Йирмея 49:13 - Мукъаддес Китап

¹³ Озюмнен ант этем, – дей РАББИ, – Боцра шеэри харап ве масхара оладжакъ, бакъымсыз олып, оны къаргъайджакълар, эписи шеэрлери де эбедиен йыкъыкъ оладжакълар.

Йирмея 49:13 ပူးပေါင်းရင်းမြစ်များ

Башланув 22:16

онъа бойле деди: – РАББИнинъ сёзлери будыр: Озюмнен ант этем ки, сен бу ишни бойле япкъанынъ ичюн, бирден-бир огълунъны Манъа бермеге аджымагъанынъ ичюн,

Башланув 36:33

Бела кечинген сонъ, онынъ ерине Боцрадан олгъан, Зерахнынъ огълу Ёвав падиша олды.

1 Тарих вакъиалары 1:44

Беланынъ олюминден сонъра Боцрадан олгъан Зерах огълу Ёвав тахткъа отурды.

Ешая 34:6

РАББИнинъ къылычы чокъ къан тёкеджек, къочкъарларнынъ ве текелернинъ ягъларына ве къанына, къочкъарларнынъ ич ягъына тояджакъ. Боцра шеэринде РАББИ къурбан чаладжакъ, Эдом топрагъында чокъ сояджакъ.

Ешая 45:23

Озюмнен ант этем, агъзымдан чыкъкъан сёз догъру ве ич денъишмез. Эр тиз огюме чёкеджек, эр тиль Меннен ант этеджек.

Ешая 63:1

– Эдомдан, Боцрадан, ачыкъ къырмызы урбаларында, шерефли кийимлеринде, буюк кучьнен кельген ким? – Бу – Меним! Догърусыны айтам, къуртамагъа кучюм бар.

Йирмея 18:16

Шунынъ ичюн мемлекетлери къоркъунчлы оладжакъ, эбедий масхаралыкъкъа огърайджакъ. Андан эр кечкен адам къоркъуда къалып, башыны саллайджакъ.

Йирмея 19:8

Бу шеэрни харап этеджегим, оларны корьгенлер хор бакъаджакълар. Андан эр кечкен шашып къаладжакъ, шеэрден къалгъан йыкътырмагъа бакъып, сызгъыраджакъ.

Йирмея 44:26

Онынъ ичюн, Мысырда яшагъан эписи ехудалылар, РАББИнинъ сёзюни динъленъиз: Мына, буюк Адымнен ант этем, – дей РАББИ. – Эндиден сонъ бутюн Мысыр топрагъында ич бир ехудалы Адымны айтмайджакъ, «РАББИ-ТААЛЯнен ант этем!» – деп ант этмейджек.

Йирмея 48:24

Кериот, Боцра шеэрлери, эм узакъ, эм якъын олгъан Моав топрагъынынъ шеэрлери суд этильди.

Йирмея 49:22

О, къартал киби, котерилип, тез учаджакъ, къанатларыны Боцранынъ устюнде ачаджакъ. Дерди туткъан къадын киби, о куню кучьлю эдомлылар къалтырайджакъ.

Йирмея 51:14

Ордуларнынъ РАББИси Озюнен ант этти: – Сарынчкъалар киби, адамлар сени толдураджакълар, санъа къаршы къычыраджакълар!

Ёэль 3:19

Амма Мысыр мемлекети къуру сахра оладжакъ, Эдом топрагъы бош чёльге чевириледжек, чюнки олар Ехуда огъулларыны чекиштирди, топракъларында къабаатсыз адамларнынъ къаныны тёктилер.

Амос 1:12

Теман шеэрине атеш ёллайджагъым, о, Боцранынъ къавийлештирильген сарайларыны якъып ташлайджакъ.

Амос 6:8

РАББИ-ТААЛЯ Озю-Озюнен ант этти. РАББИ, Ордуларнынъ Алласы, бойле дей: – Якъупнынъ къопайлыгъындан джиренем, къавийлештирильген сарайларындан юрегим къайта. Шеэрни ве ичиндеки эр шейини душман къолуна береджегим.

Овадья 1:18

Якъупнынъ эви атеш киби оладжакъ, ве Юсуфнынъ эви – алев. Исавнынъ эви исе тобангъа ошайджакъ. Якъуп ве Юсуф Исавны якъып ёкъ этеджеклер. Исав эвинден ич бир адам къалмайджакъ. Бу – РАББИнинъ сёзлери.