Йирмея 22:28 - Мукъаддес Китап

²⁸ – Бу адам Еконья – хор олгъан, сынгъан савутмы, аджеба? Я да о, бир шейге кечмеген бардакъмы? Оларны не ичюн котерип аттылар? Оны да, сой-сопларыны да не ичюн оларгъа белли олмагъан мемлекетке котерип аттылар?

Йирмея 22:28 ပူးပေါင်းရင်းမြစ်များ

2 Падишалар 5:21

Фелестинлилер анда озь путларыны ташлап къачтылар, Давут адамларынен исе оларны алды.

2 Тарих вакъиалары 21:20

Ехорам падиша олгъанда, 32 яшында эди. О, секиз йыл девамында Ерусалимде падишалыкъ япты. Онынъ олюмине кимсе аджынмады. Оны Давут Шеэринде дефн эттилер де, падишалар къабринде дефн этмедилер.

Йирмея 14:18

Тарлагъа чыкъсам, анда къылычнен ольдюрильгенлер яталар, шеэрге кирсем, ачлыкътан битип кеткенлерни корем. Пейгъамбернен руханий биле мемлекет бою долашалар, ич бир шейни анъламайлар.

Йирмея 15:1

РАББИ манъа деди ки: – Мусанен Смаил огюмде турып, ялварсалар биле, бу халкъкъа юрегим ятмаз. Оларны огюмден къувала, кетсинлер.

Йирмея 16:12

Сиз исе деделеринъизден даа бетер этесинъиз. Эр биринъиз юрегинъизнинъ яман инатлыгъына коре яшайсынъыз, Мени динълемейсинъиз.

Йирмея 17:4

Озь къабаатынъа ола, санъа берген къысмет сенден алынаджакъ. Санъа белли олмагъан мемлекетте душманларынънынъ къулу оладжакъсынъ. Сиз ачувымны алевлендирдинъиз, о эбедий янаджакътыр.

Йирмея 22:27

Джанынъыз къайтмагъа истеген топракъкъа исе бир даа къайтмаджакъсынъыз.

Йирмея 22:30

РАББИ бойле дей: Бу адамны баласыз оларакъ язынъыз, омюрбилля о огъурсыз оладжакъ. Эвлятларындан ич кимсе бахыт корьмейджек, Давутнынъ тахтында отурмайджакъ, Ехудада бир даа падишалыкъ этмейджек.

Йирмея 24:1

Вавилон падишасы Невукъаднеццар Ехуданынъ падишасыны Ехоякимнинъ огълу Еконьяны ве Ехуданынъ башлыкъларыны, усталарыны, демирджилерини Ерусалимден сюргюн этип, оларны Вавилонгъа алып кетирген сонъ, РАББИ манъа Сарайынынъ огюнде къоюлгъан эки сепет инджир косьтерди.

Йирмея 37:1

Ехоякимнинъ огълу Еконьядан сонъ Ёшиянынъ огълу Цидкия падиша олды. Вавилон падишасы Невукъаднеццар оны Ехуданынъ падишасы этти.

Йирмея 48:38

Моавнынъ эписи дамларында ве эписи сокъакъларында тек агълав эшитиле. Бегенмеген савутны киби, Мен Моавны къырдым, – дей РАББИ.

Хошеа 13:15

Агъа-къардашлары арасында Эфраим бол къысметли олса да, шаркътан къуру рузгяр келеджек, сахрадан эскен РАББИнинъ ели котериледжек, онынъ чокъракълары къуруйджакъ, чешмелерининъ суву битеджек. Оларнынъ къыйметли шейлернинъ бутюн хазинеси тартып алынаджакъ ве бошатыладжакъ.

Хошеа 8:8

Исраиль енъильди. Шимди о, халкълар арасында бир шейге ярамагъан савут киби олды.