынъызны къайранъыз, окълукъларынъызны толдурынъыз. РАББИ Мадай падишаларынынъ рухуны къозгъады, Вавилонны ёкъ этмеге ниетленди. РАББИ оны джезалай, Озь Сарайы ичюн джезалай.

Йирмея 51:14

Ордуларнынъ РАББИси Озюнен ант этти: – Сарынчкъалар киби, адамлар сени толдураджакълар, санъа къаршы къычыраджакълар!

Йирмея 51:24

– Козюнъиз огюнде Сионда бутюн яманлыкъ эткенлери ичюн, Вавилонгъа ве къасдийлилернинъ топрагъында яшагъанларнынъ эписине къазангъанларыны берерим, – дей РАББИ.

Йирмея 51:25

– Мен санъа къаршым, эй, олюм дагъы! – дей РАББИ. – Сен бутюн ерни гъайып эткенинъ ичюн, санъа къаршы къолумны котеририм, сени къаялардан ашагъы авдарырым, якъылгъан бир дагъгъа чевиририм.

Йирмея 51:30

Вавилоннынъ аскерлери дженк этмектен вазгечти, къалелеринде отуралар, кучьлери битти-тюкенди, къадынлар киби такъатсыз олдылар. Эвлери атешке берильди, мандаллары къырылды.

Йирмея 51:36

Онынъ ичюн РАББИ бойле дей: – Бакъынъыз! Мен сенинъ даванъны чезерим, сенинъ тарафынъны тутып, оны джезаларым, денъизини харап этерим, чокъракъ сувларыны къурутырым.

Йирмея 51:44

Вавилонда Бел путуны джезалайджагъым, юткъаныны къустураджагъым. Энди халкълар мында кельмейджек, Вавилоннынъ диварлары биле йыкъыладжакъ.

Йирмея 51:58

Ордуларнынъ РАББИси бойле дей: – Вавилоннынъ къалын диварлары темелине къадар йыкъыладжакъ, юксек араба къапулары якъыладжакъ. Халкълар бошуна чалыштылар, миллетлер нафиле къыйналдылар, эр шей янаджакъ!

Йирмея 51:6

Вавилон шеэринден къачынъыз, эр биринъиз джанынъызны къуртарынъыз, ёкъса Вавилоннынъ акъсызлыгъы ичюн гъайып оладжакъсынъыз! О вакъыт РАББИ оны джезалайджакъ, къазангъанына коре къаршылыкъ береджек.

Йирмея 51:64

Сонъ айт: «Вавилон да бойле батып кетеджек, ве Мен онынъ башына тюшюрген белядан ич бир вакъыт котерип олмайджакъ, асыл такъаттан кесиледжек». Йирмеянынъ сёзлери мында бите.

Агълав йырлары 5:6

Мысыргъа къол узатамыз, ашлыкъ ичюн Ашшургъа ялварамыз.

Ехезкель 17:18

О, сёз берип, къолуны узатты, лякин антыны ве шартнамесини бозды. Бунынъ эписини япкъаны ичюн о, къуртулмаз.

Ехезкель 21:22

Онынъ сагъ къолунда «Ерусалимге кетмек» деген фал оладжакъ: анда диварларны йыкътыргъан алетлерни къоймакъ, уджюм этмеге буюрмакъ, дженк сигналы янъгъырамакъ, къапуларгъа къаршы диварларны йыкътыргъан алетлерни къоймакъ, диварларнынъ янында топракъ обаларыны япмакъ ве уджюм къуллелерни къурмакътыр.

Нахум 1:2

РАББИ адамларгъа путларгъа ибадет этмеге ёл бермез, Алла адамларнынъ акъларыны берер. РАББИ джезалай, Онынъ гъазабы дешетлидир. РАББИ душманларыны джезалар, Озь душманларына къаршы чыкъар.

Матта 7:2

Насыл укюм этсенъиз, шойле де укюм этилирсиз. Насыл ольчювнен ольчесенъиз, ана шу ольчювни де алырсыз.

Лука 21:22

Бу куньлер джеза куньлери оладжакълар. О вакъыт Алланынъ Китабында язылгъаны ерине келеджек.

Римлилерге 12:19

Севимли агъа-къардашларым, озьлеринъиз очь алманъыз, Алланынъ гъазабына ер беринъиз. Язылгъан ки: – Очь алмакъ Меним къолумда, джезасыны Мен берерим, – дей Рабби.

Римлилерге 3:5

Амма бизим акъсызлыгъымыз Алланынъ акълылыгъыны даа зияде косьтерсе, не айтайыкъ? Адамнынъ фикрине коре айтам: башымызгъа хышымыны ягъдыргъанда, Алла акъсыз олмазмы?

Къануннынъ текрары 32:35

Аякълары тайгъанда, Мен акътыман ве интикъам алырым. Беля-къаза куню якъындыр, азырландырылгъан шейлер оларгъа ашыкъып келелер».

Къануннынъ текрары 32:41

парылдагъан къылычымны къайрарым, суд этип, къолум оны тутар, душманларымнынъ акътыманыны алырым, Мени кореджек козьлери олмагъанларны джезаларым.

Къануннынъ текрары 32:43

Эй, халкълар! Алланынъ халкъынен берабер къуванынъыз! О, къулларынынъ къаны ичюн акътыманыны ве Озь душманларынынъ интикъамыны алыр, Озь топрагъы ве халкъы ичюн одеме этер.

2 Тессалоникелилерге 1:8

Алла Оны танымагъанларны ве Раббимиз Исанынъ Къуванчлы Хаберине бойсунмагъанларны алевленген атеш ичинде джезалайджакъ.

Якъуп 2:13

Мерамет косьтермеген адам мераметсизликнен суд этиледжек. Мерамет исе укюмден устюн келе.

Нун огълу Ехошуа 6:20

Шеэрде олгъан эр шейни: акъайларны, апайларны, яшы-къартыны, огюзлерни, къой-эчки ве эшеклерни – бутюнлей къылычнен ольдюрдилер.

Нун огълу Ехошуа 6:5

Нун огълу Ехошуа руханийлерни чагъыртып, оларгъа: – Васиет Сандыгъыны алып кетинъиз. Еди руханий, къой бойнузындан ясалгъан еди боруны алып, РАББИнинъ Сандыгъы огюнде кетсинлер, – деди.

Сырларнынъ ачылувы 16:6

Азизлернинъ ве пейгъамберлернинъ къаныны тёккенлери ичюн, Сен оларгъа къан ичирдинъ, оларгъа шай да керек!

Сырларнынъ ачылувы 18:6

Вавилон сизге насыл япкъан олса, сиз де онъа ойле япынъыз! Япкъан ишлерине коре онъа эки кере зияде къайтарынъыз! О, озь къадесинде сизге шарап азырлады, сизлер исе онъа айны шу къадеде эки кере чокъ шарап азырланъыз!

Сырларнынъ ачылувы 19:2

О, догъру ве адалетли суд эте. Ер юзюни озь ороспулыгъынен бозгъан буюк ороспуны О, джезалады, Озь къулларынынъ къаны ичюн онъа акъкъыны берди.

1 Падишалар 15:33

Лякин Смаил: – Сенинъ къылычынъ аналарны баласыз къалдыргъаны киби, сенинъ ананъ да, башкъа къадынлар арасында, огъулсыз къалсын, – деди де, Агъагъны Гилгалда, РАББИнинъ огюнде къылычнен урып ярды.