Йирмея 22:24 - Мукъаддес Китап

²⁴ – Озюмнен ант этем, – дей РАББИ. – Эй, Ехуда падишасы, Ехоякимнинъ огълу Еконья сагъ элимдеки юзюк олсанъ да, сени андан чыкъарып атар эдим.

Йирмея 22:24 ပူးပေါင်းရင်းမြစ်များ

4 Падишалар 24:12

Ехуда падишасы Ехоякин озю, анасы да, хызметчилери де, мырзалары ве везирлери де Вавилон падишасы Невукъаднеццарнынъ огюне чыкъты. Вавилон падишасы секизинджи йыл падишалыкъ эткенде, Ехоякинни запт этти.

4 Падишалар 24:15

Ехоякинни де Вавилонгъа сюргюн этти. Падишанынъ анасыны, къадынларыны, везирлерини ве мемлекетнинъ буюк мырзаларыны Ерусалимден Вавилонгъа сюргюн этти.

1 Тарих вакъиалары 3:16

Ехоякимнинъ огъуллары: Еконья ве онынъ огълу Цидкия.

2 Тарих вакъиалары 36:9

Ехоякин падиша олгъанда, о, 18 яшында эди. О, Ерусалимде учь ай ве он кунь падишалыкъ этти. О, РАББИнинъ огюнде яман шейлер япып яшады.

Энъ яхшы йыр 8:6

Юрегинънинъ устюне мени, бир тамгъа киби, къой, къолунънынъ устюне, юзюкни киби, такъ. Севги, олюм дайын, кучьлю, куньджюлик, олюлернинъ дюньясы дайын, къуветлидир. Онынъ окълары – атеш ялынларыдыр, о – кучьлю атеш-алевдир!

Ешая 49:16

Мына, сенинъ адынъны къолларымда яздым, диварларынъ даима козюм огюнде.

Йирмея 13:18

Падиша ве онынъ апайына бойле айт: – Ерге отурунъыз! Шуретинъизнинъ таджы башынъыздан тюшти.

Йирмея 22:28

– Бу адам Еконья – хор олгъан, сынгъан савутмы, аджеба? Я да о, бир шейге кечмеген бардакъмы? Оларны не ичюн котерип аттылар? Оны да, сой-сопларыны да не ичюн оларгъа белли олмагъан мемлекетке котерип аттылар?

Йирмея 22:6

РАББИ Ехуда падишасынынъ эвине бойле дей: Сен Манъа, Гилад дагълары киби, Ливан тёпелери киби, гузельсинъ, лякин Мен сени адамсыз шеэрлерге, бакъымсыз сахрагъа чевиреджегим.

Йирмея 24:1

Вавилон падишасы Невукъаднеццар Ехуданынъ падишасыны Ехоякимнинъ огълу Еконьяны ве Ехуданынъ башлыкъларыны, усталарыны, демирджилерини Ерусалимден сюргюн этип, оларны Вавилонгъа алып кетирген сонъ, РАББИ манъа Сарайынынъ огюнде къоюлгъан эки сепет инджир косьтерди.

Йирмея 28:4

Ехуданынъ падишасыны Ехоякимнинъ огълу Еконьяны ве Вавилонгъа сюргюн этильген эписи ехудалыларны бу ерге къайтараджагъым, – дей РАББИ. – Вавилон падишасынынъ боюндырыгъыны йыкъаджагъым».

Йирмея 29:2

Бундан эвель Еконья падиша, падишанынъ апайы, везирлери, Ехуда ве Ерусалим башлыкълары, усталар ве демирджилер Ерусалимден чыкъкъан эди.

Йирмея 37:1

Ехоякимнинъ огълу Еконьядан сонъ Ёшиянынъ огълу Цидкия падиша олды. Вавилон падишасы Невукъаднеццар оны Ехуданынъ падишасы этти.

Хагъгъай 2:23

Шу куню, – дей Ордуларнынъ РАББИси, – Мен сени, къулумны, Шеалтиэлнинъ огълу Зеруббавелни алып кетиреджегим ве, сени сайлап алгъаным ичюн, сени Озюме юзюк-нишан япаджагъым. Бу – Ордулар РАББИсининъ сёзлеридир.