Йирмея 3:16 - Мукъаддес Китап

¹⁶ Сиз мемлекетте чокъ олгъанда, – дей РАББИ, – о куньлерде халкъ РАББИнинъ Васиет Сандыгъы акъкъында лаф этмейджек. Сандыкъ оларнынъ акъылына кельмейджек, оны хатырламайджакъ, онъа кетмейджек, эм де башкъа сандыкъны олар япмайджакъ.

Йирмея 3:16 ပူးပေါင်းရင်းမြစ်များ

Ешая 60:22

Энъ уфакъ адамдан бинъ адам, энъ кичкене союндан кучьлю халкъ асыл оладжакъ. Вакъты-саати кельгенде, Мен, РАББИ, буны тез япаджагъым.

Ешая 61:4

Чокътан йыкъылгъан шеэрлерни янъыдан къураджакълар, эски заманларда къырылгъан ерлерни тиклейджеклер, къадимий несиллерден бошап къалгъан шеэрлерни янъыдан къураджакълар.

Ешая 65:17

Бакъынъыз, Мен янъы коклерни ве янъы бир ерни яратаджагъым. Эвелькилери анъылмайджакъ, акъылгъа биле кельмейджек.

Йирмея 3:17

О заман Ерусалимге «РАББИнинъ тахты» дейджеклер. Эписи халкълар РАББИнинъ Намы ичюн Ерусалимде топланаджакълар, яман юреклерининъ инатлыгъына коре бир даа арекет этмейджеклер.

Йирмея 30:19

Андан кене шукюрлер ве шенъ адамларнынъ сеси котериледжек! Мен оларны чокълаштырырым, олар азлашмайджакъ, оларны шуретлерим, олар ашаланмайджакъ!

Йирмея 31:27

– Бакъ, ойле куньлер келеята ки, – дей РАББИ, – Исраильни ве Ехуданы адамларгъа ве айванларгъа толдураджагъым.

Йирмея 31:8

Бакъынъыз! Мен оларны шималь мемлекетинден кетиририм, ер юзюнинъ кенарларындан топларым. Оларнынъ арасында кёр ве топаллар, юклю ве локъса апайлар оладжакътыр. Буюк джемаат олып, къайтаджакълар.

Йирмея 7:4

«РАББИнинъ Сарайы, РАББИнинъ Сарайы, РАББИнинъ Сарайы бу ердедир!» – деген алдатыджы сёзлерге ишанманъыз.

Ехезкель 15:5

Эгер о, янмаздан эвель бир шейге ярамаса, янып комюр олгъандан сонъра о неге ярар?

Ехезкель 37:26

Мен оларгъа аманлыкъ васиетини береджегим. Бу васиет оларгъа эбедий оладжакъ. Оларны ерлештирип, чокълаштыраджагъым. Оларнынъ арасында Меним Азиз Еримни эбедиен къояджагъым.

Амос 9:9

– Мына, Мен буюраджагъым ве Исраиль эвини бутюн халкълар арасында сачаджагъым. Элекнен ун элеген киби, Мен оларны элеп темизлейджегим, бир урлукъ исе ерге тюшмейджек.

Цефанья 3:11

О куню сен Манъа къаршы япкъан яманлыкъларынънен озюнъни масхара этмейджексинъ. Мен сенинъ аранъдан къопай ве бурун котерген эр бир адамны узакълаштыраджагъым. Сен Меним мукъаддес дагъымда башкъа озюнъни юксек тутмайджакъсынъ.

Матта 1:11

Исраиллилер Вавилонгъа сюргюн этильгенде, Ёшиядан Еконья ве онынъ агъа-къардашлары догъулды.

Матта 3:9

Лякин ичинъизден: «Ибраим бизим бабамыз!» – деп, ич тюшюнменъиз. Мен сизлерге шуны айтам: Алла Ибраимге балаларны мына бу ташлардан япа биле.