Йирмея 50:12 - Мукъаддес Китап

¹² Сизинъ ананъыз пек утанаджакъ, сизни тапкъан къадын масхара оладжакъ. Бакъынъыз! О халкъларнынъ келеджеги – сахра, къуру топракъ ве сувсуз чёльдир.

Йирмея 50:12 ပူးပေါင်းရင်းမြစ်များ

Ешая 14:22

– Оларгъа къаршы чыкъаджагъым, – дей Ордуларнынъ РАББИси. – Вавилоннынъ намыны ёкъ этеджегим, сагъ къалгъанларны, эвлятларыны ве несиллерини ольдюреджегим, – дей РАББИ.

Ешая 23:13

Мына къасдийлилернинъ топрагъы. Бу халкъ ёкъ энди. Ашшур бу топракъны кийик айванларгъа берди: уджюм къуллелерини къурдылар, сарайларыны къырдылар, йыкъыкъ ерлерни къалдырдылар.

Йирмея 12:14

РАББИ бойле дей: – Исраиль халкъыма берильген топрагъына уджюм эткен эписи яман къомшуларымны топрагъындан къувалайджагъым, Ехуда халкъыны да араларындан чыкъараджагъым.

Йирмея 15:9

Еди балалы къадын эсини джойып, сонъки нефесини ала. Даа куньдюз олгъанда, кунеши батты, утанды, масхара олды. Сагъ къалгъанларны душманларгъа береджегим, олар къылычнен ольдюриледжеклер, – дей РАББИ.

Йирмея 22:6

РАББИ Ехуда падишасынынъ эвине бойле дей: Сен Манъа, Гилад дагълары киби, Ливан тёпелери киби, гузельсинъ, лякин Мен сени адамсыз шеэрлерге, бакъымсыз сахрагъа чевиреджегим.

Йирмея 25:12

Етмиш йыл кечкен сонъ, – дей РАББИ, – къабаатлары ичюн Вавилон падишасыны ве халкъыны, эм де къасдийлилернинъ топрагъыны джезалайджагъым, эбедий бакъымсыз сахрагъа чевиреджегим.

Йирмея 25:26

бири-бирине якъын ве узакъ олгъан эписи шималь падишаларына; ер юзюндеки эписи халкъларнынъ падишаларына РАББИнинъ гъазап савутындан ичирдим. Эр кестен сонъ Шешах падишасы да ичеджек.

Йирмея 49:2

Онынъ ичюн, – дей РАББИ, – ойле куньлер келеяталар ки, Аммон огъулларынынъ Рабба шеэринде дженк давушлары эшитиледжек, Рабба бакъымсыз байыргъа чевириледжек янындаки шеэрлери якъыладжакъ, ве исраиллилер эвельки сабыларына башлыкъ этеджеклер, – дей РАББИ.

Йирмея 51:43

Шеэрлери бакъымсыз къалды, сувсуз топракъкъа, бош чёльге, адамсыз ерге чевирильди; инсанлар ондан кечмейджек.

Йирмея 51:47

Динъленъиз! Ойле куньлер келеджек ки, Мен Вавилон путларыны джезалайджагъым, бутюн мемлекети масхара оладжакъ, ольдюрильгенлер ерге тюшеджек.

Галатиядакилерге 4:26

Тёпедеки Ерусалим исе азат, о, бизим анамыздыр,

Сырларнынъ ачылувы 17:5

Къадыннынъ манълайында сырлы ады язылгъан эди: «БУЮК ВАВИЛОН, ЕР ЮЗЮНИНЪ ОРОСПУЛАРЫНЫНЪ ВЕ АРАМЛЫКЪЛАРЫНЫНЪ АНАСЫДЫР».