Йирмея 32:20 - Мукъаддес Китап

²⁰ Сен Мысыр топрагъында аляметлерни косьтердинъ, аджайип ишлерни яптынъ, бу куньге къадар эм Исраильде, эм халкълар арасында шуны япасынъ. Сен Озюнъе буюк Нам къазандынъ.

Йирмея 32:20 ပူးပေါင်းရင်းမြစ်များ

2 Падишалар 7:23

Сенинъ халкъынъ Исраильге насыл миллет тенъ келир? Сен Мысырдан сатын алгъан халкъ Исраиль – дюньяда екянедир. Сен бу халкъны Мысырдан сатын алдынъ ве Адынъны шуретлединъ! Халкъынъ огюнде аджайип ве къоркъунчлы шейлер яптынъ! Озюнънинъ халкъынъдан башкъа халкъларны ве оларнынъ аллаларыны къувдынъ!

1 Тарих вакъиалары 17:21

Сенинъ халкъынъ Исраильге насыл миллет тенъ келир? Сен дюньядаки тек Исраиль халкъына келип, оны Мысырдан сатын алдынъ. Сен, Адынъны шуретлемек ичюн, бу халкъны Мысырдан сатын алдынъ! Халкъынъ огюнде аджайип ве къоркъунчлы шейлер яптынъ! Сен Озь халкъынънынъ огюнден башкъа халкъларны ве оларнынъ аллаларыны къувдынъ!

Нехемья 9:10

Мысырлылар бабаларымызгъа кибирнен бакъкъанларыны билип, Сен фыравунгъа, онынъ эписи къулларына ве бутюн топрагъынынъ халкъларына аляметлеринъни ве аджайип ишлеринъни косьтердинъ. Сен Озюнъе шурет къазандынъ, бу шурет бугуньге къадар етип кельди.

Нехемья 9:11

Сен оларнынъ огюнде денъизни ярдынъ, ве олар денъизнинъ ортасындан къуру ерден кечип кеттилер. Оларны къувалагъанларны исе Сен, кучьлю сувларгъа таш батыргъанынъ киби, теренликке батырдынъ.

Зебур 135:9

гедженинъ сабысы олсун деп, ай ве йылдызларны яратты, – акъикъатен эбедийдир Онынъ севгиси!

Чыкъыш 10:2

Сен огълунънен торунынъа мысырлыларнен дешетли шейлерни япкъанларымны ве анда косьтерген аляметлерим акъкъында айтып олурсынъ. Бойлеликнен, Мен – РАББИ олгъанымны биледжексиз, – деди.

Чыкъыш 3:20

Сонъ къолумны узатырым ве оларнынъ козю огюнде аджайип шейлер япып, Мысырны джезаларым. Ондан сонъ о, сизлерни йиберер.

Чыкъыш 7:3

Лякин Мен фыравуннынъ юрегини таш киби этерим ве Мысыр топрагъында чокътан-чокъ аляметлеримни ве аджайип шейлеримни япарым.

Чыкъыш 9:16

Лякин санъа къудретим корюнсин ве бутюн ер юзюнде Меним Адым намлы олсун деп, Мен сени сакълап къалдырдым.

Ешая 63:12

Мусанынъ сагъ къолунен шанлы кучюни ёллагъан, онынъ огюнде сувларны экиге больген, бойле этип, Озюне эбедий нам къазангъан,

Ешая 63:14

РАББИнинъ Руху оларны, вадийде айванларны киби, раатлыкъ ерине алып кетти. Шанлы нам къазанмакъ ичюн, халкъыны ойле айдап кетти.

Йирмея 13:11

Къушакъ адамнынъ белине насыл якъын олса, бутюн Исраиль халкъыны ве бутюн Ехуда халкъыны Озюме якъынлаштырдым, – дей РАББИ. – Олар Меним халкъым, намым, макътав йырым ве дюльбер шуретим оладжагъыны истедим, амма олар Мени динълемедилер.

Даниял 6:28

Эм Дарьявеш, эм фарслы Кореш падишалыкъ эткенде, Даниялнынъ ишлери онъундан келе эдилер.

Даниял 9:15

Рабби-Таалямыз, Сен кучьлю къолунънен Озь халкъынъны Мысыр топрагъындан чыкъардынъ, бизге бугуньге къадар шуретинъни косьтердинъ, бизлер исе гуна ишледик, яманлыкъ яптыкъ.

Фаалиет 7:36

Бу адам Мысыр топрагъында, Къызыл денъизде, эм де къыркъ йыл девамында сахрада аджайип шейлер япып ве бельгилер косьтерип, Исраиль халкъыны чыкъарып юрсете эди.

Къануннынъ текрары 11:3

Олар Алланынъ бельгилерини, Мысыр падишасы олгъан фыравунгъа ве бутюн топрагъына нелер япкъанларыны корьмедилер.

Къануннынъ текрары 4:34

Алланъыз олгъан РАББИ баргъанда, джезалар берип, бельгилер косьтерип, аджайип шейлер япып, дженк этип, къудрети ве къуветинен козьлеринъиз огюнде Мысырдан башкъа миллетнинъ арасындан Озюне миллет сайлап алды. Башкъа аллалар, РАББИ-Таалянъыз сизге япкъаны киби, буны япмагъа тырыштымы?

Къануннынъ текрары 6:22

РАББИ козюмизнинъ огюнде бельгилер косьтерди ве буюк аджайип шейлер япты, Мысыргъа, фыравунгъа ве онынъ бутюн эвине белялар ёллады.

Къануннынъ текрары 7:19

Сен корьген буюк беляларны, бельгилер ве аджайип шейлерни, РАББИнинъ буюк къуветини ве къудретини косьтерип, Алланъ олгъан РАББИ сени андан чыкъарды. Алланъ олгъан РАББИ сен къоркъкъан бутюн халкъларгъа айны шу шейни япаджакъ.