Йирмея 34:7 - Мукъаддес Китап

⁷ О арада Вавилон падишасынынъ ордусы Ерусалимге ве даа енъильмеген Ехуданынъ шеэрлерине: Лакиш ве Азекъа шеэрлерине къаршы дженк эте эди. Ехуданынъ шеэрлеринден тек бу эки къавийлештирильген шеэр къалды.

Йирмея 34:7 ပူးပေါင်းရင်းမြစ်များ

4 Падишалар 14:19

Фитнеджилер Амацьягъа къаршы Ерусалимде фитнеджилик япты, ве о, Лакиш шеэрине къачып кетти. Лякин фитнеджилер онынъ артындан Лакишке адамларны йиберип, оны анда ольдюрдилер.

4 Падишалар 19:8

Ашшур падишасынынъ Лакиш шеэринден кеткени акъкъында хаберни алып, орду башы кетти ве Ливна шеэрине къаршы дженклешкен падишагъа кельди.

2 Тарих вакъиалары 27:4

Ётам Ехуда дагъларында шеэрлер къурды, орманларда исе къалелер ве къуллелер къурды.

Ешая 36:2

Ашшур падишасы Лакиш шеэринден Ерусалимге Хизкия падишасына орду башыны буюк ордусынен берабер ёллады. О келип, юкъары хавуздан акъкъан арыкъ янында токътады. О ер токъумаларны ювып къуруткъан тарлагъа баргъан ёлунда эди.

Йирмея 11:12

О заман Ехуда шеэрлеринде ве Ерусалимде яшагъанлар къокъулы отларны якъкъан аллаларына бараджакълар, олардан ярдым истейджеклер. Амма олар башларына тюшкен беляларында ич бир ярдым этип оламайджакълар.

Йирмея 34:1

Вавилоннынъ падишасы Невукъаднеццар ве бутюн ордусы, онынъ къолунда олгъан ернинъ бутюн падишалыкълары ве халкълары Ерусалимге ве чевресиндеки эписи шеэрлерине къаршы дженк эткенлеринде, РАББИден Йирмеягъа бойле хабер кельди:

Йирмея 4:5

– Ехудада хабер этинъиз, Ерусалимде бильдиринъиз, мемлекет бою бору чалып, айтынъыз, бар сесинъизнен къычырынъыз: «Топланынъыз, айдынъыз, къавийлештирильген шеэрлерге кетейик!»

Йирмея 8:14

«Не ичюн отурамыз? Азырланынъыз, къавийлештирильген шеэрлерге барайыкъ да, анда гъайып олайыкъ. РАББИ, бизим Алламыз, бизни гъайып олмагъа тайинледи, бизге зеэрли сувны ичиртти; Онъа къаршы гуна ишледик.

Микъа 1:13

Эй, Лакиш халкъы, атларны арабаларгъа ек. Сен Исраильнинъ яманлыкъларыны япып башладынъ ве биринджи олып, Сион къызыны гунагъа батырдынъ.

Къануннынъ текрары 28:52

Бутюн топрагъынъда сен юксек ве пекитильген диварларгъа умют эткенсинъ. Олар эписи яшагъан ерлеринъни сарып аладжакъ ве бу диварларны йыкъаджакълар. Алланъ олгъан РАББИ санъа берген бутюн топрагъынъда яшагъан ерлеринъни сарып аладжакълар.

Нун огълу Ехошуа 10:3

О вакъыт Ерусалим падишасы Адоний-Цедек озь адамларыны Хеврон падишасы Хохамгъа, Ярмут падишасы Пирамгъа, Лакиш падишасы Яфиягъа ве Эглон падишасы Девирге ёллады. Оларгъа бойле айтмагъа буюрды:

Нун огълу Ехошуа 10:5

Беш аморлы падиша: Ерусалимнинъ падишасы, Хевроннынъ падишасы, Ярмутнынъ падишасы, Лакишнинъ падишасы ве Эглоннынъ падишасы берабер топлашып, ёлгъа чыкътылар. Олар ве ордулары, Гивон шеэрине къаршы дженк этмек ичюн, онынъ янына ордунен турдылар.

Нун огълу Ехошуа 12:11

бир Ярмут падишасы, бир Лакиш падишасы,

Нун огълу Ехошуа 15:35

Ярмут, Адуллам, Сокъо, Азекъа,

Нун огълу Ехошуа 15:39

Лакиш, Боцкъат, Эглон,