Йирмея 18:18 - Мукъаддес Китап

¹⁸ Олар исе: – Айдынъыз, Йирмеягъа къаршы келишейик, – дедилер. – Къанун руханийлернен къаладжакъ, насиат акъыллы адамлардан кетмейджек, пейгъамберлер хабер этип береджеклер. Келинъиз, оны лафнен урып йыкъайыкъ, айткъанларына къулакъ асмайыкъ.

Йирмея 18:18 ပူးပေါင်းရင်းမြစ်များ

2 Падишалар 15:31

Давуткъа: – Ахитофел Авишаломнен берабер санъа къаршы анълашма япты, – дедилер. Давут: – РАББИ! Ахитофелнинъ огреткен шейни ахмакълыкъкъа чевир! – деди.

2 Падишалар 17:14

Авишалом ве бутюн Исраиль: – Аркълы Хушайнынъ насиаты Ахитофел берген насиатындан яхшы, – дедилер. Мына бойле этип, РАББИ, Авишаломгъа беля кетирмек ичюн, Ахитофелнинъ яхшы насиатыны бозмагъа ниет этти.

3 Падишалар 22:24

Бундан сонъ Кенаананынъ огълу Цидкия Микъаягъа якъынлашып, онынъ янагъына яндырып: – Менден чыкъып, РАББИнинъ Руху насыл этип, санъа кельди? – деди.

2 Тарих вакъиалары 24:21

Сонъ Зекъарьягъа къаршы фитне яптылар ве, падишанынъ буюргъанына коре, Зекъарьяны РАББИнинъ Сарайынынъ азбарында ташларнен урып ольдюрдилер.

Эюп акъкъында китап 5:13

О, акъыллы адамларны оларнынъ айнеджилигинен тутып алыр, яланджыларнынъ планлары да бошуна олур.

Зебур 21:11

Догъулгъанымдан берли мен Санъа берильдим, мен анамнынъ къурсагъындан чыкъкъанымдан берли Сен меним Алламсынъ.

Зебур 52:2

Акъылсыз озь юрегинде: «Алла ёкъ», – деди. Адамлар бозулды, игренч ишлер япып башлады. Яхшылыкъ япкъан ич кимсе ёкъ.

Зебур 57:4

Ярамайлар догъулгъандан берли ёлдан урулдылар, анасынынъ къурсагъындан чыкъкъанынен, олар яланджыдыр, янълыш ёлнен кетелер.

Зебур 64:3

Сен дуваны эшитесинъ, бутюн инсанлар Санъа келеджек.

Икметли сёзлер 18:21

Агъзындан чыкъкъан лафынен адам къурсагъыны тойдурыр, тилинен не къазанса, оны ашар.

Ешая 32:7

Алчакъ адамнынъ да арекетлери яман, къара ишлерни япмагъа ниетлене; фукъаре акълы олса да, оны яланларнен ёкъ эте.

Йирмея 1:19

Олар санъа къаршы дженк этеджек, амма сени енъип оламайджакълар. Мен сеннен оладжагъым, сени къуртараджагъым, – деди РАББИ.

Йирмея 11:19

Юваш бир къозу киби олып, союлмагъа алып кетирильген эдим ве оны бильмедим. Манъа къаршы къара ниетлендилер, манъа бойле дей эдилер: – Гуллеп тургъан терекни гъайып этермиз, оны тирилернинъ арасындан ёкъ этейик, ады биле анъылмасын.

Йирмея 18:11

Бойледже, Ехуда акъайларына ве Ерусалимде яшагъанларгъа РАББИнинъ сёзлерини бильдир: «Мына, Мен сизге къаршы бир яманлыкъ япмагъа азырланам. Онынъ ичюн эр биринъиз яман ёлунъыздан къайтынъыз, ёлларынъызны ве ишлеринъизни тюзетинъиз».

Йирмея 18:19

– Динъле мени, я РАББИ, душманларымнынъ сесини эшит!

Йирмея 2:8

Руханийлер РАББИни къыдырмадылар, Къанун оджалары Мени танымадылар, чобанлар Манъа къаршы чыкътылар, пейгъамберлер Баал адындан пейгъамберлик эте эдилер, файдасыз путларнынъ артындан юре эдилер.

Йирмея 20:10

Этрафымда чокъ лафларны эшиттим, орталыкъны къоркъу къаплады. «Оны чакъынъыз! Эр кеске айтып берсинлер», – дейлер. Меннен муаббет яшагъанларнынъ эписи энди абынгъанымны беклеп отуралар; «Бельки, алданаджакъ да, сонъ оны енъип, джезалармыз», – дейлер.

Йирмея 26:11

Руханийлер ве пейгъамберлер башлыкъларгъа ве бутюн халкъкъа: – Бу адам олюм джезасына ляйыкъ! Сиз озь къулакъларынъызнен эшиткенлеринъиз дайын, о, бу шеэрге къаршы пейгъамберлик эте, – дедилер.

Йирмея 37:13

Амма о, Биньямин Къапусындан кечкенде, анда олгъан Хананьянынъ торуны, Шелемьянынъ огълу Иреия адлы къаравулларнынъ башлыгъы Йирмея пейгъамберни токътатып: – Къасдийлилернинъ тарафына кечмеге истейсинъми? – деп сорады.

Йирмея 43:2

Хошаянынъ огълу Азарья, Къареахнынъ огълу Ёханан ве башкъа бетсиз адамлар Йирмеягъа: – Сен ялан айтасынъ, – дедилер. – РАББИ, бизим Алламыз, сени бизлерге: «Мысырда яшамагъа кетменъиз», – айтмагъа ёлламагъан.

Йирмея 44:16

– РАББИнинъ Адындан бизге айткъан сёзлеринъни динълемейджекмиз.

Йирмея 44:17

Амма сёз берген бутюн шейлеримизни япа береджекмиз. Ехуда шеэрлеринде ве Ерусалимнинъ сокъакъларында бизлер, баба-деделеримиз, падишаларымыз, башлыкъларымыз эткенлери дайын, Коклернинъ Къыраличесине къокъулы отларны якъаджакъмыз, ичимлик бахшышларыны кетиреджекмиз. О заман биз токъ ве частлы олып, беля не олгъаныны бильмедик.

Йирмея 8:8

Насыл ола да, сизлер: «Бизлер акъыллымыз, бизде РАББИнинъ Къануны бар», – дейсинъиз? Амма иште, кятиплернинъ яланджы къалеми Къанунны ялангъа чевирди.

Агълав йырлары 3:62

душманларым мени яманлайлар, эр кунь мени мыскъыллайлар;

Ехезкель 7:26

Беля артындан беля, ярамай хабер артындан ярамай хабер келеджек. Олар пейгъамберлерден руя истейджеклер, амма руханийлер къанунны огретмейджек, акъсакъаллар насиат бермейджек.

Левийлилер 10:11

Исраиль огъулларыны РАББИ Муса ярдымынен бильдирген эр бир низамнамелерге огретинъиз.

Микъа 3:6

Шунынъ ичюн руялар ерине къара геджени кореджексинъиз, фалджылыкъ ерине къаранлыкъны аладжакъсынъыз. Пейгъамберлернинъ башы устюнде кунеш ярыкъ бермейджек, куньдюзлери къара оладжакъ.

Микъа 3:7

Гизли шейлерни бильгенлер утанаджакъ, фалджылар масхара оладжакъ. Оларнынъ эписи агъызларыны къапатаджакъ, РАББИден оларгъа ич бир джевап олмайджакъ.

Малакий 2:7

Руханий Ордулар РАББИсининъ хаберджиси олгъаны ичюн, онынъ дудакълары бильгини сакъламакъ керек, адамлар онынъ агъзындан къанун къыдырмакъ кереклер.

Лука 11:45

О вакъыт Къанун оджаларындан бириси Исагъа джевап берип: – Оджа, бу сёзлерни айтып, бизим джанымызны да агъыртасынъ, – деди.

Юхан 9:40

Онынъ этрафында базы фериселер тура эдилер. Олар бу лафны эшитип: – Биз кёр дегильмизми? – деп сорадылар.