Йирмея 48:28 - Мукъаддес Китап

²⁸ Эй, Моав адамлары! Шеэрлеринъизни ташлап кетинъиз, къаялар арасында сакъланынъыз! Гогерджинлер киби олып, тюпсюз чукъур устюнден юва япынъыз!

Йирмея 48:28 ပူးပေါင်းရင်းမြစ်များ

Башланув 8:12

Нух, даа еди кунь беклеп, кене гогерджинни йиберди, ве бу сефер гогерджин кери къайтмады.

Энъ яхшы йыр 2:14

– Меним гогерджиним якъынлашылмаз ерде, юксек къаялар араларындадыр! Юзюнъни косьтер манъа, сесинъни эшиттир! Сесинъ не татлы, юзюнъ не гузельдир!

Ешая 2:19

РАББИ ер юзюни титретмеге келеджек вакъытта адамлар Онынъ гъазабындан къоркъып, шуретли буюклигинден сакъланып, къая чатлакъларына киреджек, ер чукъурларына тюшеджеклер.

Йирмея 48:9

– Моавнынъ къабирине чечек алып кетинъиз, о мытлакъа бу яшайыштан кетеджектир, шеэрлери къоркъунчлы шейге чевириледжек, оларда ич кимсе яшамайджакъ.

Йирмея 49:16

Сен къая чатлакъларында, байыр тёпелеринде яшадынъ, лякин шефкъатсызлыгъынъ ве юрек къопайлыгъынъ сени алдатты. Сен, къартал киби, юксек ерлерде юванъны яптынъ, амма сени андан да ашагъы тюшюририм, – дей РАББИ.

Йирмея 49:8

Аркъаларынъызны чевирип, къачынъыз! Къобаларда сакъланынъыз, эй, Дедан топрагъында яшагъанлар! Исавнынъ белясыны башларына тюшюреджегим. Вакъты-саати кельди, Мен Эдомны джезалайджагъым.

Къадылар 6:2

Мидьянлыларнынъ эзиети исраиллилер ичюн пек къатты эди. Шунынъ ичюн исраиллилер озьлерине дагъларда сакъланмагъа ерлер яптылар, къобалар ве пекинген ерлер къурдылар.

1 Падишалар 13:6

Исраиллилер агъыр алгъа тюшкенлерини ве хавфлы вазиетте къалгъанларыны анълап, къоба ве дагъларда, къаялар арасында, къазылгъан чукъурларда ве къуюларда сакъланмагъа башладылар.