Йирмея 46:5 - Мукъаддес Китап

⁵ Недир Меним корьгеним? Олар къоркъты, арткъа чевирильди, кучьлю аскерлери де урулды, артына бакъмайып, къачалар, орталыкъны къоркъу къаплады, – дей РАББИ.

Йирмея 46:5 ပူးပေါင်းရင်းမြစ်များ

Башланув 19:17

Тышары чыкъаргъан сонъ, олардан бири Луткъа: – Джанынъны къуртар! Артынъа айланып бакъма! Бу дживарларда эгленмейип, байырларгъа тараф чап. Олмаса, гъайып олурсынъ, – деди.

Ешая 13:8

Дешет тюбюнде къаладжакълар, оларны дерт ве агъры сараджакъ. Догъургъан апай киби чекишеджеклер, бири-бирине шашып бакъаджакълар, бетлери къызараджакъ.

Ешая 19:16

О куню мысырлылар къадынларгъа ошап, оларгъа къаршы котерильген Ордулар РАББИсининъ къол арекетинден къалтырап, къоркъаджакълар.

Ешая 42:17

О заман путларгъа ишангъанлар, оларгъа: «Сиздир бизим аллаларымыз», – дегенлер арткъа чекиледжеклер, буюк масхаралыкъкъа огърайджакълар.

Ешая 5:25

Шунынъ ичюн РАББИнинъ гъазабы халкъына къаршы алевленди, Озь къолуны узатып, О, оларны урды. Дагълар титреди, олюлер, чёплюк киби, сокъакъларны толдурды. Бундан сонъ да РАББИнинъ гъазабы тынмады, къолу эп бир узатылгъандыр.

Йирмея 20:10

Этрафымда чокъ лафларны эшиттим, орталыкъны къоркъу къаплады. «Оны чакъынъыз! Эр кеске айтып берсинлер», – дейлер. Меннен муаббет яшагъанларнынъ эписи энди абынгъанымны беклеп отуралар; «Бельки, алданаджакъ да, сонъ оны енъип, джезалармыз», – дейлер.

Йирмея 46:15

Не себептен кучьлю аскерлеринъ йыкъылды, не ичюн аякъта турамады? Оларны РАББИ къувалады.

Йирмея 46:21

Парагъа тутулгъан аскерлери – бесленген бузавлар киби, лякин олар да арткъа чевирилип, турып оламайып, къачтылар. Башларына беля куню кельди, джеза вакъты якъынлашты!

Йирмея 49:29

Чадырларынен къой-эчкилери тутуладжакъ, чадыр перделери, савут-сабалары ве девелери алынаджакъ; оларгъа: «Орталыкъны къоркъу къаплады!» – деп къычыраджакълар.

Йирмея 49:5

Бутюн чевре-четинъден башынъа дешет тюшюреджегим, – дей Ордуларнынъ РАББИ-ТААЛЯсы. – Сизлерни къувалап, чевре-четке дагъытаджакълар, къачкъанларны кимсе топлап оламайджакъ.

Йирмея 6:25

Тарлагъа чыкъманъыз, ёл бою юрменъиз! Душман къылычны котерди, орталыкъны къоркъу къаплады.

Ехезкель 32:10

Падишаларнынъ огюнде къылычымны саллагъанымда, чокъ халкълар сенинъ ичюн къоркъаджакъ, падишаларынынъ отьлери сенинъ ичюн патлайджакъ. Сен йыкъылгъан куню оларнынъ эр бири джаны ичюн эр дакъкъасы титреп къалтырайджакъ.

Ехезкель 39:18

Къудретли аскерлернинъ этини ашайджакъсынъыз, ер юзю башлыкъларынынъ къаныны ичеджексинъиз. Оларнынъ эписи – берекетли Башан топракъларында бесленген къочкъарлар ве къозулар, текелер ве бузавлар кибидир.

Нахум 2:8

Эвель-эзельден Ниневе шеэри сувгъа толу хавуз киби эди, шимди исе эр кес, акъып кеткен сув киби, къача. «Токъта, токъта!» – деп оларгъа къычыралар, амма кимсе артына бакъмай.

Нахум 2:9

Тартып алынъыз кумюшни, чайпанъыз алтынны! Къыйметли шейлернинъ сонъу ёкъ. Чешит тюрлю паалы шейлер чокъ!

Цефанья 1:14

РАББИнинъ буюк куню якъын. О, якъын ве ашыкъып келе. РАББИнинъ куню гъамлы кунь оладжакъ. О вакъыт джесюр аскерлер биле гъамнен къычыраджакъ!