Йирмея 22:30 - Мукъаддес Китап

³⁰ РАББИ бойле дей: Бу адамны баласыз оларакъ язынъыз, омюрбилля о огъурсыз оладжакъ. Эвлятларындан ич кимсе бахыт корьмейджек, Давутнынъ тахтында отурмайджакъ, Ехудада бир даа падишалыкъ этмейджек.

Йирмея 22:30 ပူးပေါင်းရင်းမြစ်များ

Эюп акъкъында китап 18:19

Халкъ арасында не огълу, не де торуны къаладжакъ, яшагъан ерлеринде ич кимсе сагъ къалмайджакъ.

Йирмея 10:21

Чобанлар акъылсыз олды, РАББИни къыдырмайлар. Онынъ ичюн ишлери онъундан кельмеди, бутюн айванлары да дагъылды.

Йирмея 2:37

Къолларынънен башынъны тутып, андан чыкъаджакъсынъ, РАББИ сен ишангъанларны ред этти, олар санъа бахыт кетирмейджек.

Йирмея 22:2

«Давутнынъ тахтында отургъан Ехуда падишасы! Сен, хызметчилеринъ ве бу къапулардан кирген халкъ, РАББИнинъ хаберини динъленъиз!

Йирмея 29:32

Шунынъ ичюн РАББИ бойле дей: Бакъынъыз! Мен нехеламлы Шемаяны ве бутюн союны джезалайджагъым. О, Манъа къаршы чыкъып, лаф юрсеткени ичюн, бу халкънынъ арасында онынъ эвлятларындан бир адам къалмайджакъ; о, халкъыма япаджакъ эйилигимни корьмейджек».

Йирмея 36:30

Онынъ ичюн Ехуда падишасы Ехоякимнинъ акъкъында РАББИ бойле дей: Онынъ эвлятлары Давутнынъ тахтында отурмайджакъ. Олюси де уйле сыджагъына ве гедже сувугъына ташланаджакъ.

Йирмея 52:10

Сонъ Вавилоннынъ падишасы Ривла шеэринде Цидкиянынъ козю огюнде огъулларыны ве эписи Ехуданынъ башлыкъларыны къылычнен ольдюртти.