Йирмея 22:26 - Мукъаддес Китап

²⁶ Сени де, сени догъгъан ананъны да сиз догъмагъан бир ябанджы мемлекетке атаджагъым, ве анда оледжексинъиз.

Йирмея 22:26 ပူးပေါင်းရင်းမြစ်များ

4 Падишалар 24:15

Ехоякинни де Вавилонгъа сюргюн этти. Падишанынъ анасыны, къадынларыны, везирлерини ве мемлекетнинъ буюк мырзаларыны Ерусалимден Вавилонгъа сюргюн этти.

4 Падишалар 24:8

Ехоякин падиша олгъанда, 18 яшында эди. О, Ерусалимде учь ай девамында падишалыкъ этти. Анасы – ерусалимли Элнатаннынъ къызы Нехушта эди.

4 Падишалар 25:27

Эвил-Меродакъ Вавилоннынъ падишасы олды. Озь падишалыгъынынъ биринджи йылында, Ехуда падишасы Ехоякиннинъ сюргюнликтеки 37-нджи йылында, 12-нджи айында, айнынъ 27-нджи кунюнде, о, Ехуданынъ падишасы олгъан Ехоякинни зиндандан чыкъарды.

4 Падишалар 25:29

Ехоякин озь зиндан урбаларыны денъиштирди ве бутюн яшайышы девамында падишанынъ софрасындан ашады.

4 Падишалар 25:30

О, яшайышы боюнджа падишадан эр кунь даимий ашамалыкъ-ичмелик алды.

Ешая 22:17

Бакъ, адам! РАББИ сени яхшы тутып, мытлакъа узакъ атаджакъ,

Йирмея 10:18

РАББИ бойле дей: – Бакъынъыз! Шимди мында яшагъанларны мемлекеттен фырлатып атаджагъым, оларны белягъа огъратаджагъым, беляны бутюнлей биледжеклер.

Йирмея 13:18

Падиша ве онынъ апайына бойле айт: – Ерге отурунъыз! Шуретинъизнинъ таджы башынъыздан тюшти.

Йирмея 16:13

Онынъ ичюн сизни бу мемлекеттен чыкъарып, не сиз, не деделеринъиз бильмеген мемлекетке атаджагъым. Анда гедже-куньдюз башкъа аллаларгъа хызмет этеджексинъиз, ве Мен сизге мерамет эйлемейджегим».

Йирмея 22:27

Джанынъыз къайтмагъа истеген топракъкъа исе бир даа къайтмаджакъсынъыз.

Йирмея 28:4

Ехуданынъ падишасыны Ехоякимнинъ огълу Еконьяны ве Вавилонгъа сюргюн этильген эписи ехудалыларны бу ерге къайтараджагъым, – дей РАББИ. – Вавилон падишасынынъ боюндырыгъыны йыкъаджагъым».

Йирмея 29:2

Бундан эвель Еконья падиша, падишанынъ апайы, везирлери, Ехуда ве Ерусалим башлыкълары, усталар ве демирджилер Ерусалимден чыкъкъан эди.

Йирмея 44:14

Мысыр топрагъына яшамагъа кельген ехудалылардан кимсе къуртуламайджакъ, сагъ къалмайджакъ. Олар бутюн джаны-юрегинден Ехуда топрагъына къайтмагъа ве анда яшамагъа истей эдилер, лякин къайтмайджакълар. Ялынъыз андан къачкъан сойлары къайтаджакълар.