Йирмея 22:29 - Мукъаддес Китап

²⁹ Ах, топракъ, топракъ, топракъ! РАББИнинъ сёзюни динъле!

Йирмея 22:29 ပူးပေါင်းရင်းမြစ်များ

Ешая 34:1

Эй, миллетлер, динълемек ичюн, якъынлашынъыз! Эй, халкълар, къулакъ асынъыз! Ер юзю ве ер устюнде яшагъан эр шей, дюнья ве анда эписи догъгъанлар, динъленъиз!

Йирмея 6:19

Динъле, мемлекет! Мына, бу халкъкъа яман беляны ёллайджагъым, къара фикирлерининъ акъларыны кетиреджегим. Сёзлериме къулакъ асмадылар, Къанунымны ред эттилер де.

Ехезкель 37:4

О заман манъа шойле деди: – Бу кемиклер акъкъында пейгъамберлик эт, оларгъа бойле айт: Эй, къуругъан кемиклер, РАББИнинъ сёзюни динъленъиз!

Микъа 1:2

– Эй, халкъларнынъ эписи, эшитинъиз! Дюнья ве дюньяда яшагъан эр ким, къулакъ асынъыз! РАББИ-ТААЛЯ сизлерге къаршы шаат олсун, Рабби Озюнинъ Мукъаддес Сарайындан шаатлыкъ берсин!

Къануннынъ текрары 31:19

Энди бу йырны язып ал ве Исраиль огъулларына огрет. Оларгъа къаршы шаатлыгъым олсун деп, оны агъызларына къой.

Къануннынъ текрары 32:1

– Къулакъ асынъыз, коклер, мен айтаджагъым, динъле, ер юзю, агъзымдан чыкъаджакъ лафларны.

Къануннынъ текрары 4:26

бугунь кок ве ерни шаат оларакъ чагъырып ант этем ки, бу топракътан мытлакъа тез-тез гъайып оладжакъсынъыз. Онынъ саиплери олмакъ ичюн, сиз бугунь Иорданны кечсенъиз де, анда чокъ вакъыт яшамайджакъсынъыз, лякин мытлакъа ёкъ оладжакъсынъыз.