Йирмея 49:22 - Мукъаддес Китап

²² О, къартал киби, котерилип, тез учаджакъ, къанатларыны Боцранынъ устюнде ачаджакъ. Дерди туткъан къадын киби, о куню кучьлю эдомлылар къалтырайджакъ.

Йирмея 49:22 ပူးပေါင်းရင်းမြစ်များ

Зебур 18:5

Оларнынъ сеси бутюн ер юзюнден кече, оларнынъ хабери дюньянынъ четине ете. Алла кунеш ичюн анда мескен япты;

Икметли сёзлер 30:19

къарталнынъ кокте учкъан ёлуны, йыланнынъ къая устюнде сюйрекленип юрген ёлуны, гемининъ денъизде къалдыргъан ёлуны ве акъайнынъ къызгъа туткъан ёлуны.

Ешая 11:14

Олар экиси куньбатышта фелестинлилерге атыладжакъ, уджюм этип, куньдогъушта яшагъанларны талайджакълар, Эдом ве Моавны юмрукънен ураджакълар, Аммон балаларыны бойсундыраджакълар.

Ешая 13:8

Дешет тюбюнде къаладжакълар, оларны дерт ве агъры сараджакъ. Догъургъан апай киби чекишеджеклер, бири-бирине шашып бакъаджакълар, бетлери къызараджакъ.

Ешая 21:3

Шунынъ ичюн белимни аджджы агъры тутты, дерди туткъан къадын киби, дерттен чекишем. Эшиткенимден мен пек кедерлендим, корьгенимден пек къасеветлендим.

Ешая 26:17

Юклю къадын догъып башлагъанда, агърылардан насыл чекишип, яйгъара, бизлер де Сенинъ огюнъде ойле эдик, я РАББИм!

Йирмея 13:21

Базыларгъа озюнъе башлыкъ этмеге огреттинъ. Рабби санъа кельгенде, не айтаджакъсынъ? Догъургъан къадыннынъ дерди киби, сени де дерт тутмайджакъмы?

Йирмея 22:23

Сен Ливан дагъларында яшайсынъ, юванъны кедр тереклеринде къурасынъ! Догъгъан къадыннынъ дерди киби азап башынъа тюшкенинде, не де аджыныкълы алгъа къаладжакъсынъ!

Йирмея 30:6

Соранъыз да, бакъынъыз, акъай киши бала тапып олурмы? Ойле олса, не ичюн догъгъан апай киби эр акъайнынъ къолларыны беллеринде корем? Не ичюн чырайлар ап-акъ кесильди?

Йирмея 4:13

Бакъынъыз, душман, булут киби, котериле, дженк арабалары – боран кибидир, атлары къарталлардан чабик! Вай-вай-вай! Ёкъ оладжакъмыз!

Йирмея 4:31

Дерди туткъан къадыннынъ къычырувыны, биринджи баласыны догъгъан къадынны, Сион къызынынъ сесини киби эшитем. О, къолларыны узатып: «Вай-вай-вай! Белягъа огърадым! Мени ольдюргенлернинъ огюнде такъаттан кесильдим», – дей.

Йирмея 49:24

Дамаск такъаттан кесильди, аркъасыны чевирип, къачмагъа азырланды, къоркъу тюбюнде къалды, дерди туткъан къадынны киби, оны сыкъынты ве агъры сарды.

Йирмея 50:36

– Ялан пейгъамберлерге къаршы къылыч котериледжек, ве олар акъылдан таяджакълар. Аскерлерине къаршы къылыч чыкъаджакъ, ве олар рухтан тюшеджеклер.

Йирмея 50:43

Вавилон падишасы олар акъкъында хабер алды, ве эллеринде такъат къалмады. Оны агъры сарды, ве догъургъан къадынны киби, оны дерди тутты.

Йирмея 6:24

– Олар акъкъында хабер кельгенинен, рухтан тюштик. Догъургъан къадынны киби, бизни агъры ве дерт сарды.

Даниял 7:4

Биринджи айван арслангъа ошай эди, лякин къартал къанатлары бар эди. Мен бакъып тургъанда, онынъ къанатлары оськен ерлеринден чекип чыкъарылды, о, ерден котерильди ве адам киби аякъкъа къоюлды. Онъа бир адам юреги де берильди.

Хошеа 8:1

Бору чалынъыз! Исраиллилер васиетимни бозгъанлары ичюн, Къануныма къаршы чыкъкъанлары ичюн, душманлар, къартал киби, РАББИнинъ Эвине келеджек.

Овадья 1:9

– Эй, Теман ери, сенинъ джесюр аскерлеринъ пек къоркъаджакълар, Исавнынъ дагъларында булунгъанларнынъ эписи ольдюриледжек.

Къануннынъ текрары 28:49

РАББИ санъа ернинъ о бир четинден узакъта яшагъан миллетни ёллайджакъ. Сен тилини анъламагъан миллет, къартал киби, учып келеджек.

1 Тессалоникелилерге 5:3

Адамлар: «Тынчлыкъ-аманлыкъ ве хавфсызлыкъ», – деп юргенде, о вакъыт олюм оларгъа апансыздан, догъаджакъ къадынгъа агъры киби, келеджек, ве олар ондан къачып кетмейджеклер.