Йирмея 17:11 - Мукъаддес Китап

¹¹ Йымырталар устюнде отургъан, амма чипче чыкъармагъан кеклик киби, байлыгъыны акъсыз къазангъан адам да ойледир. Омюрининъ ортасында байлыгъыны джояджакъ, сонъунда ахмакъ олып чыкъар.

Йирмея 17:11 ပူးပေါင်းရင်းမြစ်များ

Эюп акъкъында китап 20:21

Ачкозьлюгинден бир шей къуртулып оламады, шунынъ ичюн байлыгъы къатты турамаз.

Зебур 49:13

Мен бугъа этини ашайыммы, текелернинъ къаныны ичемми?

Икметли сёзлер 13:11

Авадан кельген байлыкъ тез азлаша, тер тёкюлип джыйылгъан мульк исе чокълаша.

Икметли сёзлер 15:27

Акъчагъа ачкозьленген эвини йыкъар, къапарлардан нефретленген исе раат яшар.

Икметли сёзлер 21:6

Ялан тильнен къазанылгъан байлыкъ – тез гъайып олгъан думан, олюм тузагъыдыр.

Икметли сёзлер 23:5

Энди байлыкъ корьдим, дегенде, о ёкъ олур, къанатланып, къартал киби, кокке учар.

Икметли сёзлер 28:16

Анълайыштан эксик акимдар халкъны чокъ къыйнар, намуссыз келирден нефретленген исе яшайышны узатыр.

Икметли сёзлер 28:20

Садыкъ адам чокъ бахшыш алыр, бай олмагъа ашыкъкъан исе белядан къуртулмаз.

Икметли сёзлер 28:22

Ачкозь адам байлыкъкъа ашыкъып, фукъаре оладжагъындан хабери ёкъ.

Икметли сёзлер 28:8

Фаиз ичюн акъча берген ве бойле байлыгъыны арттыргъан адам зенгинлигини фукъарелерни аджыгъан адам ичюн топлар.

Йирмея 22:13

Эвини яланнен, юкъары одаларыны адалетсизликнен къургъан, башкъа адамны парасыз чалыштыргъан, акъкъыны бермеген адамнынъ башына беля!

Йирмея 22:17

– Сенинъ не козьлеринъ, не акъылынъ бар! Сен тек арам къазанчкъа ынтыласынъ, къабаатсыз къанны тёкесинъ, зулум ве зорбалыкъ япасынъ.

Йирмея 6:13

– Эм кучюги, эм буюги – эр кес арам къазанчны къыдыралар; эм пейгъамберлер, эм руханийлер – эписи алдаталар.

Йирмея 8:10

Бунынъ ичюн апайларыны башкъаларына, тарлаларыны башкъа сабыларгъа береджегим. Олар, эм кучюги, эм буюги арам къазанчны къыдыралар, эм пейгъамберлер, эм руханийлер эписи алдаталар.

Амос 3:10

– Олар яхшылыкъны япмагъа бильмейлер, – дей РАББИ. – Озь сарайларыны хырсызлангъан ве зорбалыкънен алынгъан шейлерге толдуралар.

Микъа 2:9

Халкъымнынъ апайларыны озь гузель эвлеринден къувалайсынъыз, балаларындан эбедиен Мен береджек шуретимни тартып аласынъыз.

Микъа 7:3

Къоллары яманлыкъ япмагъа уста олды. Башлыкъ бахшыш истей, къады къапар алып, суд эте, халкънынъ буюклери джан истегини бильдире, озь планларыны берабер беджере.

Цефанья 1:9

Мен о куню путларгъа ибадет эткенлерни ве эфендисининъ эвини зорбалыкъкъа ве яланларгъа толдургъан адамларны джезалайджагъым.

Зекерья 5:4

– Мен бу къаргъышны ёллайджагъым, – дей Ордуларнынъ РАББИси. – Ве къаргъыш хырсызнынъ эвине ве Меним Адымнен ант этип ялан айткъан адамнынъ эвине киреджек. Къаргъыш о эвде къаладжакъ ве эм агъач омургъаларыны ве о япылгъан ташларны къырып ташлайджакъ.

Малакий 3:5

Ордуларнынъ РАББИси бойле дей: – Суд этмек ичюн сизге келеджегим ве этнеджилерни, къоранта садыкълыгъыны бозгъанларны, ялан шаатлыкъ эткенлерни, ыргъатнынъ къазанчыны озь вакътына бермегенлерни, тулны ве оксюзни къыйнагъанларны, кельмешеклерден адалет акъкъыны тартып алгъанларны, Менден къоркъмагъанларны тез мейдангъа чыкъараджагъым.

Матта 23:13

Эй, Къанун оджалары ве фериселер! Экиюзьлюлер! Алынъызгъа беля! Кок Падишалыгъыны инсанларнынъ огюнде къапатып, озьлеринъиз де кирмейсиз, кирмеге истегенлерни де йибермейсиз.

Лука 12:20

Лякин Алла онъа: «Эй, акъылсыз адам! Бу гедже джанынъны алмагъа келеджеклер. Бу азырлагъанларынъ кимге къаладжакъ?» – деген.

1 Тимотейге 6:9

Зенгин олмагъа истегенлер сынавларгъа ве къапкъангъа тюшелер, чокъ бош ве зарарлы истеклерге бойсуналар, ве бу истеклер адамларны олюмге ве эляк чукъурына ёллай.

Титке 1:11

Оларнынъ агъзыны къапатмакъ керек, чюнки олар огретмеге керек олмагъан шейлерни огретип, арам къазанч ичюн бутюн къоранталарны ёлдан уралар.

2 Пётр 2:14

Козьлери ороспулыкъкъа толалар, токътамайып гуна япалар. Олар зайыф адамларны ёлдан уралар; юреклери къызгъанчлыкъны яхшы огренгенлер. Олар – лянет балаларыдыр.

2 Пётр 2:3

Олар къызгъанчлы олгъанындан, ялтакъ сёзлернен сизни къапкъангъа тутаджакълар, амма оларнынъ джезасы чокътан берли азыр тура, оларнынъ олюми де кеч къалмаз.