Йирмея 27:3 - Мукъаддес Китап

³ Сонъ Ерусалимге, Ехуда падишасы Цидкиягъа кельген эльчилер ярдымынен Эдомнынъ падишасына, Моавнынъ падишасына, Аммон огъулларынынъ падишасына, Тир шеэрининъ ве Сидон шеэрининъ падишаларына айны ойле сойларыны ёлла.

Йирмея 27:3 ပူးပေါင်းရင်းမြစ်များ

2 Тарих вакъиалары 36:13

Невукъаднеццар падишагъа Алланынъ Адынен ант бергенине бакъмадан, Цидкия онъа къаршы котерильди. Цидкия энъсесини къатты этти, юрегини де таш киби япты ве Исраильнинъ Алласы РАББИге къайтмады.

Ешая 23:4

Эй, Сидон шеэри, утан! Денъиз ве денъиз къалеси бойле дей: «Догъув агърыларнен чекишмедим, балаларны тапмадым, огъланларны тербиелемедим, къызларны беслемедим!»

Йирмея 27:12

Эписи бу сёзлерни мен Ехуда падишасы Цидкиягъа айтып: – Бойнунъызны Вавилон падишасынынъ боюндырыгъына эгинъиз, онъа ве онынъ халкъына хызмет этинъиз ве сагъ къалынъыз, – къоштым.

Йирмея 27:4

Озь падишаларына бойле айтмагъа эльчилерге буюр: Ордулар РАББИси, Исраильнинъ Алласы, эфендилеринъизге бойле дей:

Йирмея 28:1

Айны йылда, дёртюнджи йылнынъ бешинджи айында, Ехуда падишасы Цидкиянынъ падишалыгъынынъ башында, Гивон шеэринден Аззурнынъ огълу Хананья пейгъамбер РАББИнинъ Эвинде, эписи руханийлернинъ ве бутюн халкънынъ козьлери огюнде манъа бойле деди:

Ехезкель 29:18

– Инсан огълу! Вавилон падишасы Невукъаднеццар Тир шеэрини алкъагъа алгъанда, озь ордусыны чокъ къыйнады: эписининъ башы таз олды, агъыр иштен омузларынынъ териси сыдырылды. Амма не озю, не де ордусы агъыр эмеги ичюн Тирден бир къазанч корьмедилер.

Амос 1:9

РАББИ бойле дей: – Гуна устюне гуна къазангъанлары ичюн, Тир шеэринде яшагъанларны мытлакъа джезалайджагъым. Чюнки олар эписи сюргюн этильгенлерни эдомлыларнынъ къолларына берди, достлукъ мунасебетлерини акъылгъа кетирмеди.