Йирмея 4:24 - Мукъаддес Китап

²⁴ Дагъларгъа бакътым, иште, тепренелер, бутюн байырлар къалтырайлар.

Йирмея 4:24 ပူးပေါင်းရင်းမြစ်များ

3 Падишалар 19:11

РАББИ онъа: – Чыкъ, РАББИнинъ огюнде дагъда тур. Сонъ РАББИ кечеджек, – деди. РАББИнинъ огюнде буюк ве кучьлю, дагъларны парчалайджакъ ве къаяларны йыкъаджакъ ель эсти. Лякин РАББИ бу ельнинъ ичинде дегиль эди. Ельден сонъ ер тепренип башлады, лякин РАББИ зельзеленинъ ичинде дегиль эди.

Зебур 18:7

Онынъ чыкъкъан ери – кокнинъ четиндедир, ёлу исе башкъа четине бара, сыджагъындан ич бир шей сакъланмаз.

Зебур 77:18

Джанлары истеген ашны талап этти, юреклеринде Алланы сынап бакъты.

Зебур 97:4

Эй, бутюн ер юзю, РАББИге къуванчнен сесинъизни юксельтинъиз, севинчнен багъырынъыз ве чалгъы чалынъыз!

Чыкъыш 19:18

Синай дагъы, онынъ устюне атеш ичинде РАББИ энгени ичюн, бутюнлей тютей эди. Ондан чыкъкъан тютюн собадан чыкъкъан тютюн дайын эди, бутюн дагъ кучьлю къалтырай эди.

Ешая 13:13

Гъазабым къайнагъан куню Мен, Ордуларнынъ РАББИси, коклерни о къадар чокъ сарсытаджагъым ки, ер юзю еринден къыбырдайджакъ.

Ешая 24:20

Ер юзю, сархош киби, тентир-ментирдир, чалаш киби саллана. Онынъ къабаатлары пек агъыр, оларнынъ тюбюнде йыкъыладжакъ, бир даа турамайджакъ.

Ешая 5:25

Шунынъ ичюн РАББИнинъ гъазабы халкъына къаршы алевленди, Озь къолуны узатып, О, оларны урды. Дагълар титреди, олюлер, чёплюк киби, сокъакъларны толдурды. Бундан сонъ да РАББИнинъ гъазабы тынмады, къолу эп бир узатылгъандыр.

Йирмея 10:10

Амма РАББИ-Тааля – акъикъаттыр! О, Тири Алла ве эбедий Падишадыр! Ер юзю гъазабындан титрей, халкълар ачувына даянып оламай.

Йирмея 8:16

Душман атларынынъ хырылдысы Дандан эшитиле, айгъырларнынъ кишнемесинден бутюн ер юзю титрей. Душманлар келеджек, эм мемлекетни ве устюндеки эр шейни, эм шеэрни ве анда эписи яшагъанларны ёкъ этеджек.

Йирмея 9:10

Дагълар ичюн агълап къычыраджагъым, чёль отлакълары ичюн аджджы агълайджагъым, олар толусынен янып биткендир, олардан кимсе кечмей. Айванларнынъ манърагъаны эшитильмей, эм кок къушлары, эм кийик айванлар эр кес къачып кетти.

Ехезкель 38:20

О куню денъиздеки балыкълар, коктеки къушлар, кийик айванлар, ерде сюйрелип юрген эр бир махлюкъ, ер юзюндеки эр бир адам Меним огюмде титрейджек. Дагълар авдарыладжакъ, къаялар йыкъыладжакъ, эр бир дивар ерге тюшеджек.

Микъа 1:4

Онынъ аягъы астында дагълар ирип кетеджек, вадийлер, атештен ириген балавуз киби, юксек къаядан тюшкен сувлар киби, дагъылып кетеджеклер.

Хавакъкъукъ 3:10

Сени корьгенде, дагълар къалтырады, коклерден ягъмурлар ягъды. Буюк теренлик окюрди, тюпсюзлик къолларыны котерди.

Хавакъкъукъ 3:6

О турды, ве дюнья салланды, О бакъты, ве халкълар титреди. Къарт дагълар йыкъылды, эски байырлар тер-тегиз олды. Онынъ ёллары эбедий.

Сырларнынъ ачылувы 6:14

Кок ярылды ве, бурулгъан кягъыт киби, бурулды. Эр бир дагъ ве ада озь еринден кочьти.