Йирмея 4:22 - Мукъаддес Китап

²² – Халкъым акъылсыз, Мени танымайлар. Олар – акъылсыз балалар, ич бир шейни анъламайлар. Яманлыкъ япмагъа усталар, яхшылыкъ этмеге исе бильмейлер.

Йирмея 4:22 ပူးပေါင်းရင်းမြစ်များ

Башланув 39:16

Апай Юсуфнынъ урбасыны эфендисининъ эвге кельмесине къадар озюнде къалдырды.

2 Падишалар 13:3

Лякин Амноннынъ бир досту бар эди, ады Ёнадав. О, Давутнынъ агъасы Шиманынъ огълу эди. Ёнадав пек айнеджи бир адам эди.

Зебур 36:3

РАББИге ишанып, яхшылыкъ яп, ер юзюнде яшап, акъикъатны тут.

Зебур 36:4

РАББИден зевкъ ал, ве О, санъа юрегинънинъ истеклерини берер.

Зебур 53:4

Эй, Алла, дувамны динъле, агъзымдан чыкъкъан сёзлериме къулакъ ас.

Зебур 82:5

«Барайыкъ да, оларны халкълар сырасындан ёкъ этейик, Исраильнинъ ады башкъа хатырланмасын!» – дедилер.

Икметли сёзлер 28:5

Яман адамлар адалетни анъламаз, РАББИни къыдыргъанлар исе оны бутюнлей анълар.

Ешая 1:3

Огюз сабысыны, эшек эфендисининъ отлугъыны таный, Исраиль исе Мени танымай, халкъым Мени анъламай!

Ешая 27:11

Къуруп къалгъан пытакълары къопарылалар, къадынлар келип, оларны якъалар. Бу халкъ бир шейни анъламагъаны ичюн, РАББИ оны аджымайджакъ, Яратыджы мерамет эйлемейджек.

Йирмея 10:8

Путларгъа ибадет эткенлер ахмакъ ве акъылсыздыр, бош путларнынъ тенбиеси теректен келе!

Йирмея 13:23

Хушлу озь терисининъ тюсюни, леопард озь лекелерини денъиштирип олурмы? Сизлер де, яманлыкъ япмагъа огренип, яхшылыкъ япып олурсынъызмы?

Йирмея 2:8

Руханийлер РАББИни къыдырмадылар, Къанун оджалары Мени танымадылар, чобанлар Манъа къаршы чыкътылар, пейгъамберлер Баал адындан пейгъамберлик эте эдилер, файдасыз путларнынъ артындан юре эдилер.

Йирмея 4:21

Байракъларны даа чокъ кореджегимми, боразан сесини не къадар эшитеджегим?

Йирмея 5:21

– Эй, акъылсыз ве таш юрекли халкъ, козьлери олгъан, амма корьмеген, къулакълары олгъан, амма эшитмеген адамлар, буны динъленъиз:

Йирмея 5:4

Мен тюшюндим: – Фукъаре олгъаны ичюн, оларгъа акъыл етмей, РАББИнинъ ёлуны, Алланынъ Къануныны бильмейлер.

Йирмея 9:2

Сахрада манъа раатлыкъ ери олса эди! Халкъымны ташлап, кетер эдим. Оларнынъ эписи ороспулар, хаинлер джемиетидир!

Йирмея 9:3

Керильген яй окъ атмагъа азыр олгъаны киби, тиллери ялан айтмагъа азырдыр; олар кучьлю, амма курешлери акъикъат ичюн дегиль, бир яландан башкъасына кечелер ве Мени бильмейлер, – дей РАББИ.

Йирмея 9:5

Дост достны алдата, кимсе догърусыны айтмай. Тиллерини ялан айтмагъа огреттилер, бар кучюнен гуна япып, болдуралар.

Ехезкель 16:30

– Юрегинъ не къадар бозукъ олмакъ керек! – дей РАББИ-ТААЛЯ. – Сен эр шейни юзьсюз къанджыкъ киби яптынъ.

Хошеа 4:1

Эй, Исраиль огъуллары! РАББИнинъ сёзюни динъленъиз! РАББИ бу ерде яшагъанларны къабаатлай, чюнки мемлекетте не акъикъат, не мерамет бар, ве адамлар Алланы бильмейлер.

Хошеа 4:6

Кереги къадар бильгиси олмагъан халкъым гъайып олур. Сен бильгини ред эткенинъ ичюн, Мен сени руханийлик этмектен ред этеджегим. Сен Алланънынъ Къануныны унуткъанынъ ичюн, Мен де сенинъ балаларынъны унутаджагъым.

Хошеа 5:4

Япкъан ишлери оларгъа Алласына къайтмагъа ёл бермейлер, чюнки оларнынъ ичинде ороспулыкъ руху булуна, ве олар РАББИни танымай.

Амос 3:10

– Олар яхшылыкъны япмагъа бильмейлер, – дей РАББИ. – Озь сарайларыны хырсызлангъан ве зорбалыкънен алынгъан шейлерге толдуралар.

Микъа 2:1

Яманлыкъ япкъанларгъа беля олсун. Олар озь ятакъларында яманлыкъ тюшюне, сабасы кунеш ярыгъында оны беджерелер, буны япмагъа къолларынынъ кучю ете.

Микъа 7:3

Къоллары яманлыкъ япмагъа уста олды. Башлыкъ бахшыш истей, къады къапар алып, суд эте, халкънынъ буюклери джан истегини бильдире, озь планларыны берабер беджере.

Лука 16:8

Сонъ эфенди бу намуссыз эв идареджисини акъылнен иш япкъаны ичюн макътай. Бу дюньянынъ адамлары озьлерине ошагъанлар арасында иш алып баргъанда, ярыкънынъ огъулларына коре акъыллыджа олалар.

Юхан 16:3

Бу ишлерни япаджакълар, чюнки олар не Бабамны, не Мени таныдылар.

Римлилерге 1:22

Озьлерини акъыллы сайсалар да, акъылсыз олдылар,

Римлилерге 1:28

Алланы акъылда тутмагъа бир шей саймагъанлары ичюн, Алла оларны бозукъ акъыл укюмине берди, ве олар разылыкъ олмагъан ишлерни япып башладылар.

Римлилерге 16:19

Сизинъ ишанчлыгъынъызны эр кес биле. Мен бунъа къуванам, амма сизлер акъылнен яхшылыкъ япынъыз ве эр бир яманлыкътан вазгечинъиз.

Римлилерге 3:11

Ич бир акъыллы олгъан, Алланы къыдыргъан кимсе ёкъ.

1 Коринтлилерге 14:20

Дин къардашлар, балалар киби тюшюнменъиз. Яманлыкъкъа коре, бала киби къабаатсыз олунъыз, акъылгъа коре исе буюк адамлар киби олунъыз.

Къануннынъ текрары 32:28

Олар – акъылыны джойгъан миллет, араларында анълайыш ёкъ.

Къануннынъ текрары 32:6

РАББИнъизге бойле къайтарасызмы, ахмакъ ве акъылсыз халкъ? О – сенинъ Бабанъ дегильми? Сени яраткъан, ясагъан ве асыл эткендир!