Йирмея 37:12 - Мукъаддес Китап

¹² Йирмея Ерусалимден чыкъты ве халкънынъ арасында джоюлмакъ ичюн, Биньямин топрагъына кетти.

Йирмея 37:12 ပူးပေါင်းရင်းမြစ်များ

3 Падишалар 19:3

Ильяс къоркъып, джаныны къуртармакъ ичюн, аман кетти ве Ехуда ерлериндеки Беэр-Шевагъа кельди. Анда о, яш къулуны къалдырды.

3 Падишалар 19:9

Анда къобагъа кирип, онда геджеледи. Апансыздан РАББИ Ильяскъа деди: – Ильяс, мында не япасынъ?

1 Тарих вакъиалары 6:60

Биньямин къабилесинден оларгъа бу шеэрлер берильди: Гева ве этрафларындаки отлакълары, Алемет ве этрафларындаки отлакълары, Анатот ве этрафларындаки отлакълары. Джеми оларакъ оларнынъ сойларына 13 шеэр берильди.

Нехемья 6:11

Мен онъа: – Мен киби адам къачармы? Мен киби адам джаныны къуртармакъ ичюн, Сарайгъа кирерми? Ёкъ, бармам, – дедим.

Зебур 55:7

Олар топлашып, сакъланалар, гизлиден излериме бакъалар, джанымны алмагъа истейлер.

Йирмея 1:1

Йирмеянынъ сёзлери. Хилкия руханийнинъ огълу олып, о, Биньяминнинъ топрагъындан, Анатот шеэринден эди.

Йирмея 37:11

Фыравуннынъ ордусы ичюн къасдийлилернинъ ордусы Ерусалимден чекильгенде,

Матта 10:23

Эгер сизлерни бир шеэрден къувсалар, башкъасына къачынъ. Сизге догърусыны айтам: сиз Исраильнинъ эписи шеэрлерини айланып чыкъкъандже, Инсан Огълу ер юзюне къайтып келеджек.

1 Тессалоникелилерге 5:22

эр бир яманлыкълардан озюнъизни сакъланъыз.