Йирмея 22:13 - Мукъаддес Китап

¹³ Эвини яланнен, юкъары одаларыны адалетсизликнен къургъан, башкъа адамны парасыз чалыштыргъан, акъкъыны бермеген адамнынъ башына беля!

Йирмея 22:13 ပူးပေါင်းရင်းမြစ်များ

2 Тарих вакъиалары 36:4

Мысырнынъ падишасы Неко Ехудагъа ве Ерусалимге янъы падишаны – Ехоахазнынъ агъасы Эльякимни берди ве онынъ адыны Ехоякимге денъиштирди. Агъасы Ехоахазны исе о, Мысыргъа алып кетти.

2 Тарих вакъиалары 36:5

Ехояким падиша олгъанда, о, 25 яшында эди. О, Ерусалимде 11 йыл девамында падишалыкъ этти. О, Алласы РАББИнинъ огюнде яман шейлерни япты.

Эюп акъкъында китап 31:39

эгер мен махсулыны пара одемеден ашагъан, я да сабыларынынъ джаныны агъырткъан олсам,

Ешая 5:8

Эвге эв къошкъан, тарлагъа тарла къошкъанларнынъ башларына беля! Башкъаларына ер къалмай! Ер юзюнде яшагъан тек сизлерми?!

Йирмея 17:11

Йымырталар устюнде отургъан, амма чипче чыкъармагъан кеклик киби, байлыгъыны акъсыз къазангъан адам да ойледир. Омюрининъ ортасында байлыгъыны джояджакъ, сонъунда ахмакъ олып чыкъар.

Йирмея 22:18

Бунынъ ичюн РАББИ Ехуда падишасы, Ёшиянынъ огълу Ехояким акъкъында бойле дей: Онынъ артындан: «Ах, къардашым! Вах, къызкъардашым!» – деп агъламайджакълар. Онынъ артындан: «Ах, эфендим! Вах, дженаплары!» – деп агъламайджакъ.

Левийлилер 19:13

Якъын адамнынъ джаныны агъыртманъыз, онынъ малы-мулькюни озюнъизге тартып алманъыз. Ишчинънинъ къазанчыны сабагъа къадар къалдырманъыз.

Микъа 3:10

ольдюрип ве ялан айтып, Сиондаки Ерусалимни къурасынъыз.

Хавакъкъукъ 2:12

«Къан тёкип, шеэрлерни къурдынъ, акъсызлыкънен къасабаларны яптынъ. Алынъ фена!»

Малакий 3:5

Ордуларнынъ РАББИси бойле дей: – Суд этмек ичюн сизге келеджегим ве этнеджилерни, къоранта садыкълыгъыны бозгъанларны, ялан шаатлыкъ эткенлерни, ыргъатнынъ къазанчыны озь вакътына бермегенлерни, тулны ве оксюзни къыйнагъанларны, кельмешеклерден адалет акъкъыны тартып алгъанларны, Менден къоркъмагъанларны тез мейдангъа чыкъараджагъым.

Къануннынъ текрары 15:13

Оны азат эткенде, бош къолнен йиберме.

Якъуп 5:4

Тарлаларынъызны оргъан ыргъатлардан къазанчыны тутып алдынъыз. Динъленъиз! Олар агълайлар, ве оракъчыларнынъ агълавлары Ордулар Раббисининъ къулакъларына еткен.