Йирмея 49:39 - Мукъаддес Китап

³⁹ – Амма сонъки куньлерде Эламны эсирликтен къайтараджагъым, – дей РАББИ.

Йирмея 49:39 ပူးပေါင်းရင်းမြစ်များ

Эюп акъкъында китап 42:10

Эюп достлары ичюн дува эткенден сонъ, РАББИ онъа эвельки барлыгъыны къайтарды. Бундан гъайры, РАББИ Эюпта олгъанынынъ эки къат зиядесини берди.

Ешая 2:2

Сонъки куньлерде РАББИнинъ Эви тургъан дагъ дагъларнынъ башы оладжакъ, байырлардан юксек котериледжек, ве онъа тараф бутюн миллетлер, озенлер киби, акъып кетеджеклер.

Йирмея 12:15

Лякин чыкъаргъанымдан сонъ, оларгъа мерамет этип, кене къайтараджагъым, эр бирини озь топракъ пайына, озь мемлекетине алып кетиреджегим.

Йирмея 48:47

Амма сонъки куньлерде Моавны эсирликтен къайтараджагъым, – дей РАББИ. Моав акъкъында къарарнынъ сонъу.

Йирмея 49:38

Эламда тахтымны къояджагъым, андаки падишаны ве башлыкъларны ёкъ этеджегим, – дей РАББИ.

Йирмея 49:6

Сонъунда исе Аммон огъулларыны эсирликтен къайтараджагъым, – дей РАББИ.

Ехезкель 29:14

Сюргюн этильген мысырлыларны арткъа къайтараджагъым ве Патрос еринде, оларнынъ юртунда ерлештиреджегим. Олар анда кучьсюз бир падишалыкъ оладжакълар,

Ехезкель 38:16

Сен Исраильге, Меним халкъыма къаршы, ерни къапаткъан булут киби, бастырып келеджексинъ. Сонъки куньлерде, Гог, Мен сени топрагъыма алып кетиреджегим. Халкъларнынъ козю огюнде Мен мукъаддеслигимни сен аркъалы косьтергенимде, халкълар Мени билирлер.

Ехезкель 39:25

Шунынъ ичюн РАББИ-ТААЛЯ шойле дей: – Энди сюргюн этильген Якъупнынъ эвлятларыны къайтараджагъым, бутюн исраиллилерге мерамет эйлейджегим, мукъаддес Адымны къорчалайджагъым.

Даниял 10:14

Шимди исе сонъки куньлерде халкъынънен не оладжагъыны санъа бильдирмеге кельдим. Сен корьген руя келеджек куньлер акъкъындадыр.

Даниял 2:28

Амма коклерде сырларны ачкъан Алла бардыр. О санъа, Невукъаднеццар падиша, ахыр заманда не оладжагъыны ачты.

Хошеа 3:5

Бундан сонъ Исраиль огъуллары къайтаджакъ ве РАББИни, оларнынъ Алласыны, эм де Давут падишасыны къыдыраджакълар. Олар РАББИден къоркъаджакълар ве сонъки куньлериндеки Онынъ эйилигини буюк урьмет этеджеклер.

Амос 9:14

Халкъым Исраильни сюргюнликтен къайтараджагъым, ве олар бош шеэрлерни янъыдан къурып, анда яшайджакълар, юзюм багъларыны сачып, шарабыны ичеджеклер, багъчалар япып, махсулыны ашайджакълар.

Микъа 4:1

Сонъки куньлерде РАББИнинъ Эви тургъан дагъ дагъларнынъ башы оладжакъ, байырлардан юксек котериледжек, ве онъа тараф халкълар, озенлер киби, акъып келеджеклер.