Йирмея 36:10 - Мукъаддес Китап

¹⁰ Барукъ Йирмеянынъ сёзлерини РАББИнинъ Эвинде, Шафан языджынынъ огълу Гемарьяхунынъ одасында, юкъары азбарында, РАББИ Эвининъ Янъы Къапусы огюнде кягъыттан окъуды. Бутюн халкъ оны эшитти.

Йирмея 36:10 ပူးပေါင်းရင်းမြစ်များ

2 Падишалар 20:25

Шева – языджы, Цадокъ ве Авиатар – руханийлер эдилер.

2 Падишалар 8:17

Ахитув огълу Цадокъ ве Авиатар огълу Ахимелек – руханийлер, Серая – языджы эди.

3 Падишалар 6:36

Сарайнынъ азбарыны учь къат тегизленген ташлардан яптырды, бир къатыны кедр тереклеринден яптырды.

4 Падишалар 15:35

Лякин ибадет тёпелери ёкъ этильмеди, халкъ ибадет тёпелеринде къурбанлар чалмагъа ве къокъулы отлар якъмагъа девам этти. О, РАББИнинъ Сарайы ичюн Юкъары Къапуны яптырды.

4 Падишалар 18:37

Сарай башлыгъы Хилкия огълу Эльяким, языджы Шевна ве тарихчы Асаф огълу Ёах, кедернен урбаларыны йыртып, Хизкиянынъ огюне кельди ве орду башынынъ сёзлерини айтып бердилер.

4 Падишалар 22:3

Ёшия 18-инджи йыл падишалыкъ эткенде, падиша Мешуллам огълу Ацальянынъ огълу Шафан языджыны РАББИнинъ Сарайына ёллап:

Йирмея 26:10

Ехуда башлыкълары бунынъ акъкъында эшиткен сонъ, падишанынъ сарайындан чыкътылар да, РАББИнинъ Эви янына келип, РАББИ Эвининъ янъы къапуларынынъ янында отурдылар.

Йирмея 26:24

Амма Шафаннынъ огълу Ахикъам Йирмеягъа къол тутты ве Йирмеяны ольдюрмеге халкъкъа ёл бермеди.

Йирмея 29:3

Йирмея бу мектюпни Ехуданынъ падишасы Цидкия Вавилон падишасына Невукъаднеццаргъа йиберген Шафаннынъ огълу Эласа ве Хилкиянынъ огълу Гемарья ярдымынен ёллады.

Йирмея 35:4

РАББИнинъ Эвине, Ханан огъулларынынъ одасына кетирдим. Ханан Игъдальянынъ огълу олып, Алланынъ адамы эди. Онынъ одасы башлыкъларнынъ одасы янында, къапуда къаравул тургъан Шаллумнынъ огълу Маасеянынъ одасы устюнде эди.

Йирмея 36:11

Шафаннынъ торуны, Гемарьяхунынъ огълу Микъая кягъытта язылгъан бутюн РАББИнинъ сёзлерини эшитип,

Йирмея 36:25

Элнатан, Делая ве Гемарьяху кягъытны якъмамагъа ялварсалар да, падиша оларгъа къулакъ асмады.

Йирмея 36:6

Бар да, мен санъа яздыргъан сёзлерни, РАББИнинъ айткъанларыны ораза куню РАББИнинъ Эвинде кягъыттан окъу. Сени бутюн халкъ, озь шеэрлеринден кельген эписи ехудалылар эшитсинлер.

Йирмея 36:8

Нериянынъ огълу Барукъ Йирмея пейгъамбернинъ буюргъанынынъ эписини беджерди, бурулгъан кягъытта язылгъан РАББИнинъ сёзлерини РАББИнинъ Эвинде окъуды.

Йирмея 43:3

Нериянынъ огълу Барукъ исе сени бизге къаршы къозгъалай, бизлерни къасдийлилернинъ къолуна бермеге истей. Олар бизни ольдюреджеклер я да Вавилонгъа сюргюн этеджеклер.

Йирмея 52:25

Шеэрден о, аскерлернинъ башлыгъы олгъан бир везирни, шеэрде тапылгъан падишанынъ еди меслеатчысыны, халкъны аскерликке яздыргъан баш арбий языджысыны ве шеэрде тапылгъан халкъ арасындан 60 адамны алды.

Ехезкель 40:38

Къапунынъ аяты янында, аяткъа ачылгъан бир ода бар эди. Анда бутюнлей якъыладжакъ къурбанлар ювула эди.