Йирмея 50:14 - Мукъаддес Китап

¹⁴ Вавилоннынъ чевресинде сырагъа тизилинъиз; яйны чеккенлернинъ эписи, окъларны аджымаздан, онъа атынъыз! О, РАББИге къаршы гуна ишледи.

Йирмея 50:14 ပူးပေါင်းရင်းမြစ်များ

2 Падишалар 10:9

Ёав, душман ордусы онъа къаршы эм огюнден, эм артындан тургъаныны корип, исраиллилернинъ энъ яхшыларыны сайлады да, оларны арамлыларгъа къаршы тизди.

Зебур 51:4

Сенинъ тилинъ олюм кетирмеге ниетлене, о, – кескин устра киби, сенинъ ичинъ къара.

Ешая 13:4

Дагълардаки буюк шамата – буюк бир халкънынъ сеси кибидир; миллетлернинъ падишалыкълары берабер топлашты. Ордуларнынъ РАББИси озь ордусыны козьден кечире.

Ешая 5:28

Окълары сюйрю, яйларынынъ эписи тартылгъан, атларынынъ туякълары чакъмакъташ киби, арабаларнынъ копчеклери де – къасыргъа киби, пек тез айланалар.

Йирмея 46:9

Атлар, сычранъыз! Ат арабалары, тез кетинъиз! Къалкъаннен силялангъан Хуш ве Путтан кучьлю аскерлер, яй чеккен Луд окъчулары, огге чыкъынъыз!

Йирмея 49:14

РАББИден бир хабер алдым, халкъларгъа хаберджи ёлланды: «Топланынъыз да, онъа къаршы кетинъиз, дженкке чыкъынъыз!»

Йирмея 49:35

– Ордуларнынъ РАББИси бойле дей: Бакъынъыз! Мен Эламнынъ яйыны, эсас кучюни къыраджагъым.

Йирмея 50:11

Сизлер шенъленип, къувана эдинъиз, Меним топрагъымны харап эттинъиз. Таналар киби, отлакъ устюнде къуванчнен секире эдинъиз, дженк атлары дайын, кишней эдинъиз.

Йирмея 50:29

Вавилонгъа къаршы эписи окъчуларны чагъырынъыз! Онынъ чевресинде ордунен ерлешинъиз, андан кимсе къачып къуртулмасын. Ишлерине коре акъларыны беринъиз, о, насыл арекет эткен олса, онъа да айнысыны япынъыз. О, РАББИге, Исраильнинъ Азизине къаршы арсызлыкънен котерильди.

Йирмея 50:42

къолларында яй ве мызракъ туталар, олар шефкъатсыз ве мераметсиздир. Сеслери, денъиз киби, шамата къопаралар; аскерлер атларында секирелер, бир адам киби, сыра-сыра тизилелер, санъа къаршы, эй, Вавилон халкъы, дженкнен чыкъалар.

Йирмея 50:7

Оларны тапкъан эр кес оларны ашай эди, оларны хорлагъанлар: «Бизлер къабаатлы дегильмиз! Олар озьлери РАББИнинъ огюнде гуна яптылар, адалет чокърагъы, баба-деделерининъ ишанчы огюнде, РАББИнинъ огюнде гуна ишледилер», – дей эдилер.

Йирмея 50:9

Мына, Мен буюк халкъларны котерип ве топлап, оларны шималь топрагъындан Вавилонгъа кетиреджегим. Олар шеэрге къаршы ерлешип, оны запт этеджеклер. Окълары – уста аскерлер кибидир, бири гъаниметсиз къайтмайджакъ.

Йирмея 51:2

Вавилонгъа къаршы ябанджыларны ёлларым да, орманда богъдайны савургъан киби, олар оны савураджакълар, топрагъыны бошатаджакълар, яман беля кельген куню онъа эр тарафтан уджюм этеджеклер.

Йирмея 51:27

Ер юзюнде байракъны котеринъиз! Халкълар арасында боразан чалынъыз! Вавилонгъа къаршы дженк этмек ичюн халкъларны айырып элялланъыз. Онъа къаршы Арарат, Минний ве Ашкеназ падишалыкъларыны чагъырынъыз, онъа къаршы бир ёлбашчыны къоюнъыз, къоркъунчлы сарынчкъа киби, атларны топланъыз.

Йирмея 51:3

Окъчугъа яйны тартмагъа ве зырх киймеге ёл берменъиз, йигитлерини аджыманъыз, эписи аскерлерини ёкъ этинъиз.

Хавакъкъукъ 2:17

Ливанда япкъан зорбалыгъынъ, айванларны къоркъузгъан залымлыгъынъ озюнънинъ башынъа тюшеджек, чюнки сен инсан къаныны тёктинъ, мемлекетлерни боздынъ, шеэрлерни ве анда яшагъанларны ёкъ эттинъ.

Хавакъкъукъ 2:8

Сен чокъ халкъларны талагъанынъ ичюн, халкъларнынъ къаныны тёккенинъ, мемлекетлерни ве шеэрлерни бозгъанынъ, анда яшагъанларны ёкъ эткенинъ ичюн, энди халкъларнынъ эписи сени таларлар.

Сырларнынъ ачылувы 17:5

Къадыннынъ манълайында сырлы ады язылгъан эди: «БУЮК ВАВИЛОН, ЕР ЮЗЮНИНЪ ОРОСПУЛАРЫНЫНЪ ВЕ АРАМЛЫКЪЛАРЫНЫНЪ АНАСЫДЫР».

1 Падишалар 17:20

Давут саба-эрте турып, къаравулгъа къой-эчкилерини къалдырды ве Йишай буюргъаны киби, юкюни алып, орду мейданынынъ янына кельди. О заман орду, сырагъа тизилип, дженкке азырлыгъыны косьтерип багъырды.