Йирмея 49:5 - Мукъаддес Китап

⁵ Бутюн чевре-четинъден башынъа дешет тюшюреджегим, – дей Ордуларнынъ РАББИ-ТААЛЯсы. – Сизлерни къувалап, чевре-четке дагъытаджакълар, къачкъанларны кимсе топлап оламайджакъ.

Йирмея 49:5 ပူးပေါင်းရင်းမြစ်များ

4 Падишалар 19:7

Мен онъа ойле бир рух ёлларым ки, падиша бир хабер эшитип, озь ерлерине къайтар. Мен оны озь топракъларында къылычнен ураджагъым».

Эюп акъкъында китап 15:21

Дешет сеслери къулагъындадыр, аманлыкъ вакътында айдутлар онъа атылыр.

Икметли сёзлер 28:1

Яман адамнынъ пешинден кимсе къуваламаса биле, чапар, инсафлы адам исе арслан киби тынчтыр.

Ешая 16:3

«Огют беринъиз, къарар чыкъарынъыз, уйле сыджагъында терек талдасы къорчалагъан дайын, бизни белядан къорчала, къувалангъанларны сакъла, къачакъларны сатма.

Йирмея 15:8

Тул къадынлары денъиз къумундан чокъ олды, уйле вакътында йигитлернинъ аналарына къаршы гъайып этиджини ёлладым, къоркъу ве дешет оларны апансыздан къаплады.

Йирмея 16:16

– Энди оларны тутмагъа чокътан-чокъ балыкъчыларны ёллайым, – дей РАББИ. – Сонъ чокътан-чокъ авджыларны ёлларым да, оларны эр дагъдан, эр байырдан, эр къаянынъ чатлакъларындан къуваларлар.

Йирмея 20:4

– РАББИ бойле дей: Бакъ! Санъа да, сени севгенлерге де къоркъунчлы шей оладжакъ. Козьлеринънинъ огюнде душманлар оларны къылычнен ольдюреджеклер. Вавилон падишасынынъ къолуна бутюн Ехуданы береджегим, о, базыларыны къылычнен ольдюреджек, базыларыны Вавилонгъа сюргюн этеджек.

Йирмея 46:5

Недир Меним корьгеним? Олар къоркъты, арткъа чевирильди, кучьлю аскерлери де урулды, артына бакъмайып, къачалар, орталыкъны къоркъу къаплады, – дей РАББИ.

Йирмея 49:29

Чадырларынен къой-эчкилери тутуладжакъ, чадыр перделери, савут-сабалары ве девелери алынаджакъ; оларгъа: «Орталыкъны къоркъу къаплады!» – деп къычыраджакълар.

Йирмея 6:25

Тарлагъа чыкъманъыз, ёл бою юрменъиз! Душман къылычны котерди, орталыкъны къоркъу къаплады.

Агълав йырлары 4:15

«Кетинъиз мындан, арамлар!» – деп къычыралар оларгъа; «Кетинъиз! Кетинъиз мындан! Токъунманъыз!» ве олар салланып къачалар. Халкълар арасында: «Олар мында къалмасын!» – дейлер.

Амос 4:3

Эр биринъизни догъру дивар чатлагъындан чыкъараджакъ ве Хармон ерине ташлайджакълар, – дей РАББИ.

Нун огълу Ехошуа 2:9

ве: – Бу топракъны РАББИ сизге бергенини билем. Сиз бизни пек къоркъуздынъыз ве бу топракъта эписи яшагъанларнынъ отьлери сизден патлады, – деди.