Йирмея 49:32 - Мукъаддес Китап

³² Девелери гъаниметке алынаджакъ, къой-эчкилернинъ чокъусы хырсызланаджакъ. Зулюф сачларыны къыркъкъанларны ернинъ дёрт тарафына дагъытаджагъым, эр тарафтан оларгъа беля кетиреджегим, – дей РАББИ.

Йирмея 49:32 ပူးပေါင်းရင်းမြစ်များ

Йирмея 25:23

Дедан, Тема топракъларына, Буз халкъына, зулюф сачларыны къыркъкъан эписи халкъларгъа;

Йирмея 49:36

Коклернинъ дёрт тарафындан Эламгъа къаршы дёрт ель кетиреджегим, Эламны алып, чевре-четке дагъытаджагъым. Къувалангъан эламлылар чешит тюрлю халкъларнынъ арасында ерлешеджеклер.

Йирмея 9:25

– Мына, ойле куньлер келеята ки, Мен сюннетли корюнгенлерни, амма керчектен де сюннетсиз олгъанларны джезалайджагъым, – дей РАББИ.

Йирмея 9:26

– Мысырлыларны, ехудалыларны, эдомлыларны, аммонлыларны, моавлыларны, сахрада яшагъан, зулюфлерни тыраш эткенлернинъ эписини джезалайджагъым. Бутюн бу халкълар сюннетсиздир, бутюн Исраиль халкъынынъ юреги исе сюннет олмагъандыр.

Ехезкель 5:10

Сизинъ аранъызда бабаларынъыз балаларыны, балалары исе бабаларыны ашайджакълар. Мен сизлерни джезалайджагъым, сагъ къалгъанны исе ельге савураджагъым».

Ехезкель 5:12

Халкъынънынъ учьте бир къысмы хасталыкътан ве ачлыкътан ёкъ оладжакъ, учьте бир къысмы шеэрнинъ чевре-четинде къылычтан оледжек, учьте бир къысмыны исе Мен ельге савураджагъым ве ачыкъ къылычнен артындан къувалайджагъым.

Къануннынъ текрары 28:64

РАББИ сени эписи халкълар арасында, ер юзюнинъ бир четинден башкъа четинедже даркъатаджакъ. Анда сен башкъа, санъа ве деделеринъе белли олмагъан аллаларгъа, агъачтан ве таштан япылгъан аллаларгъа хызмет этеджексинъ.