Йирмея 13:24 - Мукъаддес Китап

²⁴ Чёль елинен савурылгъан тоз киби, сизлерни дагъытаджагъым.

Йирмея 13:24 ပူးပေါင်းရင်းမြစ်များ

Зебур 1:4

Ярамайлар бойле дегиллер, олар ельде савурылгъан тобан киби олурлар.

Ешая 17:13

Халкълар кучьлю сувлар дайын окюрелер, амма Алла оларны гъазапнен опькелейджек, олар узакъларгъа къачып кетеджеклер. Ель дагъларда тозны, къасыргъа кепекни къувалагъаны киби, олар да къувуладжакълар.

Ешая 41:16

Оларны савураджакъсынъ, оларны ель алып дагъытаджакъ, боран алып кетеджек. Сен исе РАББИде къуванаджакъсынъ, Исраильнинъ Азизинен макътанаджакъсынъ.

Йирмея 18:17

Куньдогъуш ель киби олып, оларны душманларынынъ огюнде савураджагъым. Беля куньлеринде оларгъа юзюмни дегиль, аркъамны чевиреджегим.

Йирмея 9:16

Не озьлерине, не деделерине белли олмагъан халкълар арасында оларны дагъытаджагъым, артларындан къылыч ёллайджагъым ве оларны бутюнлей ёкъ этеджегим.

Агълав йырлары 1:15

Меним эписи кучьлю адамларымны Рабби ёкъ этти; йигитлеримни йыкъмакъ ичюн, манъа къаршы чокъ адамны топлады; юзюмни баскъаны киби, Рабби Ехуда къызыны таптады.

Ехезкель 17:21

Ордусынынъ энъ яхшы аскерлери къылычтан гъайып оладжакъ, сагъ къалгъанлар исе бутюн дюньягъа дагъыладжакъ. О заман билирсинъиз ки, Мен, РАББИ, буны айттым.

Ехезкель 5:12

Халкъынънынъ учьте бир къысмы хасталыкътан ве ачлыкътан ёкъ оладжакъ, учьте бир къысмы шеэрнинъ чевре-четинде къылычтан оледжек, учьте бир къысмыны исе Мен ельге савураджагъым ве ачыкъ къылычнен артындан къувалайджагъым.

Ехезкель 5:2

Алкъагъа алынув вакъты биткенде, сачларнынъ учьте бир къысмыны шеэрнинъ ортасында якъ. Даа учьте бир къысмыны алып, оны шеэрнинъ чевре-четинде къылычнен парча-парча кес. Къалгъан учьте бир къысмыны ельге савур. Мен ачыкъ къылычымнен оларны къувалайджагъым.

Ехезкель 6:8

Амма бир къысмынъызны сагъ къалдыраджагъым. Чешит мемлекетлерде даркъатылгъан, халкъларнынъ арасында яшагъан базыларынъыз къылычтан къуртуладжакъ.

Хошеа 13:3

Бунынъ ичюн олар саба думаны киби, тез гъайып олгъан чыкъ киби оладжакъ, арман еринден савурылгъан саман чёпюне, собадан чыкъкъан тютюнге ошайджакълар.

Левийлилер 26:33

Сизлерни исе халкълар арасында дагъытаджагъым, артынъызгъа къылыч ёллайджагъым. Топрагъынъыз харап къаладжакъ, шеэрлеринъиз бозуладжакълар.

Лука 21:24

Базылары къылычтан кечирилип оледжеклер, башкъаларыны эсирге алып, тюрлю мемлекетлерге ёллайджакълар. Халкъларнынъ вакъты битмегендже, олар Ерусалимни аякъларынен таптайджакълар.

Къануннынъ текрары 28:64

РАББИ сени эписи халкълар арасында, ер юзюнинъ бир четинден башкъа четинедже даркъатаджакъ. Анда сен башкъа, санъа ве деделеринъе белли олмагъан аллаларгъа, агъачтан ве таштан япылгъан аллаларгъа хызмет этеджексинъ.

Къануннынъ текрары 32:26

Айтмагъа истер эдим: “Оларны парчалайджагъым, адамлар оларны ич бир вакъыт хатырламайджакълар”.

Къануннынъ текрары 4:27

О заман РАББИ сизни халкълар арасында дагъытаджакъ. РАББИ сизни тюрлю миллетлернен къарыштыраджакъ, ве оларнынъ арасында сизинъ сайынъыз аз оладжакъ.