Йирмея 22:20 - Мукъаддес Китап

²⁰ Ливан дагъларына чыкъып къычыр, сесинъ Башан еринде эшитильсин. Аварим дагълыгъындан агъла. Эписи ойнашларынъ енъильди.

Йирмея 22:20 ပူးပေါင်းရင်းမြစ်များ

4 Падишалар 24:7

Мысыр падишасы бир даа озюнинъ мемлекетинден чыкъмады, чюнки Вавилон падишасы Мысыр дерьясындан башлап Фират дерьясына баргъандже Мысыр падишасынынъ бутюн ерлерини тартып алды.

Ешая 57:13

Фигъан къопаргъанынъда, топлагъан путларынъ сени къуртарып олурмы? Ель оларнынъ эписини алып кетеджек, оларны бир уфюрюв савураджакъ. Меним къорчалавымны къыдыргъанлар исе ерни аладжакълар, азиз дагъымнынъ сабылары оладжакълар.

Йирмея 2:25

Ялынаякъ юрмектен сакъын, сувсузлыкътан богъазынъны сакъла. Амма сен: «Э-эй, эписи джоюлып кетсин! Ябанджы аллаларны севем, оларнынъ артындан кетеджегим», – дединъ.

Йирмея 2:36

Неден ёлунъны денъиштирип, о къадар чокъ долашасынъ? Ашшур сени насыл масхара эткен олса, Мысыр да сени масхара этеджек.

Йирмея 2:37

Къолларынънен башынъны тутып, андан чыкъаджакъсынъ, РАББИ сен ишангъанларны ред этти, олар санъа бахыт кетирмейджек.

Йирмея 22:22

Ель бутюн чобанларынъны бакъаджакъ, ойнашларынъ эсирликке кетеджеклер. О заман бутюн яманлыкъларынъ ичюн утанаджакъсынъ, масхара оладжакъсынъ.

Йирмея 25:9

Мен эписи шималь халкъларыны чагъырып, топлайджагъым ве къулума, Вавилон падишасы Невукъаднеццаргъа ёллайджагъым, оларны бу мемлекетке, анда яшагъанларгъа, чевресиндеки бутюн халкъларгъа къаршы алып кетиреджегим ве оларны ёкъ этеджегим. Оларны къоркъунчлы шей этип, масхара этеджегим, ве олар эбедиен харап оладжакълар, – дей РАББИ.

Йирмея 3:1

– «Бир адам апайыны къуваласа, о да кетип, башкъасынынъ апайы олса, биринджи акъайы апайына къайтармы?» – дейлер. Мемлекет бундан арам олмаз эдими? Сен бир чокъ ойнашларынънен ороспуландынъ, лякин кене де Манъа къайт! – дей РАББИ.

Йирмея 4:30

Эй, сен, йыкъылгъан шеэр, энди не япаджакъсынъ? Ал урба кийсенъ де, озюнъни алтын ильванларнен безетсенъ де, козьлеринъе сурьме къойсанъ да, бошуна озюнъни яраштырасынъ. Ойнашларынъ сенден вазгечти, джанынъны алмагъа истейлер.

Агълав йырлары 1:19

Достларымны чагъырам, амма олар мени алдатты; руханийлеримнен акъсакъалларым шеэрлерде гъайып олалар, джанларыны къуртармакъ ичюн аш къыдыралар.

Агълав йырлары 1:2

Геджелери аджджы-аджджы агълай, янакъларында козьяшы; оны севгенлернинъ арасында гонъюль аладжакъ сою ёкъ; достлары эписи онъа хаинлик этип, душмангъа чевирильди.

Ехезкель 23:22

Шунынъ ичюн, Охолива, РАББИ-ТААЛЯ шойле дей: Бакъ, сен джиренип ташлагъан ойнашларынъны санъа къаршы котереджегим ве оларны эр тарафтан кетиреджегим –

Ехезкель 23:9

Шунынъ ичюн Мен оны ойнашларынынъ къолларына, о истеген ашшурлыларнынъ къолларына бердим.

Ехезкель 27:6

Башан эменлеринден къайыкъ куреклерини яптылар, Киттим ялыларынынъ кипарислеринден геми когертесини ясадылар, фильтишнен донаттылар.

Сайылар 27:12

Бундан сонъ РАББИ Мусагъа: – Аварим дагълыгъына чыкъ, Исраиль огъулларына берген топракъкъа бакъ, – деди.

Къануннынъ текрары 32:49

– Аварим дагъларында, Ерихоннынъ къаршысында Моавда ерлешкен Нево дагъына котериль ве Мен Исраиль огъулларына мульк оларакъ береджек Ханаан топрагъына бакъ.