Йирмея 15:19 - Мукъаддес Китап

¹⁹ Бунъа РАББИ бойле джевап берди: – Эгер тёвбе этсенъ, сени арткъа алып кетиреджегим, кене огюмде тураджакъсынъ. Бош шейлерден къыйметлисини айры этсенъ, Меним агъзым киби лаф этеджексинъ. Халкъ санъа келеджек, сен исе оларгъа кетмейджексинъ.

Йирмея 15:19 ပူးပေါင်းရင်းမြစ်များ

3 Падишалар 17:1

Куньлернинъ биринде Гилад топрагъындаки Тишбе шеэринден олгъан Ильяс Ахавгъа: – Исраиль Алласы олгъан РАББИнинъ огюнде турып, ант этем: эгер мен буюрмасам, бу йылларда не чыкъ тюшеджек, не де ягъмур ягъаджакъ, – деди.

Чыкъыш 4:12

– Демек, бар. Лакъырды эткенинъде, янынъда Мен олурым. Санъа не айтмагъа керек олгъаныны огретирим.

Икметли сёзлер 22:29

Ишини усталыкънен эткен адамны корьдинъми? О, адий адамлар огюнде турмаз, падишаларнынъ огюнде турар.

Йирмея 1:9

Сонъ РАББИ къолуны узатып, агъзыма тийдирди ве манъа: – Иште, агъзынъа сёзлеримни къойдым, – деди.

Йирмея 15:1

РАББИ манъа деди ки: – Мусанен Смаил огюмде турып, ялварсалар биле, бу халкъкъа юрегим ятмаз. Оларны огюмден къувала, кетсинлер.

Йирмея 20:9

«Бир даа РАББИни акъылларына кетирмейджегим, Ады акъкъында бир даа айтмайджагъым», – деп тюшюндим, амма юрегимде бир атеш киби янды, кемиклеримни якъкъан дайын олды. Оны ичимде тутмагъа тырыштым, амма оламадым.

Йирмея 35:19

шунынъ ичюн Рекъавнынъ огълу Ёнадавнынъ эвлятлары эр вакъыт Меним огюмде тураджакълар, онынъ сою ич бир вакъыт кесильмейджек, – дей Ордуларнынъ РАББИси, Исраильнинъ Алласы.

Йирмея 4:1

– Эй, Исраиль, сен къайткъанда, Манъа къайтаджакъсынъ, – дей РАББИ. – Юзюмнинъ огюнден джиренч шейлерни узакълаштыргъанда, бир даа манасыз долашмайджакъсынъ;

Йирмея 6:29

Корюк уфюре-уфюре, къуршунны атеште ирите, амма иритиджи бошуна гъайрет этти, яманлар айырылмадылар.

Агълав йырлары 1:11

Бутюн халкъы отьмек къыдырып, ич чекелер; джаныны къуртармакъ ичюн, ашкъа къыйметли шейлерини берелер. «Я РАББИ, корь мени, не къадар ашалангъаныма бакъ».

Ехезкель 2:7

Олар сени истесе – динълесинлер, истемесе – динълемесинлер, амма сен Меним сёзлеримни бу инат халкъкъа хабер эт.

Ехезкель 22:26

Мемлекетнинъ руханийлери Меним Къанунымны бозалар, Меним азиз шейлеримни арамлайлар, азиз ве азиз олмагъан шейлерни айырмайлар, элялнынъ арамдан фаркъыны косьтермейлер, афталыкъ раатлыкъ куньлеримден козьлерини чевирелер. Олар Мени урьмет этмейлер.

Ехезкель 44:23

Олар Меним халкъыма азиз шейлерни азиз олмагъан шейлерден, арамны элялдан айырмагъа огретсинлер.

Левийлилер 10:10

Азиз шейни адий шейден, арам шейни элял шейден айырынъыз,

Юнус 3:2

– Тез буюк Ниневе шеэрине кет. Анда санъа берген хаберимни айт.

Зекерья 3:7

Эгер сен Меним ёлларымдан юрсенъ ве Манъа хызмет этсенъ, адалетнен Эвимни башлыкъ этеджексинъ ве азбарымны къоруйджакъсынъ. Мында тургъанларнынъ арасында юрмеге Мен санъа ёл береджегим.

Лука 1:19

Мелек онъа шойле джевап берди: – Мен – Алланынъ огюнде тургъан Джебраилим. О, мени сеннен лаф этмек ве бу къуванчлы хаберни санъа бильдирмек ичюн ёллады.

Лука 10:16

Сизни динълеген адам Мени динълей. Сизни ред эткен адам исе Мени ред эте. Мени ред эткен исе Мени Ёллагъанны ред эте.

Лука 12:12

О вакъыт не айтаджагъынъызны сизге Мукъаддес Рух огретеджек, – деди.

Лука 21:15

Мен сизни ойле бир лафкъа уста ве икметли этерим ки, сизге къаршы чыкъкъанлардан ич бириси къаршынъызгъа турып, ич бир шей айтып оламаз.

Лука 21:36

Шу себептен эр вакъыт козь-къулакъ олып турунъыз. Бу келеджек мусибетлерден къуртулмагъа кучь тапмакъ, Инсан Огълунынъ алдында турмагъа ляйыкъ олмакъ ичюн, эр вакъыт дува окъунъыз.

Фаалиет 20:27

Мен сизлерге Алланынъ истегенини бутюнлей бильдирдим.

2 Коринтлилерге 5:16

Онынъ ичюн биз энди ич кимсеге адам ольчюсинен къыймет кесип оламаймыз. Эвельден Месихке де адам ольчюсинен къыймет кескен олсакъ да, шимди бойле къыймет кесмеймиз.

Галатиядакилерге 1:10

Шимди мен макътавны адамлардан къыдыраммы, я Алладанмы? Мен адамларнынъ разылыгъыны къазанмагъа тырышаммы? Эгер мен але даа адамларнынъ разылыгъыны къазанмагъа тырышсам, Месихнинъ къулу олмаз эдим!

Галатиядакилерге 2:5

Биз исе, Къуванчлы Хабернинъ акъикъаты сизнен даа олсун деп, оларгъа бир ань биле ёл бермедик, боюн эгмедик.

Еудийлерге 5:14

Агъыр аш исе буюк адамларгъа, яхшылыкънен яманлыкъны айырмагъа теджрибелеринден огренген адамларгъа яраша.

Иуда 1:24

Сизлерни йыкъылувдан сакъламагъа, Озюнинъ Шурети огюне сизни къабаатсыз алда буюк къуванчнен къоймагъа Бильгенге,