Йирмея 28:13 - Мукъаддес Китап

¹³ – Бар да, Хананьягъа айт: «РАББИ бойле дей: Сен агъач боюндырыкъны йыкътынъ да, онынъ ерине демирден боюндырыкъ япаджакъсынъ.

Йирмея 28:13 ပူးပေါင်းရင်းမြစ်များ

2 Тарих вакъиалары 10:11

Меним бабам сизге буюк агъырлыкъ юклеген, мен исе бу агъырлыкъны даа да зияделештиреджегим. Меним бабам сизни къамчыларнен джезалагъан, мен исе сизни чаянларнен джезалайджагъым».

Зебур 149:8

падишаларны зынджырларнен, асылзаделерни демир бугъавларнен багълар,

Ешая 45:2

– Огюнъден кетип, дагъларны тегизлейджегим, бакъыр къапуларны къыраджагъым, демир мандалларны сындыраджагъым,

Йирмея 27:15

РАББИ: «Мен оларны ёлламадым, – дей. – Олар Меним Адымдан ялан пейгъамберлик этелер. Оларны эшитсенъиз, Мен сизни ве сизге пейгъамберлик эткен пейгъамберлеринъизни къуваларым, ве сизлер гъайып олурсынъыз».

Йирмея 27:2

– РАББИ манъа бойле деди: Озюнъе тыршав ве боюндырыкъ яп ве бойнунъа кечир.

Агълав йырлары 1:14

Рабби Озь къолунен яманлыкъларымны боюндырыкъ киби, бойнума багълады; бири-бирине багъланып, бойнума асалар; Рабби такъатымны алды, ойле адамларнынъ къолуна берди ки, оларны енъип оламайым!

Агълав йырлары 2:14

Пейгъамберлеринъ санъа ялан ве бош хабер эттилер; къабаатларынъны косьтермедилер, сюргюнликтен къорчаламадылар; санъа бош яланлар айтып, сени ёлдан урдылар.

Ехезкель 30:18

Мен о ерде Мысырнынъ кучюни бозгъанда, Техафнехесте кунь ярыгъы сёнеджек, о макътангъан къудрети кесиледжек. Шеэрни булут къаплайджакъ, ве къызлары сюргюн этиледжектир.

Къануннынъ текрары 28:48

ач, сувсуз, чыр-чыплакъ ве эр шейге мухтадж олып, РАББИ санъа ёллайджакъ душманларынъа хызмет этеджексинъ. О, сени ёкъ этмегендже, бойнунъа демир боюндырыкъ такъаджакъ.