Йирмея 17:5 - Мукъаддес Китап

⁵ РАББИ бойле дей: – Адамгъа ишангъан, кишилернинъ кучюне инангъан, юреги РАББИден узакълашкъан адам лянетлидир.

Йирмея 17:5 ပူးပေါင်းရင်းမြစ်များ

2 Тарих вакъиалары 16:12

Падишалыгъынынъ 39-ынджы йылында Асанынъ аякълары агъырып башлады. Сонъ хасталыгъы пек агъыр олды. Аса пек хаста олса да, о, РАББИни къыдырмады, лякин экимлернинъ ярдымыны къыдырды.

2 Тарих вакъиалары 32:8

Онен берабер – адамларнынъ къудрети, бизнен берабер исе – Алламыз РАББИдир. О бизге ярдым этеджек ве бизнен бирликте дженк этеджек. Халкъ Ехуданынъ падишасы Хизкиянынъ сёзлерини эшитти ве юрекленди.

Зебур 62:9

Джаным Санъа япышты, Сенинъ онъ къолунъ мени къатты тута.

Ешая 2:22

Тек нефеси олгъан адамларгъа ишанмакътан вазгечинъиз! Онынъ омюри ярым капик этмез!

Ешая 20:5

О заман Хушкъа ишангъан, Мысырнен макътангъан халкъ дешет тюбюне къалып утанаджакъ.

Ешая 36:6

Сен Мысыргъа, бу сынгъан таякъкъа ишанасынъ, гъалиба? Мысыргъа ким таянса, о къолуны санчып яралай. Мысыр падишасы олгъан фыравун онъа ишангъанларнынъ эписине ойле япа.

Ешая 59:15

Ич бир ерде акъикъат ёкъ, яманлыкътан узакълашкъан адам яманлыкънынъ къурбаны олды. РАББИ бакъты да, адалетнинъ ёкъ олгъаны Онынъ козюнде яманлыкъ эди.

Йирмея 11:3

Оларгъа бойле айт: РАББИ, Исраильнинъ Алласы бойле дей: «Бу васиетнинъ сёзлерини динълемеген адам лянетлидир!

Ехезкель 6:9

Сагъ къалгъанлар, ят мемлекетлерге сюргюн этильгенлер Мени акъылгъа кетиреджеклер. Оларнынъ ороспу юреклери Менден вазгечкени, козьлери путларнынъ артындан ороспулангъанлары ичюн, Мен насыл агъры чеккенимни анълайджакълар, олар япкъан бутюн писликлери ве яманлыкълары ичюн озь-озьлеринден игренеджеклер.

Хошеа 1:2

РАББИ Хошеагъа айткъан сёзюнинъ башы. РАББИ Хошеагъа бойле деди: – Бар да, ороспу къадынгъа эвлен. О, ороспулыгъындан балаларыны корьсюн. Бутюн бу мемлекет Менден айырылды ве ороспу киби, башкъа аллаларгъа ибадет этип башлады.