Йирмея 40:11 - Мукъаддес Китап

¹¹ Вавилон падишасы ехудалыларнынъ базыларыны къалдырып, оларгъа Шафаннынъ торуныны, Ахикъамнынъ огълу Гедальяны башлыкъ этип къойгъаныны Моав топрагъында, Аммон огъулларынынъ мемлекетинде, Эдомда ве башкъа мемлекетлерде яшагъан ехудалыларнынъ эписи эшиттилер,

Йирмея 40:11 ပူးပေါင်းရင်းမြစ်များ

Башланув 36:8

Исав яшамакъ ичюн Сеир деген дагълы топрагъында ерлешти. Исав – бу Эдом.

Ешая 11:14

Олар экиси куньбатышта фелестинлилерге атыладжакъ, уджюм этип, куньдогъушта яшагъанларны талайджакълар, Эдом ве Моавны юмрукънен ураджакълар, Аммон балаларыны бойсундыраджакълар.

Ешая 16:4

Къувалангъан моавлыларым сеннен берабер яшасын, оларны залымлардан сакъла». Залымнынъ сонъу келеджек, зулум битеджек, чекиштиргенлер ер юзюнден гъайып оладжакъ.

Йирмея 24:9

Бутюн ер юзюндеки падишалыкъларынынъ козюнде олар джиренч ве къоркъунчлы бир шей оладжакълар. Оларны яманлайджакълар, устьлеринден куледжеклер, эр къувалангъан ерлерде оларны мыскъыллайджакъ ве къаргъайджакълар.

Йирмея 41:10

Сонъ Исмаил Мицпадаки бутюн къалгъан халкъны: эм падишанынъ къызларыны, эм Мицпа шеэринде къалгъан башкъа адамларны эсир этти. Къаравуллар башлыгъы Невузарадан Ахикъамнынъ огълу Гедальяны бу халкъкъа башлыкъ олмагъа къойгъан эди. Нетаньянынъ огълу Исмаил оларнынъ эписини тутып, Аммон огъулларынынъ топрагъына ёл алды.

Йирмея 43:5

Къареахнынъ огълу Ёханан ве эписи орду башлыкълары эписи ехудалыларны топладылар. Къувалангъан ерлеринден, башкъа халкълардан Ехуда топрагъында яшамакъ ичюн къайткъан ехудалыларнынъ къалгъанларыны:

Йирмея 43:6

акъайларны, апайларны, балаларны, падишанынъ къызларыны, къаравуллар башлыгъы Невузарадан Шафаннынъ торуны, Ахикъамнынъ огълу Гедальянен къалдыргъан эр кесни, Йирмея пейгъамберни ве Нериянынъ огълу Барукъны алды да,

Йирмея 9:26

– Мысырлыларны, ехудалыларны, эдомлыларны, аммонлыларны, моавлыларны, сахрада яшагъан, зулюфлерни тыраш эткенлернинъ эписини джезалайджагъым. Бутюн бу халкълар сюннетсиздир, бутюн Исраиль халкъынынъ юреги исе сюннет олмагъандыр.

Ехезкель 25:12

РАББИ-ТААЛЯ шойле дей: – Эдом Ехуда халкъына чокъ яманлыкъ япкъаны ичюн, буюк къабаат къазанды.

Ехезкель 25:2

– Инсан огълу! Аммонлыларгъа юзюнъни чевир де, оларгъа къаршы пейгъамберлик эт.

Ехезкель 25:6

РАББИ-ТААЛЯ шойле дей: Сен, Аммон, Исраиль топрагъынынъ белясыны корьгенде, нефретленип пек къуванасынъ, эль чырпасынъ ве аякъларынъны ерге урасынъ.

Ехезкель 25:8

РАББИ-ТААЛЯ шойле дей: – Моав ве Сеир халкъы: «Бакъынъыз, Ехуданынъ башкъа халкълардан фаркъы ёкъ», – дегени ичюн,

Ехезкель 34:6

Меним къойларым эписи дагъларда ве юксек байырларда быралкъыланалар. Меним къойларым бутюн ер юзюне дагъылдылар, оларны не сорагъан, не къыдыргъан бар.

Ехезкель 35:15

Исраиль халкъынынъ топракъ пайы бакъымсыз ерлерге чевирильгенде, сен пек къувандынъ. Шунынъ ичюн Мен санъа ойле де япаджагъым. Эй, Сеир дагъы ве бутюн Эдом! Сен бакъымсыз оладжакъсынъ. О заман адамлар Мен – РАББИ олгъанымны билирлер.

Ехезкель 35:5

Сен исраиллилерге даима душманлыкъ яптынъ, олар белягъа огърагъан вакъытта, джезалангъан вакъытта оларны къылычкъа бердинъ.

Ехезкель 5:12

Халкъынънынъ учьте бир къысмы хасталыкътан ве ачлыкътан ёкъ оладжакъ, учьте бир къысмы шеэрнинъ чевре-четинде къылычтан оледжек, учьте бир къысмыны исе Мен ельге савураджагъым ве ачыкъ къылычнен артындан къувалайджагъым.

Ехезкель 5:3

Янъгъыз бир къач сач алып, оны урбанънынъ этеги ичине къой.

Сайылар 22:1

Сонъ Исраиль огъуллары ёлгъа чыкъып, ордуларыны Моав тегизликлеринде, Иордан озени ялысында, Ерихоннынъ къаршысында ерлештирдилер.

Сайылар 25:1

Исраиллилер Шиттимде яшагъанда, халкъ моавлы къызларнен ороспуланмагъа башладылар.

Сайылар 25:2

Бу къызлар исраиллилерни озь аллаларына къурбан чалмагъа чагъырдылар. Исраиль халкъы къурбан этини ашай ве оларнынъ аллаларына табына башладылар.

1 Падишалар 11:1

Бир кунь аммонлы Нахаш кельди ве Явеш-Гилад шеэрини алкъагъа сарды. Явешнинъ эписи сакинлери Нахашкъа: – Бизнен бирлеш, биз санъа хызмет этермиз, – дедилер.

1 Падишалар 12:12

Лякин Аммон падишасы Нахашнынъ сизге къаршы чыкъкъаныны корип, манъа: «Ёкъ, бизни падиша идаре этсин», – дединъиз. Амма сизинъ падишанъыз – Алланъыз, РАББИдир.