Йирмея 3:10 - Мукъаддес Китап

¹⁰ Бунъа бакъмадан, хаин къызкъардашы Ехуда юректен дегиль де, алдавнен Манъа къайтты, – дей РАББИ.

Йирмея 3:10 ပူးပေါင်းရင်းမြစ်များ

2 Тарих вакъиалары 34:33

Ёшия исраиллилернинъ бутюн топракъларындан писликлерни ёкъ этти ве Исраильде олгъан бутюн халкъкъа озь Алласына РАББИге хызмет этмеге буюрды. Падишанынъ яшайышы девамында олар бабаларынынъ Алласы РАББИден вазгечмедилер.

Зебур 66:3

Ер юзюнде яшагъанлар Сенинъ ёлунъны бильсинлер, къуртарувынъ акъкъында бутюн халкъларнынъ хабери олсун!

Ешая 10:6

Оны имансыз миллетке, Мени ачувландыргъан халкъкъа къаршы ёллайджагъым; оны бутюнлей чайпамагъа, эр шейини тартып алмагъа, оны, сокъакътаки чамурны киби, таптамагъа буюраджагъым.

Ешая 29:13

Рабби бойле деди: – Бу халкъ Манъа тек сёзлеринен якъын, Мени тек тиллеринен урьмет этелер. Юреклери исе Менден узакъ, инсанларнынъ буюргъанларыны тутып, Мени саялар, деп тюшюнелер.

Ешая 31:6

Эй, Исраиль огъуллары! о къадар инатлыкънен юзюнъизни чевирген РАББИнъизге къайтынъыз!

Йирмея 11:10

деделерининъ эвельки къабаатларына къошулдылар, Меним сёзлеримни динълемедилер, ябанджы аллаларнынъ артындан кеттилер, оларгъа хызмет эттилер. Исраиль ве Ехуда халкълары Мен деделерине берген васиетимни боздылар.

Йирмея 12:2

Сен оларны сачтынъ, олар тамыр атып, осьтилер ве мейва берелер. Адынъ агъызларындан тюшмей, лякин юреклери Сенден узакъ.

Йирмея 9:1

Ах, башым сув олса, козьлерим де козьяш чокърагъы олса эди, гедже-куньдюз халкъымнынъ ольдюрильгенлери ичюн агълар эдим.

Хошеа 7:14

Олар тёшеклеринде агълагъанда, джан-юректен Менден ярдым сорамай. Отьмек ве шарап ичюн топланалар, Менден исе узакълашалар.

Амос 4:9

– Мен сизге къурутыджы ельни, ашлыкъларынъызгъа куфни ёлладым. Багъча ве юзюм багъчаларынъызны, инджир ве зейтюн тереклеринъизни сарынчкъа ашады, лякин сиз Манъа къайтмадынъыз, – дей РАББИ.

Малакий 2:11

Ехуда хаинлик япты. Исраильде ве Ерусалимде пис ишлер япылды: ехудалылар ябанджы аллагъа ибадет эткен къызларгъа эвленди ве РАББИнинъ севген азиз Сарайыны арамлады.