Йирмея 31:5 - Мукъаддес Китап

⁵ Самарие дагъларында кене юзюм багъларыны осьтюреджексинъ, оларны сачкъанлар мейваларыны ашайджакълар.

Йирмея 31:5 ပူးပေါင်းရင်းမြစ်များ

Йирмея 32:15

Ордуларнынъ РАББИси, Исраильнинъ Алласы, бойле дей: Бу мемлекетте эвлер, тарлалар ве юзюмликлер кене сатын алынаджакълар.

Ехезкель 28:26

Олар анда раат яшайджакъ, эв къураджакъ, юзюмликлерини сачаджакълар. Оларны кореджек козю олмагъан къомшуларыны Мен джезалайджагъым, ве олар къоркъмайып яшайджакълар. О заман Мен – РАББИ, оларнынъ Алласы олгъанымны биледжеклер.

Ехезкель 36:8

Амма сиз, Исраиль дагълары, даллы тереклернен къапланаджакъсынъыз ве Меним халкъыма Исраильге мейвалар береджексинъиз; олар якъында къайтып келеджек.

Амос 9:14

Халкъым Исраильни сюргюнликтен къайтараджагъым, ве олар бош шеэрлерни янъыдан къурып, анда яшайджакълар, юзюм багъларыны сачып, шарабыны ичеджеклер, багъчалар япып, махсулыны ашайджакълар.

Овадья 1:19

Негевде яшагъан халкъ Исавнынъ дагъларыны тартып аладжакъ, Шефелада яшагъанлар Фелестин топрагъыны запт этеджек. Олар Эфраим ве Самарие топракъларыны басып аладжакълар. Биньямин Гиладнынъ сабысы оладжакъ.

Микъа 1:6

Шунынъ ичюн Самариени ачыкъ чёльдеки чёплюк обасына чевиреджегим, оны юзюм сачыладжакъ ер япарым, онынъ ташларыны вадийге ташларым ве шеэрнинъ диварларыны темеллерине къадар бозарым.

Микъа 4:4

Лякин эр кес озь юзюм пытагъы тюбюнде, озь инджир тереги тюбюнде отураджакъ, ве оларны къоркъутаджакъ киши олмайджакъ. Ордуларнынъ РАББИси шойле айтты.

Зекерья 3:10

О куню эпинъиз бири-биринъизни озь юзюм ве инджир тереги тюбюнде отурмагъа чагъыраджакъсыз, – дей Ордуларнынъ РАББИси.

Къануннынъ текрары 20:6

Ким юзюмликни сачып, бир салкъымыны узьмеген? О адам эвине къайтсын. Ёкъса о барып, дженк мейданында эляк олур, ве башкъасы юзюмлигинен файдаланыр.

Къануннынъ текрары 28:30

Нишанлы оладжакъсынъ, лякин башкъа акъай нишанлынъны зорлап, онен ятаджакъ. Эв къурарсынъ, лякин ичинде яшамазсынъ. Юзюмлик сачарсынъ, лякин бир салкъымыны узьмезсинъ.

1 Падишалар 21:5

Давут Руханийге: – Мен эр заман дженкке чыкъкъаным киби, бу кере де янымызда къадынларымыз ёкъ эди. Ёлумыз адий олгъан олса да, генчлеримизнинъ беденлери элял олып къалалар. Бойле бир куньде исе олар даа да зияде темизлигини сакълайлар, – деди.