Йирмея 35:4 - Мукъаддес Китап

⁴ РАББИнинъ Эвине, Ханан огъулларынынъ одасына кетирдим. Ханан Игъдальянынъ огълу олып, Алланынъ адамы эди. Онынъ одасы башлыкъларнынъ одасы янында, къапуда къаравул тургъан Шаллумнынъ огълу Маасеянынъ одасы устюнде эди.

Йирмея 35:4 ပူးပေါင်းရင်းမြစ်များ

3 Падишалар 12:22

Алланынъ адамы Шемаягъа Алла бойле деди:

3 Падишалар 13:1

Бир кунь Алланынъ адамы, РАББИнинъ эмирине бойсунып, Ехудадан Бет-Эльге кельди. Шу вакъыт Еровоам къурбан ерининъ огюнде къокъулы отлар якъмакъ ичюн тура эди.

3 Падишалар 13:26

Алланынъ адамыны ёлундан къайтаргъан пейгъамбер буны эшитип: – Бу – анавы РАББИнинъ эмирини динълемеген Алланынъ адамы. РАББИ оны арслангъа берди, ве арслан оны парчалап ольдюрди. РАББИ дегени киби япты, – деди.

3 Падишалар 17:18

Къадын Ильяскъа: – Эй, Алланынъ адамы! Манъа не ичюн кельдинъ? Гуналарымны хатырлатмагъа ве огълумны ольдюрмеге кельдинъми? – деди.

3 Падишалар 17:24

Къадын Ильяскъа: – Энди сен Алланынъ адамы олгъанынъны бильдим, РАББИнинъ догъру сёзлерини айткъанынъны анъладым, – деди.

3 Падишалар 20:28

Алланынъ адамы Исраиль падишасы янына келип: – РАББИ бойле дей: «Арамлылар: “РАББИ – дагъларнынъ Алласыдыр, О, вадийлернинъ Алласы дегиль”, – дейлер. Шунынъ ичюн Мен бутюн шу буюк ордуны сенинъ къолларынъа береджегим. Сонъ сиз Мен РАББИ олгъанымны билирсинъиз», – деди.

4 Падишалар 1:9

Сонъра падиша эллибашыны элли аскеринен бирликте Ильяскъа йиберди. Эллибашы онъа барды. Ильяс исе дагънынъ тёпесинде отурмакъта эди. Эллибашы онъа: – Эй, Алланынъ адамы! Падиша санъа ашагъы тюшмеге риджа эте, – деди.

4 Падишалар 12:9

Руханий Ехояда бир сандыкъ алып, тёпесинде тешик япты. Сандыкъны къурбан ерининъ сагъ янына, РАББИнинъ Сарайына кирген ерге къойды. РАББИ Сарайынынъ киришинде къаравул тургъан руханийлер РАББИнинъ Сарайына кетирильген кумюшлерни анда къоя эдилер.

4 Падишалар 25:18

Къаравулларнынъ башлыгъы руханийлернинъ башлыгъы Сераяны, экинджи руханий Цефаньяны ве къапуда къаравул тургъан учь адамны алды.

4 Падишалар 5:14

Бундан сонъ Нааман барып, Алланынъ адамы айткъаны киби, Иордан озенине еди кере далып чыкъты, ве онынъ бедени кичик баланынъ бедени киби темиз олды.

4 Падишалар 5:20

Алланынъ адамы Эль-Ясанынъ хызметчиси Гехазий бойле тюшюнди: «Мына эфендим шу арамлы Нааман кетирген шейлерини онынъ къолундан алмады. РАББИнинъ огюнде ант этем: шимди артындан чапарым да, ондан бир шей алырым!»

4 Падишалар 6:10

Исраиль падишасы Алланынъ адамы айткъан ерге хабер йиберип, адамларгъа сакът олмагъа деди ве шу ерни къоруды. Бу шей бир къач кере олды.

4 Падишалар 7:17

Падиша, къолуна таянып тургъан везирини араба къапу янына къойды. Халкъ оны таптады, ве о, ольди. Эр шей, падиша кельгенде, Алланынъ адамы дегени киби олды.

4 Падишалар 7:2

Падиша везирнинъ къолуна таянып тургъанда, везир Алланынъ адамына джевапланып: – РАББИ бутюн кок къапуларыны ачса биле, ойле шей ола билирми? – деп сорады. Эль-Яса исе: – Сен буны озь козьлеринънен кореджексинъ, амма бир шей ашап оламайджакъсынъ, – деди.

1 Тарих вакъиалары 9:27

Геджелери Алланынъ Эви этрафында кечире эдилер, чюнки Сарайны къорумакъ ве эр саба къапуларны ачмакъ оларнынъ вазифеси эди.

2 Тарих вакъиалары 8:14

Сулейман, Давут бабасынынъ къарарына коре, ибадет этмек ичюн руханийлернинъ болюклерини бельгиледи ве вазифелерини беджермек ичюн левийлилернинъ болюклерини тайинледи. Левийлилер РАББИни шуретлемек ве эр кунь руханийлернинъ ишлеринде ярдым этмек керек эдилер. Сулейман эр бир къапу ичюн къапуджыларнынъ невбетлерини де тайинледи. Алланынъ адамы Давутнынъ буюргъанлары бойле эди.

Зебур 84:10

Акъикъатен, Алладан къоркъкъанларгъа къуртулыш пек якъындыр, бизим топрагъымызда шурети битмесин!

Йирмея 21:1

РАББИден Йирмеягъа кельген хабер. О вакъыт Цидкия падиша Йирмеягъа Малкиянынъ огълу Пашхурны ве Маасеянынъ огълу Цефанья руханийни ёллады ве олар:

Йирмея 26:10

Ехуда башлыкълары бунынъ акъкъында эшиткен сонъ, падишанынъ сарайындан чыкътылар да, РАББИнинъ Эви янына келип, РАББИ Эвининъ янъы къапуларынынъ янында отурдылар.

Йирмея 35:3

Мен Хавацциньянынъ торуны, Йирмеянынъ огълу Яазаньяны, онынъ агъа-къардашларыны, эписи огъулларыны – рекъавлыларнынъ бутюн союны – алдым да,

Йирмея 52:24

Къаравулларнынъ башлыгъы руханийлернинъ башлыгъы олгъан Сераяны, экинджи руханий Цефаньяны ве къапуда къаравул тургъан учь адамны алды.

Ехезкель 40:38

Къапунынъ аяты янында, аяткъа ачылгъан бир ода бар эди. Анда бутюнлей якъыладжакъ къурбанлар ювула эди.

Ехезкель 43:8

Олар босагъаларыны Меним босагъам янына къурдылар, къапуларынынъ первазыны Меним къапум первазынынъ янына ерлештирдилер. Меннен оларнынъ арамызда тек бир дивар бар эди. Олар озьлерининъ япкъан писликлеринен Меним мукъаддес Адымны арам эттилер. Шунынъ ичюн ачувымда Мен оларны ёкъ эттим.

Къануннынъ текрары 33:1

Ольмезден эвель, Алланынъ адамы Муса Исраиль огъулларына багъышлавлар тилеп,

1 Тимотейге 6:11

Сен исе, Алланынъ адамы, олардан къач. Инсафлыкъ, диндарлыкъ, иман, севги, сабыр ве алчакъгонъюлликке ынтыл.

2 Тимотейге 3:17

ве бойлеликнен, Алланынъ адамына эр шейни япмагъа къабилиетини бере, оны эр бир яхшы ишке азырлай.

Нун огълу Ехошуа 14:6

Ехуданынъ огъуллары Ехошуагъа Гилгалгъа кельдилер. Кенизли Ефунненинъ огълу Къалев онъа бойле деди: – РАББИ Къадеш-Барнеа шеэринде Мусагъа, Алланынъ адамына, меним ве сенинъ акъкъынъда нелер айткъаныны сен билесинъ.

1 Падишалар 2:27

Элийге Алла ёллагъан бир адам келип, деди: – РАББИ бойле айта: Сен билесинъ ки, баба-деделеринънинъ эви Мысырда фыравунгъа къуллукъ этип юргенде, Мен оларгъа корюндим.