Йирмея 46:12 - Мукъаддес Китап

¹² Халкълар масхаралыгъынъ акъкъында эшиттилер, къычырувларынъ ер юзюни толдурды! Кучьлю аскерлер сюрюнди, ерге йыкъылдылар.

Йирмея 46:12 ပူးပေါင်းရင်းမြစ်များ

Ешая 10:4

Бель букип, сюргюнликке кетеджексинъиз, ольдюрилип, ерге тюшеджексинъиз. Бундан сонъ да РАББИнинъ гъазабы тынмайджакъ, къолу эп бир узатылгъандыр.

Ешая 19:2

– Мысырлыларгъа къаршы мысырлыларны ёллайджагъым, къардаш къардашына, дост достуна, шеэр шеэрге, падишалыкъ падишалыкъкъа къаршы дженк этеджеклер.

Ешая 24:11

Шарап артындан сокъакъларда агълайлар, къуванчнынъ эсери биле къалмады, шенълик топракъны ташлап кетти.

Йирмея 14:2

– Ехуда агълай, шеэр къапулары йыкъылды, ер устюнде ята-ята къарардылар; Ерусалимде къычырувлар котериле.

Йирмея 2:36

Неден ёлунъны денъиштирип, о къадар чокъ долашасынъ? Ашшур сени насыл масхара эткен олса, Мысыр да сени масхара этеджек.

Йирмея 46:6

– Аягъы тез олгъан къачып оламаз, кучьлю къуртулмаз. Шимальде, Фират дерьясы янында сюрюнип йыкъылырлар.

Йирмея 47:2

– РАББИ бойле дей: Мына, шималь тарафтан сувлар юкселелер, ташкъын бир дерья олып, ер юзюни, устюндеки шеэрни ве анда яшагъанларны къаплайджакъ. О заман адамлар ярдымгъа чагъыраджакълар, мемлекетте бутюн яшагъанлар аджджы агълайджакъ.

Йирмея 48:34

Хешбондан Элале шеэринедже ярдымгъа чагъыралар; Цоардан Хоронаимгедже, Эглат-Шелишьягъадже, тап Яхац шеэрине баргъандже къычырувлар эшитиле, Нимримнинъ сувлары да къуруйджакъ.

Йирмея 49:21

Йыкъылгъанларынынъ гудюрдисинден ер сарсыладжакъ, ярдымгъа чагъыргъанларнынъ сеслери тап Къызыл денъизге къадар эшитиледжек.

Йирмея 50:46

Вавилон йыкъылувынынъ гудюрдисинден ер сарсыладжакъ, ярдымгъа къычырувларнынъ сеслери халкъларнынъ арасында эшитиледжек.

Йирмея 51:54

Вавилонда ярдымгъа чагъыралар, къасдийлилернинъ топрагъы буюк харабеге огърады.

Нахум 2:5

О, озь батырларыны чагъыра, амма олар ёлунда сюрюнелер. Шеэр диварларына чыкъмагъа ашыкъалар, амма шеэр энди алкъагъа алынды.

Цефанья 1:10

О куню, – дей РАББИ, – Балыкъ Къапусы янында къычырып ярдымгъа чагъыраджакълар, янындаки Мишне мааллесинде де багъыраджакълар, Ерусалим байырларында шиддетли шатыр-гудюрдилер эшитиледжек.

1 Падишалар 5:12

Ольмегенлернинъ беденлерини шишик басты, яйгъаралары тап коклерге барып етти.