Йирмея 31:12 - Мукъаддес Китап

¹² Олар келеджек, Сионнынъ тёпесинде къуванчнен къычыраджакъ, РАББИнинъ къысметине: богъдайгъа, янъы шарапкъа, тазе зейтюн ягъына, къозуларгъа ве бузавларгъа къуванаджакълар. Джанлары сувгъа тойгъан багъчаларгъа ошайджакъ, бир даа хор олмайджакълар.

Йирмея 31:12 ပူးပေါင်းရင်းမြစ်များ

Ешая 1:30

Япракълары тюшкен эмен киби оладжакъсынъыз, сувсуз къалгъан багъчагъа ошайджакъсынъыз.

Ешая 35:10

РАББИ сатын алгъан адамлар къайтаджакъ, Сионгъа къуванчнен къычырып келеджек, къуванч оларнен эбедиен оладжакъ. Олар къуванч ве шенълик тападжакъ, гъам ве къасевет исе олардан узакълашаджакъ.

Ешая 51:11

РАББИ къуртаргъанлары къайтаджакъ, тюркюнен Сионгъа келеджек, эбедиен къуванаджакълар, къуванчнен шенълик тападжакълар, къасеветлернен ынъранувлар узакълашаджакълар.

Ешая 52:8

Къаравулларынънынъ сеслери эшитиле, эписи берабер къуванчнен къычыралар, РАББИнинъ Сионгъа къайткъаныны козьлеринен корьмектелер.

Ешая 58:11

О заман РАББИ эр заман ёлбашчынъыз оладжакъ, къургъакъ заманында сизлерни тойдураджакъ, беденлеринъизни къавийлештиреджек; сувгъа тойгъан бир багъча, суву битмеген чокъракъ киби оладжакъсынъыз.

Ешая 60:20

Кунешинъ энди батмайджакъ, айынъ сакъланмайджакъ, эбедий ярыгъынъ РАББИ Озю оладжакъ, агълагъан куньлеринъ битеджек.

Ешая 65:19

Ерусалим ичюн шенъленеджегим, халкъым ичюн къуванаджагъым. Анда ич агъламайджакълар, ич къычырмайджакълар.

Йирмея 3:14

– Арткъа къайтынъыз, эй, ёлдан урулгъан балалар! – дей РАББИ. – Мен сизинъ эфендинъиз олдым. Шеэрлеринъизден бирер адам, къабилелеринъизден экишер адам алып, Сионгъа кетиреджегим,

Йирмея 31:24

Бу топракъта ехудалылар ве оларнынъ эписи шеэрлери ерлешеджек, топракъны ишлегенлер ве айванларны бакъкъанлар анда юреджек.

Йирмея 31:25

Болдургъанларгъа сувны береджегим, такъаттан кесильгенлерни ашкъа тойдураджагъым.

Йирмея 31:4

Сени кене къавийлештиририм, ве къавий олурсынъ, эй, Исраиль къызы! Кене къолунъа дарелерни аладжакъсынъ, къуванчнен ойнайджакъсынъ.

Йирмея 31:6

Ойле кунь келеджек ки, Эфраим дагъындаки къаравуллар: «Турунъыз, Сионгъа котерилейик, РАББИге, бизим Алламызгъа кетейик!»

Йирмея 31:7

РАББИ бойле дей: – Якъуп акъкъында къуванчнен йырланъыз! Халкълар башы огюнде къычырынъыз! Халкъларгъа бильдиринъиз, Раббини макътанъыз; «Я РАББИ, халкъынъны, къалгъан Исраильни къуртар!» – денъиз.

Йирмея 32:15

Ордуларнынъ РАББИси, Исраильнинъ Алласы, бойле дей: Бу мемлекетте эвлер, тарлалар ве юзюмликлер кене сатын алынаджакълар.

Йирмея 33:12

Ордулар РАББИсининъ сёзлери бойледир: – Бу бакъымсыз, адамсыз, айвансыз ерде, бутюн шеэрлерининъ янында кене отлакълар оладжакъ, чобанлар анда къой-эчкилерине раатлыкъ береджеклер.

Йирмея 33:13

Дагълыкъ шеэрлеринде, Шефела шеэрлеринде, Негев шеэрлеринде, Биньямин топрагъында, Ерусалимнинъ чевресинде ве Ехуданынъ шеэрлери янында чобанлар кене къой-эчкилерини айван азбарына топлап саяджакълар, – дей РАББИ.

Ехезкель 17:23

Исраиль дагъынынъ тёпесинде оны сачаджагъым. О, пытакъланып, мейва береджек ве кучьлю кедр оладжакъ. Чешит къушлар онынъ пытакъларында яшайджакъ, далларынынъ талдасында озьлерине ер тападжакълар.

Ехезкель 20:40

Меним азиз дагъымда, Исраильнинъ юксек дагъында бутюн Исраиль халкъы, ерде олгъанларнынъ эписи Манъа хызмет этеджеклер, – дей РАББИ-ТААЛЯ. – Анда Мен оларны къуванчнен къабул этеджегим. Анда котериледжек къурбанларынъызны, биринджи берекетлеринъизни ве бутюн азизликлеринъизни истейджегим.

Ехезкель 34:14

Мен оларны яхшы яйлаларда отлатаджагъым, Исраильнинъ юксек дагъларында олар ерлешеджек. Анда, яхшы отлакъта олар ятып раатланаджакълар, Исраиль дагъларынынъ берекетли чайырларында отлайджакълар.

Ехезкель 36:30

Тереклернинъ мейвасыны бол этеджегим, тарла берекетини чокълаштыраджагъым. Бир даа ачлыкъ ичюн халкъларнынъ арасында масхара олмайджакъсынъыз.

Хошеа 3:5

Бундан сонъ Исраиль огъуллары къайтаджакъ ве РАББИни, оларнынъ Алласыны, эм де Давут падишасыны къыдыраджакълар. Олар РАББИден къоркъаджакълар ве сонъки куньлериндеки Онынъ эйилигини буюк урьмет этеджеклер.

Ёэль 3:18

О куню дагълардан юзюм шырасы тамлайджакъ, байырлардан сют акъаджакъ, Ехуданынъ эписи озенлери сувгъа толаджакъ. РАББИнинъ Эвинден бир чокъракъ чыкъаджакъ ве Шиттим вадийине сув береджек.

Хагъгъай 2:19

Анбарларынъызда аля даа ашлыкъ урлугъы къалдымы? Бугуньгедже не юзюм пытагъы, не инджир тереги, не нар тереги, не зейтюн тереги емиш бердилер. Амма бугуньден башлап, Мен сизлерге берекет береджегим.

Зекерья 8:12

– Адамлар тынчлыкъта урлукъларны сачаджакъ. Юзюм чубугъы озь махсулыны береджек, топракъ берекетини кетиреджек, коклер чыкъыны ёллайджакъ. Мен бунынъ эписини къалгъан бу халкъкъа береджегим.

Юхан 16:22

Сиз де шимди дертлер чекесиз. Лякин Мен сизни кене кореджем, юреклеринъиз къуванчкъа толаджакъ, ве къуванчынъызны сизден ич кимсе тутып аламаз.

Римлилерге 2:4

Алланынъ сынъырсыз яхшылыгъы, мерамети ве буюк сабыры сизлер ичюн ич бир шей дегильми? Онынъ эйилиги сизни тёвбеге кетиреяткъаныны анъламайсынъызмы?

Сырларнынъ ачылувы 21:4

Алла оларнынъ козюндеки эр бир козьяшны силеджек, ве энди олюм олмайджакъ. Гъам да, агълав да, агъры да олмаз. Эвельки шейлер кечип кетти.

Сырларнынъ ачылувы 7:17

Тахтнынъ ортасындаки Къозу, чобан киби, оларны бакъаджакъ ве яшайыш сувлары олгъан чокъракъларгъа алып бараджакъ. Алла оларнынъ козьяшларыны бутюнлей силеджек.