Йирмея 49:14 - Мукъаддес Китап

¹⁴ РАББИден бир хабер алдым, халкъларгъа хаберджи ёлланды: «Топланынъыз да, онъа къаршы кетинъиз, дженкке чыкъынъыз!»

Йирмея 49:14 ပူးပေါင်းရင်းမြစ်များ

Ешая 30:4

Ерусалимнинъ башлыкълары энди Цоанда, эльчилери Ханес шеэрине барып еттилер.

Ешая 37:7

Мына Мен онъа бир рух ёлларым да, о, хаберни эшитип, озь топрагъына къайтаджакъ. Мен оны анда къылычнен ольдюреджегим».

Йирмея 49:15

– Мен сени халкълар арасында уфакъ этерим, адамлар санъа хор бакъаджакъ.

Йирмея 51:11

Окъларынъызны къайранъыз, окълукъларынъызны толдурынъыз. РАББИ Мадай падишаларынынъ рухуны къозгъады, Вавилонны ёкъ этмеге ниетленди. РАББИ оны джезалай, Озь Сарайы ичюн джезалай.

Йирмея 51:46

Ер юзюнде эшитильген хаберлерден тавшан юрек олманъыз, къоркъманъыз. Бир йыл бир хабер даркъалыр, келеджек йылы – башкъасы: «Ер юзюнде зорбалыкъ, падишагъа къаршы падиша чыкъа!»

Матта 24:6

– Сиз якъын дженк шаматасыны ве узакъ дженк акъкъында хаберлерни эшитирсиз. Амма къоркъманъыз: ойле олмакъ керек. Лякин бу даа сонъу дегиль.