Йирмея 37:5 - Мукъаддес Китап

⁵ О вакъыт фыравуннынъ ордусы Мысырдан чыкъты ве Ерусалимни алкъада туткъан къасдийлилер бу хаберни эшиткен сонъ, Ерусалимден чекильдилер.

Йирмея 37:5 ပူးပေါင်းရင်းမြစ်များ

4 Падишалар 24:7

Мысыр падишасы бир даа озюнинъ мемлекетинден чыкъмады, чюнки Вавилон падишасы Мысыр дерьясындан башлап Фират дерьясына баргъандже Мысыр падишасынынъ бутюн ерлерини тартып алды.

Йирмея 34:21

Ехуданынъ падишасы Цидкияны ве онынъ башлыкъларыны душманларына, джанларыны къыдыргъанларнынъ къолларына ве сизден четке чекильген Вавилон падишасынынъ аскерлерине береджегим.

Йирмея 37:11

Фыравуннынъ ордусы ичюн къасдийлилернинъ ордусы Ерусалимден чекильгенде,

Йирмея 37:6

РАББИден Йирмея пейгъамберге хабер кельди:

Йирмея 37:7

– РАББИ, Исраильнинъ Алласы, бойле дей: Сизни Меним истегимни сорамагъа ёллагъан Ехуданынъ падишасына айтынъыз: «Мына, фыравуннынъ ордусы сизге ярдым этмек ичюн ёлгъа чыкъты, лякин аскерлер кене озь топрагъына, Мысыргъа къайтаджакъ.

Ехезкель 17:15

Лякин Ерусалим падишасы Вавилон падишасына къаршы исьян котерди, мысырлылар онъа атларны ве чокъ аскерлерни берсин деп, Мысыргъа хаберджилерини йиберди. Амма о енъиш къазанырмы? Бу ишни япкъан сагъ къалырмы? Шартнамени бозса, сагъ къаладжакъмы я?

Ехезкель 17:17

Алкъагъа алынгъан вакътында топракъ обалары япылгъанда, уджюм къуллелери къурулгъанда, чокъ адамлар ольдюрильгенде, фыравун озь буюк кучюнен ве чокъ аскерлеринен бу дженкте онъа ярдым этип оламаз.