Йирмея 10:5 - Мукъаддес Китап

⁵ Хыяр бостанында къушларны къоркъузмакъ ичюн къоюлгъан шей киби, путлар туралар, ич бир шей айтып оламайлар, юрип оламагъанлары ичюн, оларны ташыйлар. Олардан къоркъманъыз! Олар зарар кетирип оламайлар, яхшылыкъ да къолларындан кельмей.

Йирмея 10:5 ပူးပေါင်းရင်းမြစ်များ

3 Падишалар 18:26

О, айткъаны киби, олар бир бугъаны алып азырладылар ве сабадан уйлегедже Баалны чагъырып: – Баал, бизге джевап бер! – деп къычырдылар. Лякин не бир сес эшиттилер, не де бир джевап алдылар. Сонъ олар япкъан къурбан ерининъ этрафында сычрап башладылар.

2 Тарих вакъиалары 25:15

РАББИ Амацьягъа пек ачувланды ве бир пейгъамбер ёллады. Пейгъамбер онъа: – Сен нечюн бу халкънынъ аллаларына табынасынъ? Олар озь халкъыны биле сенинъ къолларынъдан къуртарып оламадылар, – деди.

Ешая 16:12

Моавлылар келип, ибадет тёпелеринде йыкъылгъандже табынса да, азиз еринде дува этсе де, бир шей ярдым этмейджек.

Ешая 45:20

Эй, халкълардан къачып къуртулгъанлар! Эпинъиз топлашып, яныма келинъиз. Озь агъач путуны ташыгъан, оларны къуртарып оламайджакъ аллагъа дува эткенлер ич бир шейни анъламайлар.

Ешая 46:1

Бел бель букти, Нево баш эгди, оларнынъ путлары айванларгъа, туваргъа юкленди. Эвельден сиз оларны ташый эдинъиз, энди олар болдургъан айванларынъызгъа агъырлыкъ эте.

Ешая 46:7

Оны омузларына котерип ташыйлар, озь ерине къоялар; пут къыбырдамайып еринде тура, онъа къычыргъанда биле, джевап бермей, белядан къуртарамай.

Йирмея 10:14

Эр бильгисиз адам акъылсыздыр; путларны яраткъан уста утаныр; онынъ ириткени – ялан, онда рух ёкътыр.

Хавакъкъукъ 2:19

Тахтадан япылгъан путкъа: «Тур», – деген адамнынъ алы фена. Тильсиз ташкъа: «Уян», – деген кишининъ де алы фена. Пут бир шей огрете билирми? О, алтынгъа ве кумюшке къаплангъан, онынъ джаны ёкъ.

1 Коринтлилерге 12:2

Билесинъиз ки, сизлер Алланы бильмегенде, тильсиз путлар, не де олса, сизни ёлдан ура эдилер.

1 Коринтлилерге 8:4

Путларгъа багъышлангъан ашларны ашамакъ акъкъында айтсакъ, биз шуны билемиз: пут дюньяда ич бир шей дегиль, ве бирден-бир Алладан башкъа алла ёкъ.

Къануннынъ текрары 4:28

Анда сиз адам къолларынен таш ве агъачтан япылгъан, козьлери корьмеген, къулакълары эшитмеген, аш ашамагъан ве бурунларынен къокъу алмагъан аллаларгъа хызмет этеджексинъиз.