Йирмея 49:31 - Мукъаддес Китап

³¹ Турунъыз, эсен-аман, гъамсыз-къасеветсиз яшагъан халкъкъа къаршы чыкъынъыз, – дей РАББИ. – Оларнынъ не къапулары, не килитлери бар, олар озьлери яшайлар.

Йирмея 49:31 ပူးပေါင်းရင်းမြစ်များ

Зебур 123:4

сувлар бизни богъар эди, джанымыз устюнден селлер кечер эди,

Зебур 73:12

Эй, Алла, Сен къадимий замандан берли меним Падишамсынъ, ернинъ ортасында къуртарув бересинъ!

Ешая 32:11

Эй, къасеветсизлер, къалтыранъыз! Эй, къайгъысызлар, титренъиз! Урбаларынъызны чыкъарынъыз, союнынъыз, белинъизге чувал токъумасыны багъланъыз.

Ешая 32:9

Эй, къасеветсиз къадынлар! Турунъыз, сесимни динъленъиз! Эй, къайгъысыз къызлар! Айткъанларыма къулакъ асынъыз!

Ешая 42:11

Сахра ве андаки шеэрлер, Кедарнынъ койлери сеслерини юксельтсин. Селада яшагъанлар тантана этсин, дагъларнынъ тёпелеринден къуванчнен къычырсынлар.

Ешая 47:8

Эй, къасеветсиз яшап, назлы олгъан, ичинден: «Манъа тенъ кельген дюньяда ёкътыр, тул къалмайджагъым, балаларымнынъ ольгенини корьмейджегим», – деген! Буны динъле:

Йирмея 48:11

Яшлыгъындан берли Моав къасеветсиз эди, боткъасыны къыбырдатмагъан, савуттан савуткъа тёкюльмеген шарап киби эди, сюргюнликке кетмеди. Онынъ ичюн дадыны джоймады, къокъусы бозулмады.

Ехезкель 30:9

О куню гъамсыз Хушны къоркъузмакъ ичюн, Мен хаберджилеримни гемилерде йибереджегим. Мысырнынъ гъайып оладжакъ куню оларны къоркъу басаджакъ. О кунь келеята!

Ехезкель 38:11

Сен: «Къорчаланмагъан койлерге барайым, къасеветсиз яшагъан тынч халкъкъа уджюм этейим. Оларнынъ не диварлары, не килитлери, не де къапулары бар, – деп тюшюнеджексинъ.

Ехезкель 39:6

Магогнынъ ве ялыда тынч яшагъан халкънынъ устюне атеш ягъдыраджагъым. О заман олар Мен – РАББИ олгъанымны билирлер.

Микъа 7:14

Я РАББИ, Озь халкъынъа падиша таягъынен чобанлыкъ яп, Къармел дагъларында айры яшагъанларны, сенинъ мулькюнъ олгъан къойларынъны бакъ. Эвель-эзель олгъаны киби, олар Башан ве Гиладда отласынлар.

Нахум 1:12

РАББИ шойле дей: – Олар кучьлю ве чокъ сайылы олса да, олар ёкъ этилип кетеджеклер. Мен сени азапларгъа огъраткъан олсам да, энди огъратмам.

Цефанья 2:15

Тантаналы шеэр, гъамсыз шеэр, озь ичинде: «Мен барым, меним киби башкъасы ёкъ», – деген шеэр бойле харабеге чевириледжек. Бу шеэр къоркъунчлы харабе олды, кийик айванларнынъ къобасына чевирильди! Янындан кечкен эр бири сызгъырып, къолуны саллайджакъ.

Сайылар 23:9

Мен оларны къаяларнынъ тёпесинден корем, оларгъа байырлардан бакъам. Иште, олар айры яшайлар, башкъа миллетлер киби дегиллер.

Къануннынъ текрары 33:28

Исраиль хавфсыз яшай, Якъуп янъгъызлыкъта ашлыкъ ве шарапкъа толу топрагъында тура, ве коклерден онъа чыкълар тюшелер.