Йирмея 28:11 - Мукъаддес Китап

¹¹ Сонъ халкънынъ козю огюнде айтты: – РАББИ бойле дей: «Эки йылдан сонъ Вавилон падишасы Невукъаднеццарнынъ боюндырыгъыны, бутюн халкъларнынъ боюнларына такъкъан боюндырыгъыны бойле парчалайджагъым». Йирмея пейгъамбер исе кетти.

Йирмея 28:11 ပူးပေါင်းရင်းမြစ်များ

3 Падишалар 13:18

Къарт исе бойле деди: – Мен де сенинъ киби пейгъамберим. Бир мелек манъа РАББИнинъ эмиринен: «Оны эвинъе къайтар, аш ашасын, сув ичсин», – деди. Лякин о, ялан айтты.

3 Падишалар 22:6

Исраиль падишасы 400-ге якъын пейгъамберни топлап, олардан: – Рамот-Гиладгъа къаршы дженкке кетейимми я да кетмейимми? – деп сорады. Олар: – Кет. Рабби оны падишанынъ къолуна береджек, – дедилер.

2 Тарих вакъиалары 18:10

Кенаананынъ огълу Цидкия озюне демир бойнузлар япты ве: – РАББИ бойле дей: «Шу бойнузларнен арамлыларны ёкъ эткендже тюртеджексинъ», – деди.

Икметли сёзлер 14:7

Акъылсыз адамдан узакъ ол, онынъ агъзында бильги тапалмазсынъ.

Йирмея 14:14

РАББИ манъа: – Пейгъамберлер Меним Адымдан ялан пейгъамберлик этелер, – деди. – Мен оларны не ёлладым, не эмир бердим, не де оларгъа бир шей айттым. Олар сизге ялан руяларны, фалджылыкъны, бош шейлерни, юреклерининъ арзуларыны айтып, пейгъамберлик этелер.

Йирмея 23:17

Манъа хор бакъкъан адамларгъа даима: «РАББИ дей: Сизде аманлыкъ оладжакъ!» – айталар. Юреклерининъ инатлыгъына коре арекет эткенлерге: «Башынъызгъа беля тюшмейджек», – дейлер.

Йирмея 28:15

Бундан сонъ Йирмея пейгъамбер Хананья пейгъамберге: – Хананья, мында бакъ, – деди. – РАББИ сени ёлламады. Сен халкъны ялан айтып ишандырасынъ.

Йирмея 29:9

Олар сизге Меним Адымдан ялан пейгъамберлик этелер, Мен исе оларны сизге ёлламадым, – дей РАББИ.

Ехезкель 13:7

Сизинъ корьген шейлеринъиз бош! Эткен хаберлеринъиз ялан! Сизлер: «РАББИ бойле айта», – дейсинъиз, амма Мен бойле айтмадым.